1 Co 4:19 - Chuj San Sebastian Bible

¹⁹ Palta tzin na'a, jab'xoj 'oj in 'at ex wila', toto 'ixta tznib'j Cajlilec. Atta 'oj wila', toto yel 'ay tas tztac' yuj eb' cha, mto ton̈j tzyal eb'.

Chuj San Mateo Bible

¹⁹ Palta a tz'aj in naani to toxo ol in b'at ex vila', tato icha chi' sgana Cajal Jesús. Ato ta' ol vila' tato yel ay tas syal yuj eb', ma to ton̈ej syal eb'.

1 Co 4:19 Referans Kwoze

A Tas Sc'ulejnac Eb' Schecab' Jesús Hechos 18:21

Ax yic wan yaln can sb'a 'a eb', 'ix yaln 'ixtic: —Caw yowlal 'oj in c'och 'a Jerusalén 'ilj q'uin̈. Palta toto 'ixta 'oj 'el 'a sc'ojl Dios, 'oj we'x 'ayx jun 'ejm xo, xchi can 'a eb'. Xlajw cha, 'ix 'atx 'a yol barco.

A Tas Sc'ulejnac Eb' Schecab' Jesús Hechos 19:21

Xlajw jun tzo'n̈ cha, 'ix snan Pablo, to 'oj 'ec' 'a yol yic Macedonia yet' 'a yol yic Acaya, ax sc'och 'a Jerusalén, 'ix yaln 'ixtic: —'Oj lajwc cha, yowlal 'oj in c'och 'a Roma, xchi.

A Ch'an̈ Carta D'a Eb' Hebreo 6:3

A ticnec, 'ayt wal jun tzo'n̈ xo cuynb'il 'oj qui cuyec, toto 'ixta 'oj 'el 'a sc'ojl Dios.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

1 Co 11:34

Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.

1 Co 4:18

'Ay ab' jaywn̈ eb' tzyij chan̈ sb'a 'a e cal, yujto tzna eb', man̈x 'oj 'at ex wila'.

1 Co 2:6

Palta ax eb' creyente 'ayx ste'nal, 'ay jun jelnal tzwal-l 'a scal eb'. A jun jelnal tzwal-l tic, man̈ yico'oc yolyib'n̈q'uinl tic. Man̈oc 'a eb' yajl 'a yolyib'n̈q'uinl tic tzcoti, yujto a eb' cha, jab'xoj wal 'oj satl eb'.

Ro 15:32

Tzex leslwi pax wu'uj, sec tzaljc'ojlal 'oj in c'och eyet' ta', toto 'ixta tznib'j Dios. 'Oj wilj jaye'oc c'u 'aj 'ayx cha.

Santiago 4:15

Yel xo wach' tzcalc 'ixtic: Toto tz'el 'a sc'ojl Cajlil, pitzn on̈c ta', 'oj qui b'oc jun tic, mto junc xo tas, xqui chiec.

1 Co 16:5

A yic 'oj in 'at ex wila', yowlal 'oj wec' chab' 'oxe'oc c'u 'a yol yic Macedonia. 'Ixta to b'i'an, ax in c'och 'ayex.

1 Co 14:5

Tzin nib'j tzex paxtin 'a jun tzo'n̈ chucchc til e masnil. Palta yel xo wal tzin nib'j tzeyal-l spaxti Dios. Yujto a jun tic, yel xo wal 'ay yopiso 'a yib'n̈ jun tzo'n̈ chucchc til cha. A jun tzo'n̈ cha, 'ay ton yopiso, toto 'ay mach tztac' yaln 'eli tas tzyal 'el'chi, sec wach' 'oj 'och ste'nal eb' creyente chi yu'uj.

A Tas Sc'ulejnac Eb' Schecab' Jesús Hechos 20:2

Yic 'ix c'och ta', c'uxn x'ec' yil eb' creyente 'a junjn chon̈ab'. X'ec' ya'nc snab'enoc eb'. Xlajw xoj cha, x'at 'a yol yic Grecia.

1 Co 4:6

Ex wu'tac, ex wanab', 'ix wal't 'ayex, tas waji, tas yaj pax Apolos, sec tznachj 'el jun tzo'n̈ cuynb'il tic eyu'uj. Yujto an yet' Apolos cha, ch'oxnb'il caj 'ayx on̈, sec wach' eyojtac, to matz tac' tzex 'ec' 'a yib'n̈ tas tzyal Ch'an̈ U'un̈. Yujto may junc mach tztac' e b'an̈ni, may pax junc mach tztac' e patquiln can 'eli.

1 Co 16:7

Tzin nib'j man̈ ji'ltic tzin 'ec' 'ayx cha. Tzin nib'j tzin 'och wan junc tiempoal eyet'oc, toto tzyal sc'ojl Cajlilec.

2 Co 10:9

'Ixtc tzwutj waln 'at 'ayex, sec ma'oj e na', chajtlto ton̈j tzin nib'j tzex xiw yuj jun tzo'n̈ in carta tzwa't 'ayex.