1 Co 16:6 - Chuj San Sebastian Bible

⁶ Lemb'il 'oj woch wan junc tiempoal eyet' ta'. Toq'ue 'aynto 'ec' ta', ax ye'cn n̈ab'lq'uinal. Ax yic 'oj in 'atxi, 'oj e colwj 'ayn 'a yol b'e 'aj 'oj in 'atx cha.

Chuj San Mateo Bible

⁶ Ta icha chi' ol in ec' nivanoc tiempo eyed' ta'. Talaj ay in ec' ta' ol ec' n̈ab'ilq'uinal. Axo yic ol in b'atxoc, ol ex colvaj d'ayin d'a yol b'e b'aj ol in b'atxoc chi'.

1 Co 16:6 Referans Kwoze

A Tas Sc'ulejnac Eb' Schecab' Jesús Hechos 15:3

Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.

Ro 15:24

Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

Tito 3:12

'Oj in checb't cu'tac Artemas 'ayach, mto a cu'tac Tíquico 'oj 'atoc. A yic tzc'och 'ayach, caw tzac' 'ip a 'at mu'c 'a chon̈b' Nicópolis. Ata 'oj qui c'umc qui b'a ta', yujto tzin nib'j ata 'ayn 'eq'ui, ax yec' n̈ab'lq'uinal.

2 Co 1:16

Nab'il xo wu'uj, to tz'ec' ex wila', 'ixta to b'i'an, tzin jaw 'a Macedonia tic. Ax yic tzin meltzj pax 'a tic, tzex 'ec' wilnc pax jun 'ejm xo in nani. Toto 'ixta', tztac' tzex colwj 'ayin, yic tzin 'atx 'a Judea.

1 Co 16:11

Yuj cha, may junc ex tztac' e patquiln can 'el ta'. An xo tic, tic wan in tan̈wni sjaw 'a tic, yet' jun tzo'n̈ xo eb' cu'tac 'oj jawc yet'oc. Yuj cha, a yic 'oj cotx 'a yol b'e, tzex colwj 'a 'a, sec tzaljc'ojlal 'oj cotoc.

A Tas Sc'ulejnac Eb' Schecab' Jesús Hechos 28:11

'Oxe 'uj on̈ can 'a lugar Malta chi 'on̈. Ata 'aych wan jun barco yic tz'ec' n̈ab'lq'uinal. A te barco cha, yic chon̈b' Alejandría te'. Ax 'a sat 'aych yechl chawn̈ sdiosal eb', atn Castor yet' Pólux, atn 'a yojl te on̈ 'at on̈.

A Tas Sc'ulejnac Eb' Schecab' Jesús Hechos 27:12

Ax 'a jun lugar cha, may 'aj wach' tzcan te barco yic tz'ec' n̈ab'lq'uinal. Yuj cha, jab'xoj man̈ smasnilc eb' 'ix nani, to wach' tz'at eb'. Snan eb', toq'ue wach' 'oj c'och eb' 'a chon̈b' Fenice. An̈jtona jun chon̈b' cha, ata 'ay 'a yol yic Creta. Ata snib'j eb' stan̈wj yec' n̈ab'lq'uinal yujto man̈ owc yec' 'ic' ta'.

A Tas Sc'ulejnac Eb' Schecab' Jesús Hechos 21:5

Ax yic xlajw uque c'u cha, on̈ 'atx on̈. Ax eb' creyente chi smasnil, yet' yistl eb', yet' yunnal eb', c'uxn x'at eb' quet' on̈, masnto xit' on̈ ya'cn eb' 'a sti 'el chon̈ab'. Ata on̈ 'em cumn 'a sti a mar, on̈ leslwi yet' eb' on̈.

A Tas Sc'ulejnac Eb' Schecab' Jesús Hechos 20:38

Caw wal 'ix cus eb', yujto xyal 'a eb', chajtlto man̈x 'a b'a'n̈ 'oj yil sb'a eb' yet'oc. Ax yic x'at Pablo, 'ix 'at eb' yet'oc, masnto x'at ya'cn eb' 'a te barco cha.

A Tas Sc'ulejnac Eb' Schecab' Jesús Hechos 17:15

'Ay eb' creyente x'at yet' Pablo cha. 'Ix yi'n 'at eb' 'a chon̈b' Atenas. Xlajw sc'och eb' ta', 'ix yaln 'at Pablo 'a eb' 'ixtic: —Tzeyal 'a Silas yet' 'a Timoteo, to tzcot eb' muc'uc, xchi 'a eb'. Xlajw cha, 'ix meltzj pax eb'.