1 Cr 14:10 - Chuj San Sebastian Bible

¹⁰ 'Ix sc'anb'n David 'a Dios 'ixtic: —¿Tztac' am wa'n owl yet' eb' filisteo tic? ¿'Oj a'ch am eb' 'a yol in c'ab'? xchi. 'Ix ta'w Jehová 'a 'ixtic: —'Ac' owl yet' eb', yujto an 'oj wa'ch eb' 'a yol a c'ab', xchi.

Chuj San Mateo Bible

¹⁰ Yuj chi' ix sc'anb'ej vin̈aj rey David d'a Dios icha tic: —¿Tzam yal vac'an oval yed' eb' filisteo tic? ¿Ol am ac'och eb' d'a yol in c'ab'? xchi vin̈. Ix tac'vi Jehová d'a vin̈: —Ac' oval yed' eb', yujto ol vac'och eb' d'a yol a c'ab', xchi.

1 Cr 14:10 Referans Kwoze

Pr 3:6

Na cot Jehová yet' smasnil tas tzlaj a b'o', sec a 'oj e'n 'at 'a jun wach' b'eyb'al.

1 Cr 14:14

yuj cha, 'ix sc'anb'n pax David jun 'ejm xo 'a Dios. 'Ix ta'w Dios 'a 'ixtic: —Man̈x ex 'eltc 'a sat eb', palta to tzex 'och oyn 'a eb', sec wach' 'oj e jaw 'a spatquil eb'. Ata tzex 'elt eyac' owl yet' eb' 'a 'aj 'ay eb' te bálsamo.

1 Cr 13:3

sec tz'at qui'c cot te scaxail strato Jehová qui Diosalec, yujto atxo can 'a yol stiempoal Saúl, ata 'ix 'atcn satc'ojlal te cujec, xchi David cha.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ Schab'l Libro Samuel 5:19

Yuj cha, sc'anb'n David 'a Jehová 'ixtic: —¿Tztac' am 'at wa'nc owl yet' eb' filisteo? ¿Tzac' am wal eb' 'a yol in c'ab'? xchi. —'Ixic, 'at 'ac' owl yet' eb', an 'oj wac' eb' 'a yol a c'ab', xchi Jehová.

A Ch'an̈ Schab'l Libro Samuel 2:1

Xlajw cha, sc'anb'n David 'a Jehová 'ixtic; —¿Tom tztac' in 'at 'a junc eb' chon̈b' 'ay 'a yol yic Judá? xchi. —N', tztac' a 'ati, xchi Jehová. Yuj cha, sc'anb'n pax David jun 'ejm xo: —¿'Aj 'ay junc chon̈b' 'aj smoj in 'ati? xchi. —A 'a chon̈b' Hebrón tzach 'ati, xchi.

A Ch'an̈ B'ab'el Libro Samuel 30:8

'Ix sc'anb'n David 'a Jehová 'ixtic: —¿Smoj am in 'at 'a spatquil nan̈l eb' 'elc'm cha? ¿'Oj yamchjoc am eb' wu'uj? xchi David cha. —'Ixc 'a spatquil eb', 'oj yamchjc eb' o'oj, ax 'e'n can 'ec' smasnil eb' x'ijx 'at cha, xchi Jehová 'a David.

A Ch'an̈ Schab'l Libro Samuel 5:23

Xlajw cha, sc'anb'n pax David 'a Jehová, yuj cha, xta'w 'a 'a, xyaln 'ixtic: —Man̈oc 'a sat eb' tzach 'at ac' owal, palta tzoycn eb' b'ab'el, ax 'a spatquil eb' tzach coti. Ata tzach c'och 'a 'aj 'ay eb' te te bálsamo sb'i.

1 Cr 14:9

'Ix jaw eb' 'ajc'ojl chi yixtc eb' 'anma 'a lum pan̈n 'a'lic 'a yol yic Refaim.

1 Cr 14:11

'Ix q'ue'ch David yet' eb' soldado 'a jun lugar tzcuch Baal-perazim, ata 'ix 'ajx ganar eb' filisteo yu'uj. Yajn̈ej 'ix yaln 'ixtic: 'Icha wal tzyutj sjacn a a sb'e, 'ixtnta 'ix yutj Jehová sjacn b'e 'ayn 'a scal eb' 'ajc'ojl yajch 'ayin, xchi. Yuj cha, xya'n scuch jun lugar chi Baal-perazim.