1 Cr 10:12 - Chuj San Sebastian Bible

¹² Yuj cha, 'ix smol aln smasnil eb' winc to caw wal tec'an, 'ix 'at yi'noc eb' sniwnal Saúl yet' yic eb' yunnal, 'ix yi'n cot eb' 'a Jabes cha. Ata 'ix mucx sb'acl eb' 'a yich jun te ma'ach'. 'Ix 'och eb' 'a c'ajb'c'ojlal 'a uque c'u yuj cusc'ojlal.

Chuj San Mateo Bible

¹² ix slajtian sb'a masanil eb' vin̈ vinac te tec'an. Ix b'at yic'ancot snivanil vin̈aj Saúl chi' eb' yed' pax snivanil eb' vin̈ yuninal vin̈, ix c'och yuj eb' d'a Jabes chi'. A d'a yich jun te' ji ix smuc snivanil eb' vin̈ chi' eb'. Uque' c'ual ix och eb' d'a tzec'ojc'olal yuj cusc'olal.

1 Cr 10:12 Referans Kwoze

A Ch'an̈ Schab'l Libro Samuel 3:35

Xlajw cha, xjaw smasnil eb' chon̈b' 'a David, 'ix tew 'och eb' 'a 'a, sec tzwa jab'oc, ya' sb'a mantzac 'em c'u, palta xya'n David sti', xyaln 'ixtic: —A cab' Dios tz'a'n 'och yailal 'a wib'n̈ si'mb'il, toto tzin wa'i, mto tzin c'ux junc tas 'a yic mantzac 'em c'u, xchi.

Gn 50:10

A yic xjaw eb' 'a Goren-ha-atad, 'a stojlal 'aj tzq'uel c'u 'a a niwn a Jordán, ata 'ix stan̈wj eb' yac'wlil sniwnal win Jacob, ax José caw wal niwquil xcus yuj smam chi 'a uque c'ual.

Gn 35:8

Ata xcham pax 'ix Débora, 'ix xq'uib'tzan 'ix Rebeca. Xlajw cha, smucn can 'ejm eb' sniwnal 'ix 'a yich jun te ma'ach', 'a stz'ey Bet-el, ax win Jacob x'a'n sb'ic jun lugar chi Te mach' yic cusc'ojlal, xchi.

Jn 11:19

Yuj cha, til wal eb' israel 'aj Jerusalén xit' 'a'nc sniwnal sc'ojl María yet' Marta, yuj jun snul'j eb' chi xcham cha.

Gn 12:6

'Ix sc'axptej 'e't jun tzo'n̈ lugar masnto 'ix jaw 'a Siquem, 'a 'aj 'ay te mach' 'a yol yic More; atn 'aj cajn eb' cananeo 'a yic jun tiempoal cha.

A Ch'an̈ B'ab'el Libro Samuel 31:12

'ix smol aln smasnil jun tzo'n̈ eb' winc caw wal matz xiwi. Smasnil 'ac'wl 'ix b'ey eb', 'ix c'och eb' 'a 'aj t'un̈n q'ue sniwnal Saúl chi yet' eb' yunnal 'a smuroal chon̈b' Bet-sán. Xlajw cha, 'ix yi'n 'emt eb' sniwnal eb' cha, 'ix meltzj paxt eb', 'ix c'ochx eb' yet' 'a chon̈b' Jabes. Ata sn̈us eb' sniwnal eb' cha.

1 Cr 10:11

A yic 'ix yab'n smasnil eb' 'aj Jabes 'a yol yic Galaad, tas 'ix yutj eb' filisteo Saúl cha.

A Ch'an̈ B'ab'el Libro Samuel 11:1

Xlajw cha, 'ix cot Nahas win sreyl Amón yet' eb' soldado yic tzya'n owl 'a chon̈b' Jabes 'a yol yic Galaad. Palta xyaln smasnil eb' syajlil eb' cajn 'a Jabes chi 'ixtc 'a Nahas: —B'o junc a trato quet' on̈, tzlajw cha, tzon̈ 'och a checb'oc on̈, xchi eb'.

A Ch'an̈ B'ab'el Libro Samuel 11:9

'Ix yaln Saúl 'a eb' checb' yic Jabes chi 'ixtic: —Alc 'a eb' 'aj Jabes cha, to a q'ui'n 'a chimc'ual, 'oj 'at qui col eb' on̈, xchi. Xlajw cha, 'ix 'at eb' checb' chi 'at yal jun tzo'n̈ tic 'a eb' 'aj Jabes cha; yuj cha, caw 'ix tzalj chan̈ eb'.