1 Co 8:10 - Chuj San Sebastian Bible

¹⁰ 'Ayex eyojtac to may smay jun tzo'n̈ tzchix cha. Palta 'ay pax eb' 'a e cal mant 'a ste'nal 'a screyenteal, mant yojcoc eb' jun tzo'n̈ tic. Q'uinloc tzyil eb', to tzex 'em wocn e wa 'a 'aj 'ay jun tzo'n̈ tzyalch eb' 'anma sdiosaloc. Toto 'ixta', 'oj montchjoc 'at snab'en eb' eyu'uj, ax schin pax eb' jun tzo'n̈ tzalx xajmb'al-l cha.

Chuj San Mateo Bible

¹⁰ A exxo snachajel eyuuj to man̈ chucoclaj schiji juntzan̈ chi', palta ay eb' manto tec'c'aj val, manto yojtacoc jun tic eb'. Q'uinaloc syil eb' to tzex em c'ojan vael b'aj ay juntzan̈ syaloch eb' anima sdiosaloc. Tato icha chi', tze montejb'at spensar eb', axo schi'an pax eb' juntzan̈ silab' tz'ac'ji yicoc juntzan̈ comon dios chi'.

1 Co 8:10 Referans Kwoze

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

Ro 14:23

Palta a yic tzqui c'uxnec junc tas, toto tzqui na'ec to 'ay yowlal yuj Dios, toto 'ixta', tz'och qui mulc 'a 'a, yujto matz ca'c 'och 'a qui c'ojol to wach' tzcutjec qui b'a. Tzann̈j tas tzqui b'o'ec, toto matz ca'c 'och 'a qui c'ojol, to wach' 'a sat Dios, to 'ixta', tz'och qui mulc 'a Dios yu'uj.

1 Co 8:7

Palta man̈ smasnilc eb' creyente tznachj 'el jun tzo'n̈ tic yu'uj. 'Ay eb' caw ya'jnac 'och sc'ojl 'a jun tzo'n̈ tzalx 'och diosal cha. Yuj cha, a jun tzo'n̈ tas tz'ajx xajmb'al-l cha, yicn̈ej jun tzo'n̈ tzalx 'och diosal chi snan eb'. A jun snab'en eb' tz'a'n cuenta cha, mant 'a ste'nal. Yuj cha, tzjuw 'el snab'en eb' yic tzchin eb' jun tzo'n̈ xajmb'al cha.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

Am 2:8

A te pichl tzchaj eb' smajnnub'loc stumin, a 'a yib'n̈ te' ata tz'ec' c'otn eb' smuln 'a yojltac yet'l xajmb'al sdiosal eb'. Tzc'uxn eb' schib'l wal tz'ajx 'a jun tzo'n̈ comn dios cha. A yet' q'uen tumn tzchaj eb' multail, a chi tzyac' eb' manc yan̈, tzlajw cha, tz'u'w 'an̈ eb' 'a yol yatutal sdiosal cha.

Jueces 9:27

'Ix 'elt eb' 'a spatquil chon̈b' chi sayj sat uva, spitz'n 'el eb' yalil te', sb'on eb' te yal uva chi yuc'. Xya'n 'och eb' jun q'uin̈ yet' wa'el. 'Ix 'och pax eb' wac 'a yol yatutal sdiosal eb' cha. Xlaj yu'nc eb' yal uva jawnc sti', axta xyalcn eb' tu paxti 'a yib'n̈ Abimelec.

Nm 25:2

'Ix monchj 'at eb' winc chi yuj eb' 'ix 'a 'aj 'aych sq'uin̈ eb' yuj xajmb'al tzyac' 'a sdiosal, ax eb' winc israel cha, schi eb' no schib'jal no xajmb'al cha, xya'n pax 'ejm sb'a ewin 'a sdiosal eb' 'ix.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

A Tas Sc'ulejnac Eb' Schecab' Jesús Hechos 15:20

Cojn cab' tzca'c 'at qui carta 'a eb', tzcalnec 'at 'a eb', to man̈xtzac sc'ux eb' jun tzo'n̈ tas tz'ajx xajmb'al-l 'a jun tzo'n̈ tzalx 'och diosal. Man̈xtzac sb'o eb' 'ajmulal, man̈xtzac schi eb' schic'l no noc', man̈xtzac schi eb' no noc' tzjalx tup yic' yujto 'ayt 'och schic'l no'.

1 Co 8:9

Wach'xam libre cajc qui c'uxn smasnil tas, palta 'ay smay tzjuw 'el eb' mant 'a ste'nal 'a screyenteal cujec. Yuj cha, yowlal tzca'c cuenta qui b'a.