1 Co 9:12 - Chuj San Sebastian Bible

¹² 'Ay jun tzo'n̈ xo eb' 'ay yaln yic schan yic 'ayex. Yuj cha, an̈ tic on̈, yel xo wal 'ec'b'al 'ay caln quic 'ayx on̈. Palta wach'xam 'ay caln quic 'ayx on̈, mant 'a jun 'ejmoc qui c'anjnac qui gasto 'ayx on̈. Caw tzcac' techjoc smasnil tas on̈, sec wach' niwn yel'ch yab'xil Cristo 'a 'ajtc tz'ec' cal-l on̈.

Chuj San Mateo Bible

¹² Ay pax juntzan̈xo eb' ay yalan yic schaan yic d'ayex. Yuj chi' a on̈ tic, yelxo val ec'al ay calan quic d'ayex. Vach'chom ay calan quic d'ayex, palta manta juneloc sco c'an co gasto d'ayex. Scac' val techaj smasanil, yic vach' nivan yelc'och yab'ixal Cristo d'a b'ajtac tzon̈ ec' caleli.

1 Co 9:12 Referans Kwoze

2 Co 11:12

Palta an̈j 'ijnocn̈ej 'oj wutc in b'a, 'ichan̈ej 'ec' wutjnac in b'a xon 'a e cal. Sec wach' a eb' tzsayc' tas tzyutj sb'an̈n sb'a, 'oj can eb' 'a yaln̈ wu'uj, yujto tzcob' yal eb', to lajn yopiso eb' quet' on̈.

1 Co 9:18

Yuj cha, a spac wan in chan ticnec, atn tzaljc'ojlal wan in chani yic tz'ec' walnc wach' 'ab'x 'a nab'an̈ej. Yujto wach'xam 'ay waln wic in c'ann in gasto 'a spatc wopiso tic, palta toxn may tas tzin c'ana.

1 Co 9:15

An tic, wach'xam 'ay waln wic yet' eb', palta mant 'a 'aj xin c'an jun tic jun 'ejmoc. Ton̈j tzwal't jun tzo'n̈ tic 'ayex. Man̈ yujoc in c'ann in gasto tzin tz'ib'n 'at jun tzo'n̈ tic. Tzin na'a, yel xom wach' tzin chami, 'a yib'n̈ to tzin c'an in gasto 'ayex. Yuj jun tic 'ay waln wic in tzalj 'a sat Dios. May mach tztac' yi'n 'ec' jun in tzaljc'ojlal tic.

1 Co 9:2

Wach'xam 'ay jun tzo'n̈ xo eb' tzalni, to man̈ in schecb'oc Cristo, palta ax xo, eyojc xoni to schecb' waji. Caw ch'oxnb'il eyaji, to schecb' waji, yujto wu'uj, 'aych e c'ojl 'a Cristo.

2 Co 11:20

'Ay eb' tzex 'a'n pural, yic tzeya'n servil eb'. Ax jantcn̈ej tas 'ay 'ayex, c'uxn tztoc'c' eb'. Caw tzya'ch sb'a eb' yajlil 'ayex, tzyi'n chan̈ sb'a eb', 'ay 'aj tzpawch eb' scab' 'a e sat, palta ax xo, 'in tzeyac' techjoc 'a eb'.

2 Co 6:3

Tzqui nib'j on̈, may mach tzb'uchwj 'a spatc qui munljel on̈. Yuj cha, may jun 'ejmoc palta tzcutj qui b'a 'a sat junc xo mach on̈.

1 Co 6:7

A yic tzlaj eya'nc queja e b'a, caw palta tzex can 'a sat Dios. Toto 'ay junc eyit creyenteal man̈ tojloc tzyutj sb'a 'ayex, comnoc ton̈j tzeyac' techjoc. Toto 'ay mach tz'elc'n junc tas 'ayex, 'a'c niwnc'ojlal 'a 'a.

Ro 15:22

Til wal 'ejm tzin nib'j 'at ex wila'. Niwn xo yab'lil in yamn 'och in nani. Palta yuj wopiso tic, matz tac' 'at ex wilnoc. Al ticnec, man̈x 'a in munljel 'a jun tzo'n̈ lugar tic.

A Tas Sc'ulejnac Eb' Schecab' Jesús Hechos 18:3

Ata x'och wan yet' eb', yujto lajn smunljel eb' schawn̈il. To b'om mantiado eb'. Yuj cha, junn̈j tzmunlj eb' ta'.

Lc 11:52

'Oltacx wal ax cuywjum ex 'a ley yic Moisés, yujto mun xcob' eya'ch eyopiso e jacn snab'en eb' 'anma yet' spaxti Dios. Palta 'in matz eya'ch e nab'en 'a spaxti cha. Ax eb' tznib'j tzya'ch snab'en 'a 'a, matz e chaj ya'ch eb', xchi Jesús 'a eb'.

Nehemías 4:8

Smol alj eb' smasnil to tzyac' eb' owl quet' on̈, tzma'n 'ejm lan̈chjoc eb' Jerusalén jun 'ejm xo yalni.

Gn 24:56

Palta 'ix ta'w win checb' chi 'ixtic: —Man̈x in eyamch wa'an, a Jehová x'och wet'oc, yuj cha, wach' x'aj 'el'ch jun in checnb'il tic. Chajec in 'ati, to tzin pax 'a yatut in patron̈ cha, xchi winac.

1 Co 9:14

An̈jtona', 'ixta pax eb' tz'ec' alnc 'el wach' 'ab'x yic colnb'il. Yujto yaljnac can Cajlilec, to yowlal tzchaj eb' sgasto 'a spatquil 'aj tzmunlj cha.

1 Co 9:16

An tic, wach'xam tz'ec' wal-l wach' 'ab'x yic colnb'il, man̈ yujoc cha, tztac' in b'an̈n in b'a. Yujto yowlal tz'ec' wal-li. Caw wal 'oltac in, toto matz 'ec' wal-l jun wach' 'ab'x tic.

1 Co 13:7

Toto yel 'ay qui chamc'ojlalec, 'oj ca'c techjoc smasnil tas. 'Oj ca'c 'och 'a qui c'ojol, chajtlto wach'n̈j tas tzb'o eb' quit 'anma'il. 'Oj ca'c 'ochn̈ej pax eb' yipc qui c'ojol. Tzann̈j junc tas tzjaw 'a quib'n̈ec, te'nn̈ej 'oj cutquec qui b'a.

2 Co 2:12

A yic in c'och 'a chon̈b' Troas, waln 'el yab'xil Cristo, caw coln in munlj 'a yic Cajlil ta'.