1 Co 11:6 - Chuj San Sebastian Bible

⁶ Toto 'ay eb' 'ix 'ix matz yal sc'ojl tzyac' q'ue junc tas 'a sjolom, wach' joxx cab' 'el sjolm eb' cha. Toto tzq'uixw eb', yic tzjoxx 'el sjolm eb' cha, yac' cab' q'ue eb' junc tas 'a sjolm cha.

Chuj San Mateo Bible

⁶ Tato ay eb' ix max yal sc'ool syac'q'ue sc'ox, vach' joxchajocab' el xil sjolom eb' ix chi'. Axo tato sq'uixvi eb' ix sjoxchajel xil sjolom chi', yac'ocab' q'ue sc'ox eb' ix.

1 Co 11:6 Referans Kwoze

Dt 22:5

A eb' 'ix 'ix, matz tac' ya'n 'och eb' 'ix spichl win winac, an̈jtona win winac, matz tac' ya'n 'och win spichl eb' 'ix 'ix, yujto a mach tzb'on jun tzo'n̈ tic, caw tzyajx 'el eb' yuj Jehová Dios.

Nm 5:18

Tzyi'n 'och wan win 'ix 'a wojltac, tzyi'n 'el win spotl sjolm 'ix, tzya'n 'och win jun ofrenda yic c'a'lc'ojlal chi 'a yol sc'ab' 'ix, yic tzya'n checljoc 'el smul 'ix; ax win ya'mal 'och sti eb' 'anma cha, a tz'i'n cot a a caw c'a, jun tz'i'n cot yailal,

A Tas Sc'ulejnac Eb' Schecab' Jesús Hechos 18:18

A Pablo, niwn to tiempo x'och wan 'a Corinto cha. Xlajw cha, xyaln can sb'a 'a eb' creyente, 'ix 'ati yic tzpax 'a Siria. 'Ix 'at canb' Priscila yet' cu'tac Aquila yet'oc. 'Ix 'emch eb' 'a jun chon̈b' Cencrea. Yic mantzac 'och eb' 'a yol barco, 'ix sjoxn can 'el Pablo xil sjolom. A jun chi senya, chajtlto 'ay jun strato tzyac' 'a Dios.

1 Co 11:5

Ax eb' 'ix 'ix, toto may jac tas 'ay q'ue 'a sjolm eb', tzleslwi eb', tzyaln 'el eb' spaxti Dios, a sjolm eb' chi tzyac' sq'uixwloc. 'Icha to joxb'il 'el sjolm eb' cha.

1 Co 11:7

An̈ winc on̈ec, man̈ smojc tzca'c q'ue junc tas 'a qui jolom, yujto 'icha to yechl Dios cajec, tzqui ch'oxnec 'eli, chajtl yaji. Ax eb' 'ix 'ix, a eb' tzon̈ ch'oxnec 'el an̈ winc on̈ tic.