1 Co 3:8 - Chuj San Sebastian Bible

⁸ A eb' 'awum yet' eb' tz'a'n 'och yalil, lajnn̈ej yel'ch smunljel eb'. Palta 'oj scha eb' spac 'a Dios, a tzyala jantc smunljel junjn eb'.

Chuj San Mateo Bible

⁸ A eb' tz'avani yed' eb' tz'ac'anoch yalil, lajann̈ej yelc'och smunlajel eb' chi'. Palta ol scha spac eb' d'a Dios, ato syala' jantac smunlajel junjun eb'.

1 Co 3:8 Referans Kwoze

Ro 2:6

At wal ta 'oj yac' spac 'a junjn 'anma', a tzyala tastc tzb'o jun jun.

2 Jn 1:8

Ax xo, tzeyil wal e b'a 'a eb', sec ma'oj satl qui munljel 'a e cal ta 'on̈. Toto 'ixta 'oj eyutc e b'a, tz'acn 'oj e cha spac tas 'oj yac' Dios 'ayex.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Apoc 22:12

'Ix yaln Jesucristo 'ixtic: 'Ab'ec, jab'xoj wal 'oj in c'ochxi. 'Oj wi't spac yic junjn mach 'oj wac'a', a tzyala tastc tzb'o jun jun.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

Gl 6:4

Yowlal tzqui b'eyc'ojlej tas yilx qui b'eyb'al junjn on̈. To 'ixta', 'oj stac' qui tzalj yuj qui b'eyb'al junjn on̈ec. Man̈ yowlalc 'oj qui na sb'eyb'al junc xo, toto yel wach' quic 'a yib'an̈.

1 Co 3:14

'Ay eb' wach' smunljel. 'Icha junc n̈a matz tz'a yuj c'ac', 'ixta smunljel eb' cha, yujto 'oj techjoc jun b'eyc'ojlal chi yu'uj. Atn eb' chi 'oj chanc spac smunljel.

1 Co 3:9

Yuj cha, an̈ tic on̈, quit munljumal qui b'a ca'n servil Dios on̈. Ax xo tic, 'icha jun tzo'n̈ 'awb'ente', 'ixta 'ex 'a Dios. An̈jtona', 'icha junc n̈a wan sb'o yuj Dios, 'ixta 'ex.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

Pr 27:18

A mach wach' tzyutj stan̈wni te higo 'awb'il yu'uj, 'oj slo sat te'; 'ixta pax 'a yic wach' tzyutj junc mach stan̈wni spatron̈, caw 'oj 'ijxoc chan̈ sb'i.

1 Co 3:7

Yuj cha, a junc 'awum, yet' junc tz'a'n 'och yalil, may jac yel'chi. Cojxn Dios 'ay yel'chi, yujto a tz'a'n q'uib'oc.

1 Co 4:15

Toxn̈ej 'ay lajn̈e'oc mil e cuymal tzex cuyn 'a yic Cristo, palta junn̈j caw 'icha e mam yaji. An ton tic mamb'il waj 'ayex, yujto an in b'ab'l aljnac wach' 'ab'x 'ayx ta'.

1 Co 9:7

'Iltec eb' soldado. ¿Tom 'ay junc eb' mun tzsay sgasto? Yet' eb' tz'awn junc tas, yowlal tzc'ux eb' tas tz'el-l 'a smunljel, an̈jtona', 'ixta pax eb' tan̈m calnelu, 'ay yaln eb' yic yu'n yim no'.

Gl 6:5

Yujto junjn on̈ec, yowlal 'oj ca'c 'och qui cuenta 'a Dios, a tzyal tas 'ac'b'il 'a yol qui c'ab'.

Lc 19:19

Yuj cha, xyaln pax win 'a 'a: Wach' jun, yuj cha, tzach wa'ch gobernadoral 'a o'e chon̈ab', xchi win 'a 'a.