1 Cr 15:13 - Chuj San Sebastian Bible

¹³ Yujto a 'a b'ab'el, man̈oc ex 'ijnac cot te', yuj cha, 'ix smiln cham Jehová qui Diosalec jun 'a eb' quitb'eymec cha, yujto ma'ix qui c'anb'j cab' 'a 'a, tas wach' xqui b'o'ec, xchi.

Chuj San Mateo Bible

¹³ Yujto a d'a sb'ab'elal, man̈oc ex ix eyic'cot te', yuj chi' ix cot yoval sc'ool Jehová co Diosal d'a quib'an̈, yujto man̈ chamoc ix co c'anb'ej cab'i tas sco c'ulej, xchi vin̈.

1 Cr 15:13 Referans Kwoze

A Ch'an̈ Schab'l Libro Samuel 6:3

A 'a yatut win Abinadab, jun 'ayc' 'a tzalan, ata 'aycn scaxail strato Dios cha. Xya'n 'och eb' te 'a yol jun te careta caw wal 'a'to, xlajw cha, xyi'n cot eb'.

1 Co 14:40

Caw wach' tzeyutj e b'on smasnil tas, sec tz'och 'a stzolil.

1 Co 11:2

Ex wu'tac, ex wanab', tzex wal wach'l ta', yujto smasnil tiempo tzin e na coti. Wan e b'eylb'an pax jun tzo'n̈ cuynb'il waljnac can 'ayex.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

1 Cr 15:2

Xlajw cha, 'ix yaln David chi 'ixtic: A eb' man̈ levitaoc, matz tac' yi'n cot eb' te scaxa Dios, palta cojn eb' levita smoj yi'n cot te', yujto a eb' sic'b'il 'el yuj Jehová, yic tzyi'n cot eb' te caxa cha, cojn eb' tztac' ya'n servil Jehová 'a smasnil tiempo, xchi.

Dt 31:9

'Ix stz'ib'n can Moisés smasnil jun tzo'n̈ ley tic, xya'n can 'a eb' ya'mal 'och sti eb' 'anma 'a Dios, atn eb' yin̈tl can Leví; eb' yi'mal b'ey scaxail strato Jehová. Xya'n pax 'a eb' yichmtac wincal chon̈ab'.

Nm 7:9

Ax pax 'a eb' yin̈tl Coat, ma'ix 'ajx scareta eb' yet' no wacax, yujto a eb' tz'i'n 'at smasnil syamc'ab'il scajnub' Dios 'a squelab'.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

1 Cr 13:3

sec tz'at qui'c cot te scaxail strato Jehová qui Diosalec, yujto atxo can 'a yol stiempoal Saúl, ata 'ix 'atcn satc'ojlal te cujec, xchi David cha.