1 Cr 16:29 - Chuj San Sebastian Bible

²⁹ Alc wach' paxti 'a 'a, yujto niwn yel'chi. 'Ochn̈ec yet' eyofrenda 'a yamq'uil scajnub'. 'A'c 'emmquilal 'a Dios yic tzex 'och 'a yol scajnub' wach' yilxi.

Chuj San Mateo Bible

²⁹ Alec vach' lolonel d'ay yujto nivan yelc'ochi. Ochan̈ec yed' eyofrenda d'a yamaq'uil stemplo Jehová. Ochan̈ec ejmelal d'ay d'a scajnub' te vach' yilji.

1 Cr 16:29 Referans Kwoze

Salmos 100:4

'Och coyc 'a spuertail yatut Dios yic tzcalnec yuj diosal 'a 'a. A yic 'ayn̈ec 'ec' 'a yamq'uil yatut cha, qui b'itnoquec b'it yic tzcalnec qui wach' paxti 'a 'a.

Is 6:3

Xlaj yal-lanc eb' 'a junjn 'ixtic: A Jehová tzta'n̈j yuj smasnil, Dios caw Cojxni, checl stzictznil 'a smasnil yolyib'n̈q'uinal, xchi eb'.

Salmos 96:9

'A'c 'emmquilal 'a Dios yic tzex c'och 'a scajnub' wach' yilxi. 'Ay cab' xiwc'ojlal smasnil 'anma 'a yojltac.

Salmos 96:6

Caw tzictzni yilx yuj spoder, caw 'ayc' yet' spoder chi 'a yol scajnub'.

Salmos 95:2

'Och coyc yet' qui wach' paxti 'a yojltac, tzqui b'itnanc b'it yic tzqui'nec chan̈ sb'i.

Salmos 29:2

¡Alc wach' paxti 'a Jehová! yujto smoj ton wal sb'inaxi. 'A'c 'emmquilal 'a scajnub' to wach' yilxi.

Salmos 72:15

Pitzn cab'n̈ej jun rey tic. 'Ajx cab' q'uen oro yic Sabá 'a 'a. C'anx cab' stzatzl 'a Dios. 'Ajx cab' yaxilal 'a yib'an̈.

Apoc 7:12

Xyaln eb' 'ixtic: B'o cab' 'ixta'. Alx cab' wach' paxti 'a Dios 'a smasnil tiempo. Alx cab'i', chajtlto caw niwn swach'il, yet' sjelnal. Alx cab' yuj diosal 'a 'a. Caw niwn yel'chi, niwn spoder, niwn pax yip. B'o cab' 'ixta', xchi eb'.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

2 Cr 20:21

A yic 'ix lajw spaxtin yet' eb' chon̈b' cha, 'ix si'n 'el jun tzo'n̈ eb' to tzb'itni. 'Ix ya'n 'och eb' spichl yic yopiso cha, 'ix b'ab'lj eb' yuj eb' soldado cha. Tzyaln eb' wach' paxti yet' sb'it 'ixtic: Ca'c yuj diosal 'a Jehová, yujto a schamc'ojlal, 'ayc' 'a jun 'ejmn̈ej, xchi eb'.

Ez 24:25

'Ix yaln pax Dios 'ayn 'ixtic: Ach 'anma', a ticnec 'oj wi'l jun tas 'aych yipc sc'ojl eb' et israelal tic. Atn watut caw wach' yilxi, caw tzalj eb' yet'oc, yel xo wal nib'b'il yuj eb'. Ax in satn 'el pax yunnal eb'.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

Salmos 50:2

A Dios tzch'ox stzictznil 'a tzaln Sión, jun chon̈b' caw wal wach' yilxi.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

A Ch'an̈ B'ab'el Libro Samuel 6:5

Yuj cha, b'oc yechl jun tzo'n̈ malel yab'il cha, tze b'on pax yechl no ch'ow tz'ixtn 'el sat qui lu'um, tzeyi'n chan̈ sb'i sDiosal Israel. Lemb'il tz'och wan qui yailal yu'uj, yet' 'a eb' qui diosal. Comnoc tz'och pax wan yixtx sat qui lumec.

1 Cr 16:28

Ex 'anma yic junjn chon̈ab', alc wach' paxti 'a Jehová, yujto caw niwn yel'chi, caw wal 'ay spoder.

1 Cr 16:30

'Ay cab' xiwc'ojlal smasnil 'anma 'a yojltac. A 'ix b'on yolyib'n̈q'uinl tic sec matz 'ib'xi.

Salmos 29:1

Ex ángel 'a satcha'an̈, ¡Alc wach' paxti 'a Jehová! ¡Alc wach' paxti 'a sb'i! Yujto tztac' yuj smasnil.

Salmos 96:7

Ex 'anma yic junjn chon̈ab', alc wach' paxti 'a Jehová, yujto caw niwn yel'chi, caw wal 'ay spoder.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.