1 Co 14:23 - Chuj San Sebastian Bible

²³ Q'uinloc tzeyam e b'a e masnil ax creyente ex ta ticnec. Q'uinloc c'uxn tzex laj paxtin e masnil 'a jun tzo'n̈ chucchc ti'al. Toto tz'och junc man̈ creyenteoc 'a e cal, toto man̈ yojcoc, tas yaj jun quiquec tic, tecn 'oj yal 'ixtic: 'Icha to owya tzcot 'a sjolm eb' tic, 'oj schioc.

Chuj San Mateo Bible

²³ Q'uinaloc tze molb'ej e b'a e masanil a ex creyente ex ta', mato a ex masanil ex tzex lolon d'a juntzan̈ ch'occh'oc ti'al, tato sc'och junoc man̈ creyenteoc, mato man̈ yojtacoc tas yaj jun quic tic, tecan syal icha tic: Ichato ay tas scot d'a sjolom eb', xchama.

1 Co 14:23 Referans Kwoze

A Tas Sc'ulejnac Eb' Schecab' Jesús Hechos 2:13

Palta 'ay jun tzo'n̈ xo eb', ton̈j 'ix b'uchwj eb'. 'Ix cob' yalnc eb' 'ixtic: —A jun tzo'n̈ eb' tic, 'u'm 'an̈ eb', xchi eb'.

1 Co 11:18

Yuj cha, a jun tic 'oj in b'ab'l alc 'at 'ayex. Tzwab'i, a 'ajtc tzeyam e b'a 'a culto, 'ayx ab' tze nib'j tze pojl e b'a ta'. Palta tzin na'a, tecn yel jun tzo'n̈ chi tzwab' cha.

A Tas Sc'ulejnac Eb' Schecab' Jesús Hechos 26:24

Wan yaln Pablo jun tzo'n̈ tic, yic xyaln spaxti', ax Festo, xq'ue jucnjoc yaln 'a 'a: —Caw owya ach Pablo. Til wal tas a cuyjnac, yuj cha, ach 'och owyail, xchi win 'a 'a.

Jn 10:20

'Ay nan̈l eb' xcob' alnc 'ixtic: —¿Tas yuj tzcob' eya'ch e chicn 'a win tic? Palta 'in 'aych win demonio 'a winac. 'In to owya winac, xchi cob' eb'.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Lc 12:46

A jun c'u 'aj tzna jun moso cha, to matz jaw spatron̈ cha, palta ata tzjaw tza'n̈joc winac. Toxn man̈ yojcoc, toto a 'a jun rato chi tzjaw win patron̈ cha. Ax win 'oj 'a'nc 'och wal junc yailal 'a yib'n̈ jun smoso cha, ax ya'n can 'at win 'a 'aj 'ayc' jun tzo'n̈ eb' ma'ix ya'ch xon sc'ojl 'a Dios.