1 Cr 16:9 - Chuj San Sebastian Bible

⁹ B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.

Chuj San Mateo Bible

⁹ Co b'itejec b'it yuj quic'anchaan̈. Calequel tas satub'tac yilji sc'ulejnac Jehová.

1 Cr 16:9 Referans Kwoze

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

Santiago 5:13

Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.

Mt 26:30

Xlajw sb'itnan eb' jun b'it 'a Dios, x'elt eb', 'ix 'at eb' 'a tzaln Olivo.

Ef 5:19

A yic tzlaj eyamnc e b'a, tze b'itnej jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex laj b'itni, tzeyal wach' paxti 'a Cajlil 'a smasnil e c'ojol.

Salmos 71:17

Ach in Diosal, in a cuyu yictax quelm in 'unin, ax ticnec an̈j 'ijnoc waln 'el jun tzo'n̈ a niwn munljel caw satjub'tac yilx b'ob'il can o'oj.

Salmos 40:10

May 'ajtil xin c'ub'j 'el a tojlal. A wico', to 'ix walcn 'eli chajtlto tzac' 'el'choc tas tzala, yet' pax colnb'il tzac'a. May xon wal 'aj xin c'ub'j 'el a chamc'ojlal, yet' a wach'l 'a sat eb' a chon̈b' 'a 'aj tzyam sb'a eb'.

Malaquías 3:16

Palta a eb' 'ay yel'ch Jehová 'a sat, tzlaj yal-lac junjn eb' 'a 'a yuj swach'l Dios. Ax Dios 'ix yab'i tas wan yaln eb' cha, yuj cha, 'ix ya'n tz'ib'xoc can sb'i eb' 'a jun slibro, yic tzb'inax cot eb' 'ay yel'ch Jehová chi 'a sat.

Salmos 145:12

'Ixta 'oj yutc eb' 'anma yab'ni to til wal tas satjub'tac b'ob'il o'oj, to caw niwn el'ch yet' opiso.

1 Cr 16:8

Calc yuj diosal 'a Jehová. Qui b'inoquec sb'i. Calc 'el yab'xil 'a smasnil eb' chon̈b' yuj tastc b'ob'il yu'uj.

1 Cr 16:10

Tzalj coyc yuj tas yaji, tzalj coyc yuj Jehová, yujto tzca'c 'och qui c'ojl 'a 'a.

Job 36:24

Smasnil 'anma', tzbitnej swach'l Dios yuj tas b'ob'il yu'uj; an̈jtona pax ach tic, al a wach' paxti 'a jun xo.

1 Cr 16:24

Calc 'el yab'xil to niwn yel'chi, yet' tas satjub'tac yilx b'ob'il yu'uj. Calc 'el 'a scal eb' chon̈ab' yet' 'a junjn nacion̈,