1 Co 15:52 - Chuj San Sebastian Bible

⁵² A jun cha, caw ji'lti 'oj jawc tza'n̈joc. Jun mutz'satiln̈ej 'oj 'aj sjawi, yic 'oj 'oc' jun slajb' trompeta. A yic 'oj 'oc' jun trompeta cha, ax spitzw pax eb' creyente chamnc xo, man̈x b'a'n̈ 'oj cham eb'. An̈ xo pitzn on̈c to ta', 'oj jelmjoc pax qui niwnalec tic.

Chuj San Mateo Bible

⁵² A jun chi', elan̈chamel ol ujoc. Junn̈ej mutz'satil ol aj sjavi ayic ol oc' jun q'uen slajvub' trompeta. Ayic ol oc' jun trompeta chi', ol laj pitzvocxi masanil eb' creyente chamnacxo, man̈xalaj b'aq'uin̈ ol chamxoc eb'. A on̈xo pitzan on̈to ta', ol q'uexmaj jun co nivanil tic.

1 Co 15:52 Referans Kwoze

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Jn 5:25

Wal yel tzwal 'ayex, a ticnec, tox 'ix jaw stiempoal yab'n eb' chamnc in jaj an Yunnaln Dios tic. A eb' tzyiclni, atn eb' 'oj scha sq'uinal.

Jn 5:28

Man̈ eyac' sat e c'ojl yuj jun tzo'n̈ tzwal 'ayx tic. Yujto 'ay jun tiempoal 'oj jawoc, a wal eb' mucb'ilx xo, 'oj yab' eb' in jaj,

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

A Schab'il Carta San Pedro 3:10

Palta 'icha sjaw junc 'elc'm 'a 'ac'wal, 'ixta 'oj 'aj sjaw sc'ul sjaw Cajlilec. A 'a jun c'u cha, ata 'oj lajwc 'ec' satcha'an̈. Caw 'oj c'an̈ sn̈i'chji. Ax jun tzo'n̈ tas 'ay 'a sat lum tic, c'uxn 'oj 'ulb'xoc yuj jun niwquil c'ac'. C'uxn 'oj tz'a sat lum tic, yet' jantcn̈ej tas 'ay 'a 'a.

1 Co 15:42

An̈jtona', 'ixta 'oj 'aj eb' chamnac yic 'oj pitzwc pax eb'. A qui niwnalec tic, yic tzmucxi, yic chaml yaji. Palta a yic 'oj pitzwc paxi, a qui niwnalec cha, man̈x b'a'n̈ 'oj chamoc.

Zacarías 9:14

A Jehová 'oj sch'ox sb'a 'a yib'n̈ schon̈ab'. 'Icha raya 'ixta 'oj yutc sjulwji. A Jehová Cajlil, 'oj yutz'c strompeta, ax yec' lemnjoc 'a scal chacxuxm'ic' 'a stojlal sur.

Apoc 8:13

Xlajw cha, xwilni, 'ay jun ángel tzjen̈n̈ 'ec' 'a snan̈l satcha'an̈. Ax xwab'ni, caw 'ip x'awj 'ixtic: —¡'Ay, 'ay, 'ay! 'Oltac wal eb' 'anma 'a yolyib'n̈q'uinal, yujto 'ayt 'oxwn̈ xo eb' ángel tot 'oj yutz'c strompeta, xchi.

1 Co 15:50

Ex wu'tac, ex wanab', tzin nib'j tzwal't junx tic 'ayx ta'. A jun qui niwnalec tic, nab'a chic', nab'a chib'ej. Yuj cha, ma'oj stac' sc'och 'a yol sc'ab' Dios. A qui niwnalec tic, yic chaml yaji. Yuj cha, ma'oj stac' schan sq'uinl 'a jun 'ejmn̈ej.

Apoc 8:2

Ax xwilni, lin̈n 'ec' ucwn̈ ángel 'a yojltac Dios, 'ix 'ajx strompeta junjn eb'.

Ez 33:6

Palta toto tzyil win 'ilwjum chi sjaw eb' 'ajc'ojl cha, matz yutz'j win strompeta cha, toto 'ay junc 'anma chi tzchami, 'oj cham jun 'anma chi yuj smul, palta yowlal 'oj wac' yowlal 'a win 'ilwjum cha.

Is 18:3

E masnil ex wit 'anmal cajn 'a yolyib'n̈q'uinl tic, 'ab'ec, sec 'oj eyil yajx q'ue jun bandera 'a lum jolm witz, ax eyab'n yutz'x trompeta ta'.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Ez 33:3

A yic tzyiln win sjaw eb' 'a'm owl cha, yajn̈ej tzyutz'n win strompeta, sec tzyac' lista sb'a eb' chon̈ab' yic tzcoln sb'a eb'.

Salmos 73:19

Wal 'a yajn̈ej ax satl eb', scal xiwc'ojlal 'oj lajwc 'el eb'.

Ex 20:18

Smasnil eb' israel cha, 'ix yab' eb' sma'n sb'a c'u, x'oc' q'uen trompeta, xyiln eb' yec' letz'lo'om, xyiln eb' sq'ue stab'l sjolm lum witz Sinaí. 'Ix xiw chan̈ eb', yuj cha, snitzn 'el'ch sb'a eb'.

Nm 10:4

Palta toto jun wal q'uen tz'utz'xi, cojn eb' yajl yaj 'a junjn macn̈ 'in̈tal eb' et israelal chi tzyam sb'a.

Ex 33:5

Yujto alb'il can 'a Moisés yuj Jehová 'ixtic: —Al 'a eb' et israelal to an tzwal 'ixtic: Ax tic caw wal pit ex. Q'uinloc tzin c'och 'a e cal, yajn̈j am wal cha tzex in satn 'eli. A ticnec, 'ijec 'el smasnil eyumchiquin yet' e ton̈ chan̈ stojol, ax wilni tas 'oj wutc in b'a eyet'oc, xchi Dios, xchi Moisés cha.

Nm 16:45

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi. —Ax Moisés yet' Aarón, 'ix 'em n̈ojn eb', masnto squil 'ejm eb' snan̈l sat 'a sat lu'um.

Nm 16:21

'Ijec 'el e b'a 'a stz'ey jun tzo'n̈ 'anma tic, yujto wal in satn 'el eb' tic, xchi.

1 Co 15:23

'Ay stiempoal 'ix pitzw pax Cristo. An̈jtona', 'ay stiempoal 'oj qui pitzwec pax jun xo. A Cristo cha, b'ab'l pitzwnac. Ax 'a yic 'oj jawc jun 'ejm xo, atta 'oj pitzwc pax smasnil eb' yico'.

1 Ts 4:15

A jun tzo'n̈ wan caln 'at 'ayx tic on̈, atn scuynb'il Cajlilec. A 'a yic 'oj jawoc, an̈ec pitzn on̈c to ta', ma'oj qui b'ab'ljec 'a eb' creyente chamnc xo, yujto junn̈j 'oj cajc qui 'at yet' eb'.