1 Cr 13:6 - Chuj San Sebastian Bible

⁶ Ajun smasnil eb' yit israelal David chi yet'oc, 'ix q'ue'ch 'a lum Quiriat-jearim, sec wach' to tz'ijx cot te scaxail strato Jehová Dios, atn jun 'ay q'ue sdespacho 'a yib'n̈ sjolm eb' querubín 'a 'aj tzb'inax sb'i.

Chuj San Mateo Bible

⁶ scuchanpax Baala d'a yol yic Judá. Ix b'at yic'cot te' scaxail strato Jehová Dios chi' eb' ta', aton Dios ay d'a yib'an̈ eb' querubín b'aj tz'ic'chajchaan̈ sb'i.

1 Cr 13:6 Referans Kwoze

Josué 15:9

Axta tzmeltzj 'a lum jolm witz cha, masnto 'a 'aj tzpac' a a yic Neftoa. Tzlajw cha, tz'atxi masnto 'a jun niwquil chon̈b' 'ay 'a lum witz yic Efrón, tz'e'x 'a Baala, atn jun chi tzcuch pax Quiriat-jearim.

A Ch'an̈ Schab'il Libro Yic Yab'ixal Eb' Rey 19:15

'Ix leslwi win 'ixtic: Mamin Jehová, qui Diosal ach an̈ israel on̈ tic on̈, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Ex 25:22

A 'a yib'n̈ smac te caxa cha, ata 'oj in ch'ox in b'a 'ayach, 'a snan̈l yechl chawn̈ querubín 'aych 'a yib'n̈ sti smac te scaxail trato, ata 'oj wac' ojcoc 'el smasnil in checnb'il 'a eyib'n̈ ax israel ex tic, xchi Dios.

A Ch'an̈ B'ab'el Libro Samuel 4:4

Yuj cha, 'ix ya'n 'at eb' chon̈b' chi nan̈l eb' israel 'a Silo. 'Ix 'at yi'nc cot eb' te scaxail strato Jehová tztac' yuj smasnil, yujto ata sch'ox sb'a stzictznil 'a snan̈l yechl chawn̈ querubín 'ay 'a yib'n̈ te caxa cha. Ax chawn̈ eb' yunnal Elí, tza'n 'och eb' yuj te caxa cha, atn win Ofni yet' win Finees.

Josué 15:60

Lum slajn̈c'ajil 'ay chab' chon̈b' yet' yaldeail, eb' lum 'ay 'a jolmtac witz: Atn Quiriat-baal, (atn pax tzcuch Quiriat-jearim) yet' Rabá.

Is 37:16

Mamin Jehová, qui Diosal ach an̈ israel on̈ tic, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Salmos 99:1

Mamin Jehová Reych ton b'i'an. A 'a despacho, ata c'ojn 'ejm 'a yib'n̈ eb' querubín. Tzlaj 'ib'xoc chan̈ eb' lum niwc nacion̈ yuj a may, tzlaj 'ib'x chan̈ lum lum tic o'oj.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

A Ch'an̈ B'ab'el Libro Yic Yab'ixal Eb' Rey 8:16

Yictax wi'n 'elt eb' e mam eyichm ax israel tic 'a Egipto, mant 'a 'aj in si'jnac 'el junc chon̈b' 'a e cal, yic ata tzb'o junc watut 'aj tzin 'aj cajan. Cojn ach in si'jnac 'elta yic tza'n reyl 'a in chon̈b' Israel tic, xchi.

Nm 7:89

A yic tz'och Moisés paxtinc yet' Dios 'a yol Mantiado, tzyab' spaxtin 'elt Dios chi 'a snan̈l chawn̈ yechl querubín 'a yib'n̈ smacl scaxail trato 'a 'aj tz'ajx lajwc mul.

Nm 6:27

'Ixta 'oj yutc eb' in sb'inan 'a yib'n̈ eb' eyit israelal, an xo 'oj wac' in yaxilal 'a yib'n̈ eb', xchi Dios.

Ex 23:21

Man̈ eyi'l e b'a 'a stz'ey jun ángel cha, man̈ e pitc e b'a 'a 'a, caw tzeyiclj tas 'oj yala', yujto a tzmunlj in jeloc. A jun cha, ma'oj yac' lajwc e mul 'a eyib'an̈.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Josué 9:17

Xlajw xoj cha, 'ix 'at eb' soldado israel chi 'at yil eb'; ax 'a schab'jial 'ix c'och eb' 'a schon̈b' eb' cha, atn chon̈b' Gabaón, chon̈b' Cafira, chon̈b' Beerot yet' chon̈b' Quiriat-jearim.

A Ch'an̈ B'ab'el Libro Samuel 6:21

'Ix ya'n 'at eb' 'anma chi schecb' 'a eb' 'aj Quiriat-jearim, 'ix yaln 'at eb' 'ixtic: A eb' filisteo, 'ix wul ya'x can eb' te scaxail strato Jehová, yuj cha, to tzwul eyi'x te', xchi eb'.