1 Cr 14:2 - Chuj San Sebastian Bible

² Yuj cha, 'ix nachj 'el yuj David chajtlto a Jehová 'ix 'a'n 'och reyl 'a yib'n̈ chon̈b' Israel. Caw 'ix 'ijx chan̈ yopiso yujto 'ay schamc'ojlal Jehová 'a schon̈ab'.

Chuj San Mateo Bible

² Yuj chi' ix nachajel yuj vin̈aj rey David chi' to a Jehová ix ac'anoch vin̈ reyal d'a chon̈ab' Israel. Ix ic'jichaan̈ yopisio vin̈ yuj Jehová yujto xajan chon̈ab' Israel yuuj.

1 Cr 14:2 Referans Kwoze

Nm 24:7

A 'aj 'ayc' chon̈b' Israel cha, caw wal 'ay a a wach' yu'n eb' 'anma', wach' pax ya'n 'och eb' yalil tas tzyawej. A sreyl eb', 'ec'b'al 'a yib'n̈ rey Agag. Caw wal niwn tas tztac' yuj jun sreyl eb' cha.

Dn 2:30

A 'ix ch'oxn pax jun a waych tic 'ayin, man̈ yujoc to yel xo jeln in 'a yib'n̈ smasnil 'anma', ma'ay. Palta yuj wa'n ojcoc 'eli tas tzyal 'el'ch a waych cha, sec tznachj 'el o'oj tas nab'il oj 'a a nab'en.

Ester 4:14

Toto mayn̈ej tas 'oj al ticnec, toto 'ixta', 'ajmn̈ej 'oj cot junc qui colmalec an̈ israel on̈c tic, palta ach xo tic yet' smasnil eb' ecan, c'uxn 'oj qui satli. Toq'ue yuj jun yailal tic, ach si'x 'och reinail yic tzon̈ a coln 'eli, xchi Mardoqueo cha.

2 Cr 2:11

Xlajw cha, 'ix ya'n cot win Hiram sreyl Tiro jun ch'an̈ carta 'a Salomón, tzyaln 'a 'ixtic: Ach rey Salomón, a Jehová ach 'a'n 'och reyl 'a yib'n̈ chon̈b' Israel, yujto caw 'ay schamc'ojlal 'a schon̈ab'.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

A Ch'an̈ Schab'l Libro Samuel 7:16

An 'oj wa'xcan 'och en̈tl a jelc reyl 'a yib'n̈ in chon̈b' 'a smasnil tiempo, xchi, xa chi 'a 'a, xchi Dios 'a win Natán.

1 Cr 17:17

Man̈ocn̈ej jun tic ach in Diosal, palta wan aln can 'ayin to 'oj ac' a wach'c'ojlal 'a yib'n̈ eb' win̈tl yic b'aq'uin̈. Lajn xoj tzin otj in eln 'och 'icha jun tzo'n̈ niwc winac.

A Ch'an̈ Schab'l Libro Samuel 7:8

Tzaln pax 'a jun in checb' David cha, chajtlto an Jehová in tzta'n̈j wuj smasnil, an tzwal jun tic 'ixtc 'a 'a: An ach wij 'el 'a spatc no calnelu, yic tzach wa'n 'och syajlilc in chon̈b' Israel.

Dt 28:1

Toto caw yel, yiclum 'oj eyutc e b'a 'a Jehová qui Diosalec, ax e b'eylb'an smasnil jun tzo'n̈ schecnb'il tzwalcn 'ayx tic, toto 'ixta', caw niwn 'oj eyaj 'el'ch yuj 'a yib'n̈ jun tzo'n̈ xo nacion̈ 'a yolyib'n̈q'uinl tic.

1 Cr 14:1

A win Hiram sreyl chon̈b' Tiro, 'ix ya't schecb' 'a David. An̈jtona', xya't eb' albanil, yet' eb' josmte', 'ix yi'n 'at eb' te c'ute yet'oc, yic tzb'on chan̈ eb' sdespacho David.

1 Cr 14:3

'Ix yi'n David chi jun tzo'n̈ xo eb' 'ix 'ix yistloc 'a Jerusalén, yuj cha, caw 'ayt yunnal yet' yisl x'alj yet' eb' 'ix.

2 Cr 2:10

'Oj wa't tas 'oj sc'ux eb' a munljum cha. 'Oj wa't 60 mil quintal 'ixm trigo, an̈jtona', 'ixta pax 'ixm cebada, 110 mil galón yal uva, an̈jtona', 'ixta pax aceite, xchi Salomón.