1 Co 12:2 - Chuj San Sebastian Bible

² Eyojc xoni, a yic mant ex creyenteoc, ex 'ijx 'at 'a jun tzo'n̈ xeyalch e diosaloc. Ex 'at tic, ex 'at tic e sayn 'eq'ui. Palta matz tac' spaxtin jun tzo'n̈ cha.

Chuj San Mateo Bible

² Eyojtacxo to ayic manto ex och creyenteal, ix ex ic'jib'at d'a juntzan̈ ix eyaloch e diosaloc. Tzex b'at tic, tzex b'at tic e sayan ec' juntzan̈ max yal-laj slolon chi'.

1 Co 12:2 Referans Kwoze

A Sb'ab'el Carta San Pedro 4:3

A 'a yic yalan̈, niwn tiempo e b'ojnac jun tzo'n̈ tas 'aj 'aych snab'en eb' man̈ 'ojtnacoc Dios. Palta can cab' jun tzo'n̈ chi ticnec. Yujto a 'a jun tiempoal cha, cojxn 'ajmulal e b'ojnac, cojn maysch'olnilal e nib'jnac 'ochi. 'U'm ex 'an̈, toxn̈ej tzex laj somlji ta'. Til wal 'an̈ eyu'jnac. An̈jtona', eyaljnac e b'a 'a jun tzo'n̈ tzalx 'och diosal, a jun tzo'n̈ cha, caw man̈ smojoc.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

Salmos 115:5

'Ay sti', palta matz tac' spaxtini; 'ay yol sat, palta matz tac' yilni;

Gl 4:8

A 'a yic yalan̈, mant eyojcoc Dios. Eya'jnac servil jun tzo'n̈ cob' eyaljnac e diosaloc, palta man̈ diosoc eb'.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

A Sb'ab'el Carta San Pedro 1:18

A jun tzo'n̈ sb'eyb'al eb' qui mam quichmec, an̈j xqui b'eylb'ejc 'a yic yalan̈, palta nab'an̈ej cob' quixtjnaquec qui b'a. Ax ticnec, colchjnacn̈ec xo 'el 'a yol sc'ab' jun tzo'n̈ cha. Eyojc xo, to a qui colnb'ilec tic, ma'ix manx yet' jun tzo'n̈ tas ton̈j 'e'lb'a yeq'ui. A q'uen tumin, q'uen oro, yet' q'uen plata, may yopiso smann qui colnb'il tic.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Salmos 135:16

'Ay cob' sti', palta matz tac' spaxtini; 'ay cob' yol sat, palta matz tac' yilni;

Salmos 115:7

'ay sc'ab', palta matz tac' syamn junc tas; 'ay yoc, palta matz tac' sb'eyi; may wal junc paxti'al tztac' yalni.