1 Co 15:4 - Chuj San Sebastian Bible

⁴ 'Ix mucxi, palta 'ix pitzw pax 'a schab'jial, 'icha yaj stz'ib'x can cha.

Chuj San Mateo Bible

⁴ Ix mucchaji, palta ix pitzvixi d'a schab'jial, icha yaj stz'ib'chajpaxcan d'a Slolonel chi'.

1 Co 15:4 Referans Kwoze

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Mt 12:40

A Jonás cha, 'oxe c'u, 'oxe 'ac'wl 'e'nc 'a yol sc'ojl jun niwquil chay. 'Icha 'ajnc Jonás cha, 'ixta 'oj waj pax an 'Ochnc in 'Anmal tic. 'Oxe c'u, 'oxe 'ac'wl 'oj wec' 'a yol lu'um.

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Ro 6:4

Yuj qui bautismo xcheclj 'eli, to on̈ chamec, junxn̈ej cajc qui mucx yet' Cristo. Yuj cha, 'icha 'ajxnac pitzwc pax Cristo 'a scal eb' chamnc yuj sniwn poder qui Mam Dios, 'ixta on̈ 'ajxec pax pitzwc jun xo. Tzyal 'el'chi, an̈j wal jun 'ac' b'eyb'al tzqui b'eylb'ejec ticnec.

Lc 24:46

'Ix yaln pax 'a eb' 'ixtic: —A 'a Ch'an̈ U'un̈, ata tz'ib'b'il can wab'xil an Cristo in tic, chajtlto yowlal in chami, ax 'a schab'jial in pitzw pax 'a scal eb' chamnac.

Lc 24:26

A Cristo, toxn to yowlal xyab' syal jun tzo'n̈ cha, yic mantzac 'och Yajlil, xchi 'a eb'.

Lc 9:22

'Ix yaln pax 'ixtc 'a eb': —An tic 'Ochnc in 'Anma'il, palta yowlal 'oj wab' syail. 'Oj in patquilx can 'el yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

A Scarta San Pablo D'a Eb' Aj Colosas 2:12

A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

A Tas Sc'ulejnac Eb' Schecab' Jesús Hechos 1:3

Yic tox 'ix chami, niwn 'ejm to sch'ox sb'a 'a eb' schecb' cha. Chawinc to c'u 'ix sch'ox sb'a 'a eb', chajtlto caw yel 'ix pitzw paxi. 'Ix yaln can 'a eb', chajtl tzyutj Dios ya'n yajlil 'ayn̈ec.

Mr 9:31

yujto wan scuywj 'a eb' scuywum. 'Ix yaln 'a eb' 'ixtic: —An tic wach'xam 'Ochnc in 'Anma'il, palta 'oj wajx 'och 'a yol sc'ab' jun tzo'n̈ winac, 'oj in smil cham eb', ax 'a schab'jial ax in pitzw paxi, xchi 'a eb'.

Mt 20:19

'Oj wajx 'och 'a yol sc'ab' eb' man̈ israeloc. 'Oj in sb'uch eb'. 'Oj in smac' eb'. 'Oj in yac' q'ue eb' 'a spenc culus. Palta ax 'a schab'jial, ax in pitzw paxi, xchi 'a eb'.

Mt 16:21

Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

A Sb'ab'el Carta San Pedro 1:11

A Yespíritu Cristo 'aych 'a eb'. A 'a'jnac nachjc 'el yuj eb', chajtlto yowlal tzyab' syail. Tzlajw cha, ax scheclj 'eli, chajtlto man̈ jantcoc swach'il. Ax eb' cha, caw ya'ljnac eb' snan 'eli, mach jun chi tzjaw cha, yet' 'aja stiempoal tzjawi.

Jn 19:38

'Ay jun winc José sb'i, 'aj chon̈b' Arimatea. A jun cha, scuywum Jesús, palta c'ultacn̈ej yaji, yujto caw tzxiw yab'n eb' 'aj Judea. 'Ix xit' sc'an spermiso 'a win Pilato, sec tzyij 'emt win sniwnal Jesús, tz'at smucnoc. Ax win Pilato cha, sta'wni win 'a 'a. Yuj cha, 'ix 'at yi'nc 'emta, 'ix yi'n 'ati.

Salmos 16:8

Smasnil tiempo caw nab'ilchn̈ej wu'uj. 'Aych 'ec'n̈ej 'a in wach' c'ab', yuj cha matz somchj 'el in nab'en.