1 Cr 10:7 - Chuj San Sebastian Bible

⁷ Ax yic 'ix yiln smasnil eb' israel cajn 'a jun pan̈n 'a'lic cha, chajtlto tox 'ix 'at eb' yit israelal eb' chi 'eloc, tox xcham pax Saúl yet' 'oxwn̈ yunnal, yuj cha, 'ix yactn can eb' schon̈ab', x'at eb' 'elc jun xo. Xlajw cha, ax eb' filisteo xc'ochcn cajn 'a schon̈b' eb' cha.

Chuj San Mateo Bible

⁷ Ayic ix yilan eb' israel cajan d'a jun ch'olan chi' to toxo ix el lemnaj eb' yetisraelal eb', toxo ix champax vin̈aj Saúl yed' eb' vin̈ yuninal, yuj chi' ix yactejcan schon̈ab' eb', ix b'at eb' elelal. Axo eb' filisteo ix c'ochcan cajan d'a juntzan̈ schon̈ab' eb' chi'.

1 Cr 10:7 Referans Kwoze

A Ch'an̈ B'ab'el Libro Samuel 31:7

Ax yic xyab'n eb' israel cajn 'ec' 'a sc'axpil 'ec' span̈nil Jezreel, yet' eb' cajn 'a span̈nil sti 'a Jordán, chajtlto 'ix 'at eb' soldado israel 'eloc, ax Saúl yet' eb' yunnal 'ix chamcn pax eb', yuj cha, 'ix yactn can eb' schon̈ab', 'ix 'at pax eb' 'elc jun xo. Xlajw cha, ax eb' filisteo chi 'ix c'ochcn cajn 'a schon̈b' eb' cha.

A Ch'an̈ B'ab'el Libro Samuel 13:6

A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.

Jueces 6:2

A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

Dt 28:43

A eb' chuc chon̈b'al 'ayc' 'a yol e chon̈ab', caw 'oj wach' jelnb'oc eb', ax xo tic, 'ipn slajw can 'ejm e jelnal cha.

Dt 28:33

A smasnil sb'al sat e lu'um, yet' sat smasnil eyawb'en, a eb' 'anma man̈ eyojcoc, a eb' 'oj c'uxnoc, 'oj eyab' wal syail, caw 'oltac 'oj eyaji.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.

1 Cr 10:6

'Ixta x'aj scham Saúl 'a jun c'u chi yet' 'oxwn̈ eb' yunnal yet' smasnil eb' 'ay 'a yatut.

1 Cr 10:8

Ax 'a junx c'u, 'ix 'at eb' filisteo, spojn 'ec' eb' tastc 'ay 'a eb' xcham cha. 'Ix 'ilchj Saúl yuj eb' yet' eb' yunnal, t'ocn 'ec' eb' 'a lum jolm witz Gilboa, chamnc xo eb'.