1 Co 11:25 - Chuj San Sebastian Bible

²⁵ An̈jtona', 'ixta 'ix yutj yi'n pax chan̈ jun vaso, yic xlajw swa eb'. 'Ix yaln pax 'ixtc 'a eb': A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc jun strato tic. A yic tzeyu'n jun tic 'a junjn 'ejem, 'ixtc 'oj e b'o', sec 'oj in e na coti, xchi Jesucristo.

Chuj San Mateo Bible

²⁵ An̈ejtona' icha chi' ix yutej yic'anchaan̈ jun vaso ayic ix lajvi sva eb', ix yalan d'a eb': A tas ay d'a yol jun vaso tic, a sch'oxan junxo strato Dios. Yuj in chiq'uil, ol elc'och jun strato tic. Ayic tzeyuc'an jun tic d'a juntac el, icha tic ol eyutoc, yic ol in e nacoti, xchi Jesucristo chi'.

1 Co 11:25 Referans Kwoze

Lc 22:20

Xlajw swa eb', 'ixta xyutj pax jun vaso. 'Ix yaln 'ixtc 'a eb': —A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc, yujto 'oj 'elcn eyu'uj.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

1 Co 10:16

A jun vaso yic Dios, jun tzca'c yuj diosal yu'uj, a tzch'oxni to junxn̈ej tzon̈ 'ajc yet' Cristo, yujto x'elcn schic'l cujec. An̈jtona', yet' jun pan tzpojx 'ec' 'a qui calec, a tzch'oxn paxi, to junxn̈ej tzon̈ 'ajc yet'oc, yujto x'ajx cham sniwnal chi cujec.

2 Co 3:14

Palta ax eb' cha, ma'ix nachj 'el yuj eb', tas chi xalx 'a eb', yujto pit eb'. An̈jtona ticnec, a yic tz'awtx jun 'ichm trato 'a eb' israel, matz nachj 'el yuj eb'. Yujto 'icha wal a jun nip chi potn 'och 'a sat eb', 'ixta yaj 'a eb'. A wal jun 'icha nip cha, matz 'eli, palta yujn̈ej Cristo tztac' yeli.

Ex 24:6

Ax Moisés xchan schic'l no', 'ix ya'n 'ejm nan̈l 'a yol jun tzo'n̈ yet'ul, ax nan̈l xo, 'ix secq'ue 'a yib'n̈ jun yet'l xajmb'al cha.

Ex 24:8

Xlajw cha, xyi'n cot Moisés jun chic' 'ay 'ejm 'a yol yet'ul, stzicn 'at 'a yib'n̈ eb' 'anma cha, 'ix yaln 'ixtic: —A schic'l no noc' tic, a tz'a'n 'och yip strato Jehová sb'o quet'ec, atn wal jun tic tz'ochcn yipnub'alc smasnil jun tzo'n̈ paxti tic, xchi Moisés.

Jeremías 31:31

Tzyaln Jehová 'ixtic: 'Oj jawc jun c'ual, 'oj in b'o junc xo in 'ac' trato yet' eb' yin̈tl Israel, yet' pax eb' yin̈tl Judá.

1 Co 11:24

Ax yic xlajw ya'n yuj diosal 'a Dios, 'ix sch'iyn 'ixm pan cha. 'Ix yaln 'a eb' scuywum 'ixtic: [Wan̈ec.] A jun tic, atn in niwnal 'oj yab' syal e jeloc. Nachji, tze b'o jun tic, yic tzin e nan coti, xchi.