1 Co 3:10 - Chuj San Sebastian Bible

¹⁰ An xo tic, 'icha junc b'om n̈a tznachj 'el sb'on junc n̈a cha, 'ixta 'in yuj swach'c'ojlal Dios. An tic, yic wec' 'a e cal ta', 'icha to 'ec' wa'jnac 'ejm yipnub'al yich junc n̈a. Ax ticnec, chucx mach wan smunlj 'a e cal. 'Icha to wan ya'n q'ue xamit 'a yib'n̈ jun yipnub'al yich cha. A junjn mach tzmunlj ta', yowlal caw tzyila, chajtl tzyutj ya'n q'ue jun tzo'n̈ xamit cha.

Chuj San Mateo Bible

¹⁰ A inxo tic, icha yaj junoc ojtannac sb'oan pat, icha chi' vaj yuj svach'c'olal Dios. A in tic, ayic vec'nac d'a e cal ta' ichato ec' vac'nac em yipumal yich junoc pat. Axo ticnaic, ch'ocxo mach van smunlaj d'a e cal. Yuj chi' ichato van yac'anq'ue xan d'a yib'an̈ jun yich chi'. A junjun mach smunlaj ta', yovalil syil eb' tas syac'q'ue eb' d'a yib'an̈ chi'.

1 Co 3:10 Referans Kwoze

1 Co 3:11

May junc mach tztac' ya'n 'ejm junc xo yipnub'al yich cha. Yujto a jun yipnub'al yich 'emnc xo cha, atn Jesucristo.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Ro 15:20

Yujto caw tzwac' 'ip waln 'el wach' 'ab'x yic colnb'il 'a junjn lugar 'ajtil mantzac yab' eb' yab'xil Cristo. Matz in nib'j tz'ec' wal-l 'a jun tzo'n̈ lugar 'ajtil tox x'ec' yal-l jun tzo'n̈ xo eb'.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Mt 24:45

Q'uinloc 'ay junc win patron̈ yet' eb' smoso. A eb' yiclum, eb' 'ay snab'en, atn eb' 'oj ya'ch win yopiso ya'n cuenta yatut, yet' smasnil tas 'ay 'a 'a. ¿Palta mach eb' yiclum chi tze na'a?

Apoc 21:19

Ax jun tzo'n̈ niwc q'uen 'ay 'ejm yipnub'oc, til wal jun tzo'n̈ q'uen chan̈ stojl 'aych 'a 'a. A q'uen b'ab'el, jaspe, q'uen schab'il, zafiro, q'uen yoxil, ágata, q'uen schan̈il, esmeralda.

1 Co 9:2

Wach'xam 'ay jun tzo'n̈ xo eb' tzalni, to man̈ in schecb'oc Cristo, palta ax xo, eyojc xoni to schecb' waji. Caw ch'oxnb'il eyaji, to schecb' waji, yujto wu'uj, 'aych e c'ojl 'a Cristo.

Mt 7:24

A eb' tz'ab'n in paxti', toto tzyiclj eb' 'icha tzwala, lajn eb' 'icha jun winc jelan, sb'o yatut 'a yib'n̈ stzatzl lum lu'um.

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.

2 Ti 2:15

Caw tzac' 'ip a munlj 'a yic Dios, sec tzyila, to wach' a munljel, caw tojl tzotj aln 'el spaxti Dios caw yel. Toto 'ixta tzotj a b'a, may yuj 'oj a q'uixw 'a sat Dios.

A Scarta San Pablo D'a Eb' Aj Colosas 4:17

Ax cu'tac Arquipo, tzeyal 'ixtc 'a 'a: Caw tzach munlj wal 'a jun opiso tic xyac' Cajlil 'ayach, xe chi 'a 'a.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

Ro 1:5

Yuj Jesucristo sch'oxjnac Dios swach'c'ojlal 'ayin, yic in ya'n 'och schecb'oc, sec wach' 'ay eb' 'a junjn chon̈b'al tzya'ch sc'ojl 'a 'a, tzyiclni pax eb' tas tzyala.

A Tas Sc'ulejnac Eb' Schecab' Jesús Hechos 18:27

Xlajw cha, x'el 'a sc'ojl Apolos chi x'at 'a yol yic Acaya. Yuj cha, ax eb' creyente, 'ix colwj eb' 'a 'a. 'Ix stz'ib'n eb' jun carta tzyij 'at 'a eb' creyente, sec caw wach' tzyutj eb' schan sc'ochi. Yic 'ix c'och 'a yol yic Acaya cha, caw 'ix sjucb'tzej eb' ya'jnac 'och sc'ojl 'a Jesucristo yuj swach'c'ojlal Dios.

Lc 11:35

Tzeyil wal e b'a, sec a jun sacq'uinl 'aych 'ayex, ma'oj sutmjc 'och q'uic'q'uinlal.

