1 Co 14:12 - Chuj San Sebastian Bible

¹² An tic, wojc xoni, to tze nib'j jun tzo'n̈ 'opiso tzyac' Yespíritu Dios. Yuj cha, tzwal 'ayex, tzeyac' eyip, sec wach' 'oj e cha jun 'opiso caw wach'. Toto 'ixta', 'oj stac' eya'n ste'nal eb' eyit creyenteal.

Chuj San Mateo Bible

¹² Vojtacxo to e gana juntzan̈ opisio syac' Yespíritu Dios d'ayex. Yuj chi', svala' to tzeyac' val eyip yic vach' ol e cha jun opisio más vach'. Tato icha chi', ol yal eyac'an stec'anil eb' eyetcreyenteal.

1 Co 14:12 Referans Kwoze

1 Co 14:26

Yuj cha, ex wu'tac, ex wanab', 'oj wal't 'ayex, tas tzeyutj e b'a ta', a yic tzeyamn e b'a. Comnoc 'ayx tzex b'itni, 'ayx tzeyac' junc cuynb'il, 'ayx tzeyal-l junc tas tz'ajx yuj Dios 'ayex, 'ayx tzex paxtin 'a junc chuc ti'al, 'ayx pax tzeyal-l tas tzyal 'el'ch jun chuc til cha. Comnoc tzlaj 'och e te'nal yuj smasnil tas tze b'o cha.

1 Co 14:1

Caw tzeyac' eyip e chamc'ojlan e b'a junjn ex. An̈jtona', tzeya'n 'ip e sayn 'ec' jun tzo'n̈ 'opiso tzyac' Yespíritu Dios 'ayex. 'Ay wal jun 'opiso yel xo wach', atn jun alj 'el spaxti Dios.

1 Co 12:31

Yuj cha, tzeyac' 'ip e sayn jun tzo'n̈ opiso yel xo wach' tzyac' Dios. Palta 'ayt wal junx b'eyb'al yel xo caw wach' 'oj wal 'ayex.

1 Co 12:7

A Dios tzch'oxn 'ayn̈ junjn on̈ec, chajtlto 'aych Yespíritu quet'ec, sec caw wach' quic qui masnil.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Ro 14:19

Yuj cha, caw tzqui na'ec, tas tzcutjec qui b'a, sec junc'ojlal tzon̈ 'ajc qui masnil. Tzqui nanec paxi, chajtl tzcutjec qui mol 'a'nec 'och qui te'nal.

1 Co 14:5

Tzin nib'j tzex paxtin 'a jun tzo'n̈ chucchc til e masnil. Palta yel xo wal tzin nib'j tzeyal-l spaxti Dios. Yujto a jun tic, yel xo wal 'ay yopiso 'a yib'n̈ jun tzo'n̈ chucchc til cha. A jun tzo'n̈ cha, 'ay ton yopiso, toto 'ay mach tztac' yaln 'eli tas tzyal 'el'chi, sec wach' 'oj 'och ste'nal eb' creyente chi yu'uj.

1 Co 14:13

Yuj cha, toto 'ay mach tz'ajx paxtinc 'a junc chuc ti'al, yowlal tzc'an 'a Dios, sec 'oj stac' yaln 'eli tas tzyal 'el'ch jun cha.