1 Co 14:25 - Chuj San Sebastian Bible

²⁵ 'Ixta to b'i'an, ax scheclj 'el tas 'ay 'a spixan. Yuj cha, 'oj 'em cuman, ax yaln sb'a 'a Dios. Ax yaln 'ixtic: Yel toni, caw 'aych Dios eyet'oc, 'oj schioc.

Chuj San Mateo Bible

²⁵ Ichato chi' scheclajeli tas ay d'a spensar. Yuj chi', tz'em cuman, syalan sb'a d'a Dios. Axom syalani: Yel toni, ay val och Dios eyed'oc, xchama.

1 Co 14:25 Referans Kwoze

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.

Lc 17:16

Cojnn̈ej xjaw 'a yojltac Jesús, x'ejm cumnjoc, masnto x'e'mch snan̈l sat 'a sat lu'um. 'Ix ya'n yuj diosal 'a Jesús. A jun winc cha, 'aj Samaria winac.

Lc 8:28

Yic xyiln win Jesús, 'ix 'em cumn win 'a yojltac. Ax Jesús xaln 'a win demonio cha to tz'el 'a winac. Yuj cha, caw xq'ue yaw win yaln 'ixtc 'a 'a: —¡Ach Jesús, Yunnal ach Dios yel xo niwn yel'chi! ¿tas aln ec 'ayin? ¡Tzin tew 'ayach, man̈ in extoc! xchi win 'a 'a. Til wal 'ejm tzyamchj win 'anma chi yuj win demonio cha, yuj cha, tzcob' jalx can 'ejm win yet' q'uen cadena yuj eb' 'anma', tz'och 'a yoc yet' 'a sc'ab'. 'Ixta tzyutj eb' sec matz mil sb'a winac. Palta ton̈j n̈i'chj 'at jun tzo'n̈ cadena chi yuj winac, yuj win demonio cha tzoyb'x 'at win 'a cusltac lu'um.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Salmos 72:11

Smasnil jun tzo'n̈ xo eb' rey, 'em cab' cumn eb' 'a yojltac. 'Ajx cab' servil yuj smasnil eb' nacion̈.

Dt 9:18

Xlajw cha, in 'em cumn 'a yojltac Jehová, 'icha xon tzwac' yet'oc. Chawinc c'u chawinc 'ac'wl ma'in wa'i, may pax jac tas xwu'j eyaloc. 'Ixta xwutj in b'a, yujto xeya'ch e mul 'a Jehová, xe tzuntzn cot yowal.

Gn 44:14

'Ayt 'ec' José 'a yatut yic xc'ochx win Judá yet' eb' yu'tac cha, x'em n̈ojnjoc eb' 'a yojltac José masnto 'a sat lu'um.

Apoc 19:4

Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Jn 4:19

Xlajw yab'n 'ix jun tzo'n̈ cha, xyaln pax 'ix 'a 'ixtic: —Ach winac, schecb' ach Dios tzwab'i.

A Tas Sc'ulejnac Eb' Schecab' Jesús Hechos 4:13

Ax 'ix yiln ewin yajl cha, chajtlto caw te'n xyutj sb'a Pedro yaln yet' Juan. 'Ix yiln pax ewinac, to may 'aj cuywnac eb', comn 'anma eb'. Yuj cha, caw sat sc'ojl ewinac. 'Ix nachj 'el yuj ewinac, chajtlto jun 'e'nc eb' yet' Jesús.

A Ch'an̈ B'ab'el Libro Samuel 9:19

Ax Samuel cha, 'ix ta'w 'ixtc 'a 'a: —An ton tic. Lem con̈ wet' 'a lum tzaln yic 'emmquilal, to 'oj a wa wet' ta'. Ax q'ui'n 'a sq'uin̈b'ial, ata 'oj wal 'ayach tas jun tza nib'j a c'anb'c 'ayn cha, 'oj lajwc cha, ax a 'atxi.