1 Co 11:30 - Chuj San Sebastian Bible

³⁰ Yuj wal jun tzo'n̈ tic, til wal eb' ya'ay, til wal eb' tz'on 'a e cal, 'ay pax eb' chamnc xo.

Chuj San Mateo Bible

³⁰ Yuj juntzan̈ tic, tzijtum eb' spenaayax d'a e cal, ay eb' tz'ontac, ay pax eb' schami.

1 Co 11:30 Referans Kwoze

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Nm 20:12

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

1 Ts 4:14

An̈ec xo tic, tzca'c 'och 'a qui c'ojol, chajtlto a Jesús 'ix chami, 'ix pitzw paxi. 'Ixta 'oj 'aj pax eb' creyente chamnc xo. A Dios 'oj 'a'nc pax cot eb' yet' Jesús.

Nm 20:24

A ticnec b'i'an, jab'xoj wal 'oj cham Aarón tic, man̈x 'oj c'och 'a sat lum lum tzwal wac' 'a eb' eyit israelal tic, yujto ma'ix eyiclj in checnb'il 'ix wal 'ayex, yic 'ayx 'ec' 'a sti a spac'b'a Meriba.

1 Co 15:51

Palta 'ay jun tas mant 'a mach 'ojtnac xoni. Tzin nib'j tzeyojquej 'el ticnec. An̈ creyente on̈ec tic, man̈ qui masnilc 'oj qui chami. Palta qui masnilec 'oj jelmjoc qui niwnalec tic.

1 Co 11:32

A yic tzon̈ b'eyc'ojlax yuj Cajlilec cha, a tz'a'n yailal 'a quib'n̈ec, sec wach' man̈x 'oj qui 'atcn 'a junx niwn yailal yet' eb' yic yolyib'n̈q'uinl tic.

A Tas Sc'ulejnac Eb' Schecab' Jesús Hechos 13:36

A David cha, ya'jnac servil eb' 'anma 'a jun tiempoal cha, 'icha snib'j Dios. Xlajw xoj cha, xchami, smucxi. Ax sniwnal cha, xc'a'i.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

1 Co 11:29

Yujto a yic tzqui wanec, tzcu'nec jun tic, toto matz cham qui nanec sniwnal Cajlilec, caw tzquijec cot yailal 'a quib'an̈.

1 Co 11:31

Palta toto tzqui b'eyc'ojlej qui b'a junjn on̈ec, toto 'ixta', ax Cajlilec, man̈x yowlalc 'oj on̈ sb'eyc'ojloquec.