1 Co 8:12 - Chuj San Sebastian Bible

¹² Yuj cha, a eb' mant 'a ste'nal cha, toto eyu'uj, tzjuw 'el jun snab'en eb' tz'a'n cuenta, a 'a Cristo tz'och e mul.

Chuj San Mateo Bible

¹² Yuj chi', a eb' mantalaj stec'anil chi', tato eyuuj tz'ixtaxel spensar eb', a d'a Cristo tz'och e mul.

1 Co 8:12 Referans Kwoze

Mt 18:6

Toto 'ay mach tz'a'n juwc 'el snab'en junc 'unn tzya'ch sc'ojl 'ayin, caw 'oltac jun cha. Octom tzb'ab'l jalx 'och junc niwquil q'uen cha 'a sjaj, tzjulx can 'at 'a yojl a mar, yic mantzac juw 'el snab'en jun chi yu'uj. Toto 'ixta', yel xo wal wach' yico'.

Mt 25:45

Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'.

1 Co 12:12

A qui niwnalec tic, wach'xam niwn tas 'ay 'a 'a, palta junn̈j yaji. 'Icha jun tzo'n̈ tas 'a qui niwnalec tic, 'ixta cajc 'och 'a Cristo. 'Icha to sniwnal Cristo cajc qui masnil.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 18:21

Ax Pedro xjaw 'a stz'ey, 'ix yaln 'a 'a: —Mamin, toto 'ay junc wu'tac niwn 'ejm tz'och smul 'ayin, ¿jay 'ejm tzwac' niwnc'ojlal 'a 'a? ¿Yowlal am tzwac' niwnc'ojlal uc 'ejmoc 'a 'a? xchi.

Mt 18:10

Caw man̈ e patquilc can 'el eb' 'unn tic. An tzwal 'ayex, a eb' ángel tztan̈wni junjn eb', 'ayc'n̈ej eb' 'a yojltac qui Mam Dios 'a satcha'an̈.

A Ch'an̈ B'ab'el Libro Samuel 24:11

Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.

Ex 32:21

'Ix yaln Moisés 'ixtc 'a Aarón: —¿Tas wal ach yutj jun tzo'n̈ 'anma tic, yuj cha xa chan wal 'och jun sniwquil mul eb' tic? xchi Moisés.

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Gn 42:22

Xyaln win Rubén 'a eb' yu'tac 'ixtic: —Waljnac 'ayex to matz 'och e mul 'a winac, palta ma'ix e chaj eyab' 'a tas xwala. A ticnec tic wal tzcot 'a quib'n̈ec yuj xchamlil winac, xchi winac.

Gn 20:9

Xlajw cha, 'ix yawtn cot win Abimelec win Abraham, 'ix yaln 'a 'ixtic: —¿Tas yuj 'ixta in otej? ¿Tas in mul 'ayach yuj cha, 'ijn tzcot jun niwquil mul tic 'a wib'n̈ o'oj, yet' 'a yib'n̈ smasnil eb' in checb' tic? Man̈ wach'c tas xa b'o'o.

Mr 9:42

Toto 'ay mach tz'a'n juwc 'el snab'en junc 'unn tzya'ch sc'ojl 'ayin, caw 'oltac jun cha. Octom tzb'ab'l jalx 'och junc niwquil q'uen cha 'a sjaj, tzjulx can 'at 'a yojl a mar yic mantzac juw 'el snab'en jun chi yu'uj. Toto 'ixta', caw wach' yico'.

Lc 17:2

Toto 'ay mach tz'a'n juwc 'el snab'en junc eb' 'unn to, octom tzjalx 'och junc niwquil q'uen cha 'a sjaj, tzjulx can 'at 'a yojl a mar yic mantzac juw 'el snab'en jun chi yu'uj, toto 'ixta', yel xo wal wach' yico'.

Ro 14:20

Caw 'ay smay sjuw 'el smunljel Dios 'a spixn eb' quit creyenteal yuj tas tzqui c'uxec. Yuj cha, caw man̈ qui b'oc 'ixta'. Yel toni, may junc tas 'ay yowlal qui c'uxnec yuj Dios. Palta toto 'ay eb' tzsomchj 'el snab'en yuj tas tzqui c'uxec, yowlal tzcactjec can qui c'uxni.