1 Cr 15:28 - Chuj San Sebastian Bible

²⁸ Smasnil eb' israel caw tzya'l eb' yaw yuj tzaljc'ojlal, yic 'ix 'ijx cot te caxa cha. 'Ix 'utz'x pax cacha, trompeta, syucn eb' platillo, salterio yet' arpa.

Chuj San Mateo Bible

²⁸ Masanil eb' israel ix el yav eb' yuj tzalajc'olal ayic ix ic'jicot te' scaxail strato Jehová chi', ix puchaj noc' ch'aac calnel yed' trompeta, ix tzin̈ji platillo, salterio yed' arpa.

1 Cr 15:28 Referans Kwoze

1 Cr 13:8

Ax David yet' smasnil eb' yit israelal, caw wal tzalj eb' 'a yojltac Dios. Yet' wal smasnil yip eb', tzb'atj chan̈ eb' sb'eyi, tzb'itn eb' yet' arpa, salterio, pandero, platillo yet' trompeta.

1 Cr 15:16

An̈jtona', 'ix yaln pax David 'a eb' 'aych yajlilc 'a yib'n̈ eb' levita, to a 'a scal eb' yin̈tl eb' cha, ata tzsic' 'elt eb' nan̈loc eb' tzb'itn 'a tzaljc'ojlal yet' jun tzo'n̈ yamc'ab', atn salterio, arpa, yet' platillo.

Salmos 68:25

A eb' tzb'itni, a eb' b'ab'el. Ax eb' sonnum, a eb' tzac'an. Locn eb' 'ix cob'stac 'ix, xoj syucn eb' pandereta.

A Ch'an̈ Schab'l Libro Samuel 6:15

'Ixta sb'o David yet' smasnil eb' yit israelal. Caw wal niwquil tzaljc'ojlal x'ochi, yic xyi'n cot eb' te scaxail strato Jehová chi 'a Jerusalén, caw wal tzya'l eb' yaw, tzyutz'n pax eb' strompeta yuj tzaljc'ojlal.

A Ch'an̈ Schab'l Libro Samuel 6:5

Ax David yet' smasnil eb' chon̈b' cha, yet' wal 'a smasnil sc'ojl eb', tzq'ue b'atn̈joc eb' yuj tzaljc'ojlal sb'itn 'a yojltac Jehová yet' jun tzo'n̈ yamc'ab' yic b'it, atn arpa, salterio, pandero, castañuelas yet' platillo.

1 Cr 15:24

Ax eb' ya'mal 'och sti eb' 'anma 'a Dios, atn Sebanías, Josafat, Natanael, Amasai, Zacarías, Benaía yet' Eliezer. A eb' tz'utz'n trompeta 'a yojltac te caxa cha. An̈jtona pax Obed-edom yet' Jehías tan̈m caxa pax yaj eb'.

1 Cr 15:27

A te pichl lino caw wach' 'aych yuj David, 'ixta pax yic eb' levita b'achjnac te caxa cha. An̈jtona', 'ixta pax yic eb' tzb'itn cha, 'ixta yic Quenanías win tzjucb'tzan eb' tzb'itni. A David 'aych pax jun schaleco nab'a lino yu'uj.

1 Cr 15:29

Palta ax yic 'ix jaw te caxa chi 'a Schon̈b' David, ax 'ix Mical yistzil David cha, atn 'ix yisl Saúl, 'ix 'elt t'an̈n 'ix 'a sventnual yatut. 'Ix yiln 'ix to a rey David, caw wal tzb'atj chan̈ yuj tzaljc'ojlal. Caw tu xyutj sb'a xyil 'ix, yuj cha, schab'c'ojlan 'ix.

Nehemías 12:27

A yic 'ix c'och sc'ul yajx can 'och smuroal Jerusalén 'a yol sc'ab' Dios, 'ix 'awtx cot eb' levita 'a smasnil lugar 'a 'ajtil cajn eb'. 'Ix jaw eb' 'a Jerusalén yuj jun q'uin̈ cha, yet' yuj yalx wach' paxti', tzb'itnax b'it 'a tzaljc'ojlal yet' platillo, arpa yet' lira.

1 Cr 25:1

An̈jtona', a David yet' eb' syajlil eb' 'ay yopiso cha, a eb' 'ix si'n 'el eb' yin̈tl Asaf, Hemán yet' Jedutún, yic tzyaln 'el eb' spaxti Dios yet' jun tzo'n̈ yamc'ab' yic tz'och b'it 'a Dios, atn yet' arpa, salterio, yet' platillo. Atn slistail eb' winc 'aych 'a yopiso tic.

Salmos 47:6

B'itn coyec, caw wal b'itn coyc 'a Dios. B'itn coyc 'a qui Reyal.