1 Co 15:34 - Chuj San Sebastian Bible

³⁴ Caw tze na wal e b'a, tze b'o e nab'en. Man̈x e b'o jun tzo'n̈ maysch'olnil, yujto 'ayx mantzac eyojquej 'el wal Dios. Tzwalb't jun tzo'n̈ tic 'ayex, sec 'oj e q'uixw 'eli.

Chuj San Mateo Bible

³⁴ Naec val e b'a, tze b'oan e pensar. Man̈xo e c'ulej juntzan̈ chucal, yujto ayex manto eyojtaquej val el Dios. Svalb'at juntzan̈ tic d'ayex, sec yuj chi' ol ex q'uixvoqueli.

1 Co 15:34 Referans Kwoze

1 Co 6:5

Tzwalb't jun tzo'n̈ tic 'ayex, sec 'oj e q'uixw 'eli. ¿Tom tze na'a, to may junc eb' 'a e cal tznachj 'el yu'uj? ¿Tom may junc eb' tztac' ex sb'onyaj ax creyente ex xo cha?

Ro 13:11

Tic tzwalb't junx tic 'ayex. Nachj cab' 'el eyu'uj, tas yaj jun tiempoal 'aj 'ayn̈ec 'ec' tic. Yujto a ticnec, stiempoal xo 'icha to tzqui pitzc 'el qui wayan̈, yujto jab'xoj wal 'oj qui wach' colchjec. Man̈ 'ichaoc 'a yic yalan̈, yic qui b'ab'l 'a'nec 'och qui c'ojl 'a Cristo.

Jl 1:5

A wal ax 'u'm ex 'an̈, pitzc 'el e wayan̈. Ex 'u'm yal uva to jawnc sti', caw wal 'o'n̈ec, yujto 'oj 'ijxoc 'ec' te yal uva chi 'ayex.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

1 Co 8:7

Palta man̈ smasnilc eb' creyente tznachj 'el jun tzo'n̈ tic yu'uj. 'Ay eb' caw ya'jnac 'och sc'ojl 'a jun tzo'n̈ tzalx 'och diosal cha. Yuj cha, a jun tzo'n̈ tas tz'ajx xajmb'al-l cha, yicn̈ej jun tzo'n̈ tzalx 'och diosal chi snan eb'. A jun snab'en eb' tz'a'n cuenta cha, mant 'a ste'nal. Yuj cha, tzjuw 'el snab'en eb' yic tzchin eb' jun tzo'n̈ xajmb'al cha.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Jn 8:11

—May Mamin, man̈x 'a mach, xchi 'ix. —An̈jtona 'in, may tas tzwa'ch 'a eb'an̈. Yuj cha, 'ixic. Man̈x a say a mulc jun 'ejm xo, xchi Jesús 'a 'ix.]

Jn 5:14

At 'a jun 'ejm xo, 'ix sc'umn sb'a Jesús yet' win 'a yamq'uil yatut Dios, 'ix yaln 'ixtc 'a winac: —'Ab'i, a ticnec 'ix b'ox a c'ojol. Man̈x a b'o junc maysch'olnil, sec man̈x 'oj jawc jun niwn yailal 'a eb'an̈, xchi 'a winac.

Jonás 1:6

Ax win capitan̈ yic te barco cha, 'ix 'ejm win 'a 'aj 'ayc' Jonás, xyaln win 'ixtc 'a 'a: —¿Tas tza b'o 'a tic ach waynoc'? ¡Q'uen̈ wa'an, leslwan̈ 'a a Diosal! Toq'ue tzat 'o'ch sc'ojl 'ayn̈ec, ax qui colchjec, xchi winac.

1 Ts 4:5

Matz tac' tzqui nib'jec 'och maysch'olnil yet' qui niwnal, 'icha eb' man̈ 'ojtnacoc Dios.

Salmos 119:11

Tzin mol a paxti 'a in nab'en, sec matz 'och in mul 'ayach.

Salmos 4:4

'Ib'xan̈c chan̈ yuj xiwlal, man̈x cab' pax 'och e mul. A yic c'otnexx 'eq'ui, 'a yic sictac eyaji, tze b'eyc'ojlan e b'a.

Jeremías 9:3

Caw jeln eb' ya'n 'es, cojxn yuj 'es tzlaj q'ue'ch eb' ricoal. Man̈x 'a tas yel tzalx 'a jun nacion̈ tic. Yuj cha, tzyaln Jehová 'ixtic: Cojxn maysch'olnil tzb'o eb', caw man̈xtzac snib'j eb' tzin yalch sDiosaloc.

Mt 22:29

Yuj cha, xyaln pax Jesús 'ixtc 'a ewin saduceo cha: —Ton̈j tzex somchji, yujto man̈ eyojcoc tas tzyal 'a Ch'an̈ U'un̈. Man̈ eyojcoc paxi jantc spoder Dios.

A Tas Sc'ulejnac Eb' Schecab' Jesús Hechos 26:8

Ax xo tic, ¿tas yuj matz eya'ch 'a e c'ojol, to a Dios, a 'oj 'a'nc pitzwc pax eb' chamnac?

1 Co 4:14

Man̈ yujoc ex wa'n q'uixwc 'eli, tzin tz'ib'n 'at jun tzo'n̈ tic 'ayex. Palta tzin nib'j tzwac' e nab'enoc. Q'uinloc 'ay junc wunnal caw xajn wu'uj, 'ixta eyaj wuj ticnec.