1 Co 11:7 - Chuj San Sebastian Bible

⁷ An̈ winc on̈ec, man̈ smojc tzca'c q'ue junc tas 'a qui jolom, yujto 'icha to yechl Dios cajec, tzqui ch'oxnec 'eli, chajtl yaji. Ax eb' 'ix 'ix, a eb' tzon̈ ch'oxnec 'el an̈ winc on̈ tic.

Chuj San Mateo Bible

⁷ A on̈ vinac on̈, man̈ smojoc scac'q'ue co c'ox, yujto ichato yechel Dios caji, sco ch'oxanel svach'il. Axo eb' ix ix tzon̈ ch'oxanel a on̈ vinac on̈ tic.

1 Co 11:7 Referans Kwoze

1 Co 11:3

Palta tzin nib'j tzeyojquej 'eli, to a Cristo, a Yajl yaj 'a junjn winac, 'icha to sjolm yaji. Ax yichmil junjn eb' 'ix 'ix, a yajl yaj 'a eb', 'icha Dios, Yajl yaj 'a Cristo.

Salmos 8:6

'Ix a'n can 'och copiso 'a yib'n̈ tas a b'ojnac, 'ix a'n can smasnil 'a yol qui c'ab' on̈:

Gn 9:6

A mach tzmiln cham yit 'anma'il, 'anma 'oj milnc chamoc, yujto ax 'anmax tic, 'icha in tic, 'ixta ex wutj ex in b'oni.

Gn 5:1

Atn stzol-l yab'xil eb' yin̈tl Adán tic. Yic sb'on Dios eb' 'anma', lajn xyutj sb'on eb' 'icha Dios cha.

Gn 3:16

Xyaln pax 'a 'ix 'ix cha: —'Oj wac' ab' syail yic et'x one', ax wa'n niwtjoc a yailal yic 'oj 'aljoc one'. Toxn̈ej 'ay yailal 'oj ela', palta 'oj a nib'cn̈ej echmil. A win winc 'oj 'och ajliloc, xchi 'a 'ix.

Santiago 3:9

A yet' qui ti'ec, tzcalc wach' paxti 'a Cajlil, atn qui Mam Dios. Palta a pax yet' qui ti'ec, tzqui c'anc cot yowl sc'ojl Dios 'a yib'n̈ eb' quit 'anma'il, palta a b'ojnac pax eb'. 'Icha wal Dios, 'ixta xyutj eb'.

Pr 12:4

A 'ix 'ix caw wach'n̈j tas tzb'o'o, 'icha wal junc corona yaj 'ix 'a win yichmil, caw tzalj win yet' 'ix. Ax 'ix 'ix tu sb'eyb'al jun, 'icha to 'aych syab'il win yichmil 'ix chi yu'uj, masnto tzc'och yab'n win syal 'a yol sb'acl yuj 'ix.

1 Co 11:6

Toto 'ay eb' 'ix 'ix matz yal sc'ojl tzyac' q'ue junc tas 'a sjolom, wach' joxx cab' 'el sjolm eb' cha. Toto tzq'uixw eb', yic tzjoxx 'el sjolm eb' cha, yac' cab' q'ue eb' junc tas 'a sjolm cha.

2 Co 8:23

Toto 'ay mach 'oj c'anb'noc 'ayex, tas yaj Tito tic, toto xchi eb', tzeyal 'ixtc 'a eb': Yitb'eym sb'a yet' Pablo, to 'ayl munljoc 'a qui calc tic, xe chi. Toto 'ay mach 'oj c'anb'noc pax 'ayex, tas yaj eb' ajun yet' Tito tic, toto xchi eb', tzeyal 'ixtc 'a eb': A eb' tic, checb'il cot eb' yuj eb' creyente 'a jun tzon̈ xo iglesia, caw tzcheclj 'el swach'l Cristo yuj sb'eyb'al eb', xe chi 'a eb'.