1 Cr 13:12 - Chuj San Sebastian Bible

¹² A yic jun c'ul cha, caw 'ix xiw David 'a Dios, 'ix yaln 'ixtic: ¿Tas 'oj wutc wi'n to 'at te scaxail strato Dios 'a watut? xchi.

Chuj San Mateo Bible

¹² A d'a jun c'u chi' ix te xiv vin̈aj rey David d'a Dios, ix yalan vin̈ icha tic: Tecan man̈xo ol yal-laj vic'anb'at te' scaxail strato Dios b'aj cajan in, xchi vin̈.

1 Cr 13:12 Referans Kwoze

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

A Ch'an̈ B'ab'el Libro Samuel 6:20

Yuj cha, xyaln eb' 'aj Bet-semes chi 'ixtic: ¿Mach wal junc tztac' sc'och 'a yojltac Jehová, atn jun Dios caw 'ay smay? Mach wal 'aj tz'at ca'c can te', yic tz'el te 'a qui tz'eyc tic? xchi eb'.

Mt 25:24

Palta ax yic 'ix c'och win chajnac jun talento cha, 'ix yaln win 'ixtic: Patron̈, wojtac, to ch'an ach, toxn̈ej tza jach'a, palta may tas tzawej, toxn̈ej tza chaj eco'oc tas tzyac' ganar junc xo 'anma'.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

1 Cr 13:11

Ax David 'ix cot yowal, yujto 'ix milx win Uza chi yuj Jehová, yuj cha, a jun lugar cha, xya'cn win scuch Peres-Uza.

1 Cr 13:13

Man̈x 'ic yij 'at David chi te 'a Schon̈b' David cha, palta 'ix yala to ata tzcan te 'a yatut win Obed-edom. A jun winc cha, 'aj chon̈b' Gat.

1 Cr 21:30

palta man̈x 'ic stac' s'at David ta', yic tzyaln sb'a 'a Dios, yujto 'ix xiw si'mb'il 'a yic 'ix yiln jun yángel Jehová yet' yespada cha.