1 Cr 12:17 - Chuj San Sebastian Bible

¹⁷ 'Ix 'at David chi scha eb', 'ix yaln 'a eb' 'ixtic: Toto tzex jaw 'a junc'ojlal, yic tzex colwj wet'oc, 'oj ex in cha jawc wet' 'a smasnil in c'ojol; wach'xam may junc tas tu x'el in b'oni, palta toto tzex jaw 'ayn yuj in eya'n 'och 'a yol sc'ab' eb' 'ajc'ojl yajch 'ayin, ¡ax cab' qui Diosal yet' eb' qui mam quichmec, 'oj yil sb'a eyet'oc, yic tzya'n 'och eyailal! xchi 'a eb'.

Chuj San Mateo Bible

¹⁷ Ix elta vin̈aj David chi' scha eb' vin̈, ix yalan vin̈ d'a eb' vin̈ icha tic: Tato d'a junc'olal tzex javi, yic tzex colvaj ved'oc, tzex in cha d'a smasanil in c'ool, palta tato tzex javi yic tzin eyac'och d'a yol sc'ab' eb' vajc'ol jun, vach'chom malaj junoc tas chuc ix in c'ulej, aocab' co Diosal, aton sDiosal eb' co mam quicham ol yil sb'a eyed'oc, syac'anoch eyaelal, xchi vin̈ d'a eb' vin̈.

1 Cr 12:17 Referans Kwoze

San Judas 1:9

Tzqui nacc cot jun sat ángel Miguel sb'i, ya'jnac owl yet' win diablo 'a jun 'el, yic sten sb'a yet' win yuj sniwnal Moisés. A Miguel cha, wach'xam caw niwn spoder, palta ma'ix ste'wtzej sb'a sb'uchwj 'a win diablo cha. Ma'ix yal smul winac. Cojn 'ixtc xyutj yaln 'a winac: Comnoc a Dios 'oj a tumni, schin̈j 'a winac.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

Zacarías 3:2

'Ix yaln yángel Jehová chi 'a win 'a'm queja chi 'ixtic: A Jehová 'ix si'n 'el chon̈b' Jerusalén, a 'oj a tumni, yujto a jun winc tic, lajn 'icha junc cuxc'ac' tz'ijx 'elt 'a scal c'ac', xchi.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Salmos 86:11

Mamin Jehová ch'ox wal a b'e 'ayin, sec yiclum tzin 'aj 'ayach. 'Ac' in te'nal, sec nab'ilchn̈ej wu'uj.

Salmos 7:6

Mamin Jehová cotn̈ yet' yowl a c'ojol, 'ac' sat yowl sc'ojl eb' 'ajc'ojl yajch 'ayin. B'onyaj wal 'a stojlal 'icha tza nib'ej.

A Ch'an̈ Schab'il Libro Yic Yab'ixal Eb' Rey 10:15

A yic x'atx Jehú ta', schan sb'a yet' Jonadab, yunnal Recab, a yic tox xlajw yajx stzatzl sc'ojol, 'ix yaln Jehú 'a 'ixtic. —¿Wach' am ya'n a nab'en 'ayin, 'icha swach'l ya'n in nab'en 'ayach? xchi 'a winac. —N', wach', xchi Jonadab. —Toto 'ixta', 'a' cot a c'ab' 'ayin, xchi Jehú. 'Ix ya'n 'at Jonadab sc'ab' 'a 'a, 'ix sto'n q'ue Jehú yet' 'a yol scaruaje,

A Ch'an̈ Schab'il Libro Yic Yab'ixal Eb' Rey 9:22

A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

A Ch'an̈ B'ab'el Libro Yic Yab'ixal Eb' Rey 2:13

'Ix 'at Adonías yune 'ix Haguit 'at sc'umc 'ix Betsabé, snun Salomón. 'Ix sc'anb'n 'ix 'ixtc 'a 'a: —¿Junc'ojlal am yaj a nab'en tzach jawi? xchi 'ix. —N', xchi winac.

A Ch'an̈ B'ab'el Libro Samuel 18:3

Ax Jonatán yet' David 'ix ya'n eb' sti 'a jun jun, chajtlto tzchamc'ojlej sb'a eb' 'a jun 'ejmn̈ej.

A Ch'an̈ B'ab'el Libro Samuel 18:1

A yic xlajw spaxtin David yet' Saúl, ax Jonatán win yunnal Saúl cha, schamc'ojlax David yuj win 'icha tzyutj sya'iln sb'a, junn̈j xyutj eb' snab'en.

A Ch'an̈ B'ab'el Libro Samuel 16:4

'Ix syiclni Samuel sb'on tas xyal Jehová. Ax yic xc'och 'a Belén, 'ix 'elt eb' yichmtac wincal chon̈b' chi scha sc'och yet' xiwc'ojlal, 'ix yaln eb' 'ixtic: —¿Tas tzwul a b'o'? ¿Tzaljc'ojlal mto cusc'ojlal? xchi eb' 'a 'a:

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

Gn 31:42

Toc wal man̈toc 'aych sDiosal Abraham wet'oc, atn pax Dios 'aj tzleslwi in mam Isaac, wal yel, may jac tas 'ay 'a yol in c'ab' tzin meltzji. Palta a Dios x'iln in cusc'ojlal yet' tas x'aj yel'ch in munljel, yuj cha, ach stenn 'och wan 'a 'ac'wl q'uiq'ui, xchi Jacob cha.

1 Cr 12:16

An̈jtona', 'ay pax jun tzo'n̈ eb' yin̈tl Benjamín, yet' eb' yic Judá, xwul ya'ch sb'a eb' yet' David yic 'ayc' 'a q'uen n̈aq'uen 'aj 'ayq'ui.

1 Cr 12:18

'Ix 'och Yespíritu Dios 'a Amasai syajlil eb' 30 cha, 'ix yaln 'ixtc: ¡Ach David yunnal Isaí, ec caj on̈, 'oj qui can et'oc! ¡Junc'ojlal cab' aji! ¡Junc'ojlal cab' aj yet' eb' xcolwj et'oc, yujto a qui Diosalec a xcolwjn̈ej pax et'oc! xchi. 'Ix schaj David eb', 'ix ya'n 'och eb' capitan̈il 'a scal eb' syajlil eb' soldado cha.