Ec 12:9

A yic in jelnb'i, til wal tas wach' xwac' yojcoc 'el eb' wit 'anma'il. An̈jtona', til wal jun tzo'n̈ xo paxti xlaj in cuyu', xlaj wa'n 'och eb' 'a stzolil.

Santiago 3:1

Ex wu'tac, ex wanab', comnoc man̈ niwnoc ex tzeya'ch e b'a cuywjumal. Yujto eyojtac, an̈ cuywjum on̈c tic, yel xo wal niwn 'oj qui b'eyc'ojlaxc yuj Dios.

1 Ti 4:16

Caw tzac' cuenta a b'a yuj a b'eyb'al ta'. An̈jtona', tzac' cuenta a b'a yuj jun tzo'n̈ cuynb'il tzac' scuy eb'. Te'n tzotj a b'a 'a smasnil tiempo, sec 'oj a colcn 'el a b'a, yet' eb' tz'ab'n tas tzala, 'oj colchjoc pax 'el eb'.

A Scarta San Pablo D'a Eb' Aj Colosas 1:29

Yuj wal jun tzo'n̈ tic, caw tzin munlji. Caw tzwac' 'ip wal 'a smasnil in c'ojol, yujto a Cristo tzyac' spoder 'ayin.

Ro 15:15

Wach'xam 'ixta ex, palta caw matz in xiw in tz'ib'n 'at jun tzo'n̈ cuynb'il tic 'ayex, sec matz sat e c'ojl 'a 'a. 'Ixta tzwutj in b'a, yujto a Dios 'a'jnac jun wopiso tic yuj swach'c'ojlal.

Lc 21:8

Yuj cha, xyaln Jesús 'a eb' 'ixtic: Caw lista tzeyutj e b'a, sec may mach 'oj eyixtn paxti'. Yujto til wal mach 'oj jawoc, ax yesn 'el eb' in b'i. An ton tic Cristo in, 'oj xchic eb'. 'Ix jaw stiempoal jun slajb' tic, 'oj schic cob' eb'. Palta caw man̈ eya'ch e nab'en 'a eb'.

Zacarías 4:9

A Zorobabel a 'ix 'a'n 'ejm yipnub'al yich jun watut tic, a pax 'oj lajnc 'el'chi. 'Ixta to b'i'an, ax snachj 'el yuj eb' in chon̈ab', chajtlto an Jehová in, tztac' wuj smasnil, an ach in chec coti.

2 Cr 2:12

Yuj cha, alx cab' wach' paxti 'a Jehová e Diosal, jun b'ojnac satcha'an̈ yet' lum lu'um, yujto ach 'ix ach si'cn 'el 'a scal eb' o'tac. Ach yunnal rey David, caw jeln ach, caw tznachj 'el o'oj, cuywnacch 'a jeln nab'enal, ach 'oj a b'o chan̈ yatut Jehová, yet' junc a despacho 'aj 'oj ac' reyal.

Apoc 21:14

A smuroal cha, 'ay lajchwe niwc q'uen 'aycn 'ejm yipnub'oc. Ax 'a sat junjn q'uen cha, ata tz'ib'b'il 'och sb'i eb' schecb' jun tzcuch Calnelu slajchwan̈il.

2 Co 10:15

May 'aj tzquij chan̈ qui b'a 'a spatc smunljel junc xo mach on̈. Matz cal quico'oc on̈. Palta tzca'ch junx tic yipc qui c'ojl on̈, a yic 'oj e wach' 'a'c 'och e c'ojl 'a Dios. Ata 'oj stac' qui wach' munlj 'a e cal on̈. Palta ma'oj qui c'axw 'ec' 'a junc xo lugar on̈.

Pr 9:1

'Icha waychil xwutj wiln jun 'ix, sb'o 'ix jun yatut, caw wach' yilx x'aj yu'uj, xya'n 'och uque yoyal.

1 Ts 3:2

Ax cu'tac Timoteo tic xqui checb't 'ayex, yujto ya'mal pax servil Dios. Tzyaln 'el wach' 'ab'x yic Cristo quet' on̈. A xit' 'a'nc e te'nal. Xit' ya'nc e nab'enoc, sec tze wach' 'a'j 'och Cristo 'a e c'ojol.

A Schab'il Carta San Pedro 3:15

Nachj cab' 'el eyu'uj, to a Cajlilec 'ayt sniwnc'ojlal. Mantzac jawi, sec 'ay eb' tzat laj colchji. Ax cu'tac Pablo, chamc'ojlb'il cujec, 'ixta xyutj stz'ib'n pax 'at 'ayx jun xo, yujto 'ixta yaj ya'n can Dios sjelnal.

Ex 36:4

Ax xyiln eb' munljum cha, to caw wal yel xo niwn syamc'ab'il jun munljel chi tzjaw yuj eb' 'anma cha, yuj cha, xyactn can eb' smunljel.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.