1 Co 9:17 - Chuj San Sebastian Bible

¹⁷ Q'uinloc yujn̈ej in wach'loc, tz'ec' walnc 'eli. Toto 'ixta', yowlal tzin chaj in tojol. Palta tzwal-li, yujto wib'n̈ xon yaji, yujto a Dios 'a'jnac jun wopiso tic.

Chuj San Mateo Bible

¹⁷ Q'uinaloc tato in munlajel yaji, yovalil am tzin cha in tojol. Palta svaleli yujto vib'an̈ yaj valaneli. Yujto a Dios ac'jinac jun vopisio tic.

1 Co 9:17 Referans Kwoze

Gl 2:7

Toxn may tas yaljnac eb', yujto nachjnac 'el yuj eb', to a Dios 'a'jnac wopiso waln 'el wach' 'ab'x 'a scal eb' man̈ israeloc, 'icha Pedro, 'ac'b'il yopiso yaln 'el wach' 'ab'x chi 'a scal eb' wit israelal.

1 Co 3:8

A eb' 'awum yet' eb' tz'a'n 'och yalil, lajnn̈ej yel'ch smunljel eb'. Palta 'oj scha eb' spac 'a Dios, a tzyala jantc smunljel junjn eb'.

A Scarta San Pablo D'a Eb' Aj Colosas 1:25

In 'ajx 'och ya'malc servil eb' wit creyenteal smasnil. Ya'jnac Dios jun wopiso tic, sec tzex wac' servil, yujto tznib'ej, to tzin wach' alj 'el spaxti'.

1 Co 4:1

Yuj cha, yel xo wach' man̈oc 'ayn̈ tzeya'ch e nab'en on̈. Yujto ton̈j ya'mal servil Cristo caj on̈. A copiso on̈, to tzcac' cuyxoc jun tzo'n̈ cuynb'il yic Dios on̈, atn jun tzo'n̈ ch'oxb'il yuj 'ayn̈ec.

Mt 10:41

A eb' tzchan junc schecb' Dios, yujn̈ej to schecb' Dios yaji, 'oj scha eb' spac 'icha yic eb' schecb' Dios cha. A eb' tzchan junc mach tojl sb'eyb'al, yujn̈ej to tojl sb'eyb'al, 'oj scha eb' spac 'icha yic eb' tojl sb'eyb'al cha.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

1 Ts 2:4

'Icha tznib'j Dios, 'ixta xcutj 'ec' calnc 'el on̈, yujto xyil Dios, to smoj xya'ch copiso caln 'el wach' 'ab'x yic colnb'il on̈. Man̈ yujoc stzalj eb' 'anma quet' 'on̈, tz'ec' calnc 'el on̈, palta yuj wal stzalj Dios. Yujto a tz'iln qui nab'en junjn on̈ec, toto wach', mto ma'ay.

1 Co 3:14

'Ay eb' wach' smunljel. 'Icha junc n̈a matz tz'a yuj c'ac', 'ixta smunljel eb' cha, yujto 'oj techjoc jun b'eyc'ojlal chi yu'uj. Atn eb' chi 'oj chanc spac smunljel.

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

Jeremías 20:9

Toto tzwala, man̈x 'oj in b'inoc sb'i Dios, man̈x 'oj wal-l spaxti pax jun 'ejmoc xo, toto xin chi, ax am tz'aji, 'icha xo c'ac' 'ixta tz'aj a paxti 'ayin. Caw tz'a in b'acl yuj tzwab'i. Tzin nib'j tzin 'och wan waln 'el a paxti cha, palta matz tac' wu'uj.

Is 6:8

Xlajw cha, xwab'n yaln Cajlil 'ixtic: ¿Mach wal junc 'oj in chec ticnec? ¿mach wal junc tz'och qui checb'oc? xchi. Yuj cha, in ta'w 'a 'a: Waj Mamin, tztac' in a checni, xin chi.

Nehemías 11:2

Xlajw cha, xyaln eb' chon̈b' wach' paxti 'a smasnil eb' x'el 'a sc'ojl tz'at cajn 'a Jerusalén.

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

1 Cr 29:5

yet' 'a tzann̈j munljel 'oj sb'o eb' munljum 'a q'uen oro mto 'a q'uen plata. Ax ticnec jun, mach ex wal tz'el 'a e c'ojl eya'n eyofrenda 'a Jehová ticnec, tztac' eya'ni, xchi win rey.

Filemón 1:14

Palta matz in nib'j tzin b'ab'l b'oj in trato yet'oc, masnto tzwab' 'ayach. Yujto tzin nib'ej tzach colwj 'ayn yet'oc, man̈toc tzach 'ajx pural.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

1 Co 9:16

An tic, wach'xam tz'ec' wal-l wach' 'ab'x yic colnb'il, man̈ yujoc cha, tztac' in b'an̈n in b'a. Yujto yowlal tz'ec' wal-li. Caw wal 'oltac in, toto matz 'ec' wal-l jun wach' 'ab'x tic.

Lc 12:42

Yuj cha, xyaln pax Cajlil 'a eb' 'ixtic: Q'uinloc 'ay junc patron̈ ticnec. A junc smoso yiclum, 'ay pax sjelnal, a 'oj ya'ch yopiso smayltomaoc, sec a 'oj 'ilnc eb' smoso chi smasnil, ax ya'n wa eb' 'a junjn 'ejem.

Mt 24:25

'Aycto, tzwaln can jun tzo'n̈ tic 'ayex.

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

1 Cr 29:14

Wal yel, an tic yet' eb' wit chon̈b' tic, caw may jac tas tztac' tzqui siyj 'ayach, yujto smasnil jun tzo'n̈ tic a 'aych tzcoti. Yuj cha, cojn tas tzqui chaj 'ayach, a tzcac' pax 'ayach.

Jn 4:36

'Ay eb' 'e'nc xo munljoc 'a scal eb', 'icha junc 'awm 'in̈at. 'Ay pax eb' tzmunlj 'icha junc jach'm 'a scal eb', sec 'oj scha eb' 'anma chi sq'uinl 'a jun 'ejmn̈ej. Ax eb' tzmunlj cha, c'uxn 'oj scha eb' spac jun smunljel cha, sec wach' lajnn̈ej 'oj tzaljc eb' munljum chi smasnil.

1 Co 9:18

Yuj cha, a spac wan in chan ticnec, atn tzaljc'ojlal wan in chani yic tz'ec' walnc wach' 'ab'x 'a nab'an̈ej. Yujto wach'xam 'ay waln wic in c'ann in gasto 'a spatc wopiso tic, palta toxn may tas tzin c'ana.