1 Co 15:10 - Chuj San Sebastian Bible

¹⁰ Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

Chuj San Mateo Bible

¹⁰ Palta yujn̈ej svach'c'olal Dios schecab' Cristo vaj ticnaic. Man̈ nab'an̈ejoc ix sch'ox svach'c'olal tic d'ayin, yujto ec'to in munlaj d'a yichan̈ eb' vetb'eyum chi' smasanil. Palta man̈oc in tzin munlaj in ch'ocoj. A Dios smunlaj ved'oc yuj svach'c'olal.

1 Co 15:10 Referans Kwoze

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

2 Co 3:5

Man̈toc tzqui na 'on̈, to mun tztac' cuj qui ch'ocj on̈. Palta yujn̈ej to 'aych Dios quet' on̈, tztac' junc tas cuj on̈.

A Scarta San Pablo D'a Eb' Aj Filipos 2:13

Yujto a Dios 'aych quet'ec. A tz'a'n qui nib'quec qui b'oc wach'il. A tz'a'n pax quip qui b'onec 'icha tas tznib'ej.

Gl 2:8

A Dios 'a'jnac yopiso Pedro chi schecb'oc Cristo 'a scal eb' israel. An̈jtona', atn Dios chi 'a'jnac wopiso schecb'oc Cristo 'a scal eb' man̈ israeloc.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

1 Co 4:7

May junc on̈ tztac' qui b'an̈n qui b'a, yujto lajnn̈ej quel'chec qui masnil. Tzann̈j tas tztac' cujec, yujto a Dios tz'a'n 'ayn̈ec. Yuj cha, matz tac' qui b'an̈nec qui b'a yu'uj. Matz tac' calnec, to mun quiquec, yujto a Dios tz'a'n 'ayn̈ec.

1 Co 15:2

Toto an̈ja 'aych e nab'en 'a jun 'ab'x waljnac 'ayx tic, toto yel eya'jnac 'och e c'ojl 'a 'a, to 'ixta', 'ay e colnb'il yu'uj.

Ro 11:1

A eb' schon̈b' Dios cha, ¿tom patcab'il can 'el eb' yuj 'a jun 'ejmn̈ej? Ma'ay. 'Ilt in an tic, israel in yet' eb', yin̈tl in pax Abraham yet' eb'. Yic in junc'aj xo eb' yin̈tl Benjamín.

Mt 10:20

Man̈oc ex 'oj e paxtini, yujto a Yespíritu qui Mam 'oj majnanc e ti', ax eyalni.

1 Co 3:6

An tic, yic wec' 'a e cal, 'icha to 'ec' wawjnac can jun tzo'n̈ 'in̈t ta'. Ax Apolos, 'icha to a 'ec' 'a'jnac 'och yalil. Palta atn Dios ex q'uib'tzani.

1 Co 3:10

An xo tic, 'icha junc b'om n̈a tznachj 'el sb'on junc n̈a cha, 'ixta 'in yuj swach'c'ojlal Dios. An tic, yic wec' 'a e cal ta', 'icha to 'ec' wa'jnac 'ejm yipnub'al yich junc n̈a. Ax ticnec, chucx mach wan smunlj 'a e cal. 'Icha to wan ya'n q'ue xamit 'a yib'n̈ jun yipnub'al yich cha. A junjn mach tzmunlj ta', yowlal caw tzyila, chajtl tzyutj ya'n q'ue jun tzo'n̈ xamit cha.

1 Co 15:11

Yuj cha, wach'xam an tzin munlji, wach'xam a eb' chi tzmunlji, palta junn̈j jun wach' 'ab'x tic tzcal-l on̈. Atn jun wach' 'ab'x tic tzeya'ch 'a e c'ojol.

1 Ts 5:12

Ex wu'tac, ex wanab', 'ay eb' tzmunlj 'a e cal yuj Cajlilec, wan ex ya'n cuenta eb', wan swach' 'a'n eb' e nab'enoc. Tzon̈ tew 'at 'ayx on̈, nachj cab' 'el eyu'uj, to 'ay yopiso eb' yuj Dios.

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

Mt 25:16

Ax win moso xchan o'e talento cha, 'ix yac' win snegocio yet' q'ue'en; 'ix ya'n ganar win o'e xo.