1 Co 11:17 - Chuj San Sebastian Bible

¹⁷ 'Ay jun tzo'n̈ xo tas 'oj wal't 'ayex. Palta matz tac' tzex wal wach'il, yujto 'ayx 'ayt e paltail. Yujto a yic tzeyamn e b'a ta', may jac swach'l tze cha'aj. Ton̈j tzex juw 'el yu'uj.

Chuj San Mateo Bible

¹⁷ Ay juntzan̈xo tas ol valb'at d'ayex. Palta maxto yal ex valan vach'il, yujto ayex ayto e paltail. Yujto ayic tze molb'an e b'a ta', malaj jab'oc svach'il tze cha'a. Ton̈ej tzex juviel yuuj.

1 Co 11:17 Referans Kwoze

A Sb'ab'el Carta San Pedro 2:14

Tzeyiclni pax jun tzo'n̈ xo eb' yajal, yujto 'ac'b'il yopiso eb' yuj eb' rey cha, yic tzya'n 'och eb' syailal eb' matz yiclni ley cha. Tzyaln pax eb' wach'l eb' wach' sb'eyb'al.

A Ch'an̈ Carta D'a Eb' Hebreo 10:25

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

1 Co 14:23

Q'uinloc tzeyam e b'a e masnil ax creyente ex ta ticnec. Q'uinloc c'uxn tzex laj paxtin e masnil 'a jun tzo'n̈ chucchc ti'al. Toto tz'och junc man̈ creyenteoc 'a e cal, toto man̈ yojcoc, tas yaj jun quiquec tic, tecn 'oj yal 'ixtic: 'Icha to owya tzcot 'a sjolm eb' tic, 'oj schioc.

1 Co 11:22

¿Tom may eyatut junjn ex, 'aj tztac' tzex wacni, tzeyu'n can tas ta'? A yic tze b'on jun tzo'n̈ cha, ax eb' eyit creyenteal, tze patquilj can 'el eb', palta yiglesia Dios pax yaj eb' eyet'oc. A eb' 'ixta tzeyutj cha, may tas tzc'ux eb' eyet'oc. Yuj cha, ton̈j tzeyac' q'uixwc can 'el eb'. ¿Tasm tze na'a? ¿Tom 'oj stac' ex waln wach'l yuj jun e b'eyb'al cha? Caw matz tac'a.

1 Co 14:26

Yuj cha, ex wu'tac, ex wanab', 'oj wal't 'ayex, tas tzeyutj e b'a ta', a yic tzeyamn e b'a. Comnoc 'ayx tzex b'itni, 'ayx tzeyac' junc cuynb'il, 'ayx tzeyal-l junc tas tz'ajx yuj Dios 'ayex, 'ayx tzex paxtin 'a junc chuc ti'al, 'ayx pax tzeyal-l tas tzyal 'el'ch jun chuc til cha. Comnoc tzlaj 'och e te'nal yuj smasnil tas tze b'o cha.

1 Co 11:2

Ex wu'tac, ex wanab', tzex wal wach'l ta', yujto smasnil tiempo tzin e na coti. Wan e b'eylb'an pax jun tzo'n̈ cuynb'il waljnac can 'ayex.

Lv 19:17

Man̈ ex chichnoc 'a junc eyit 'anma'il. A eyico', to tze tenchwa'an, tzeya'n snab'enoc, sec man̈ locnoc ex 'a smul cha.

1 Co 11:34

Toto 'ayx caw 'ay e wejel, yowlal tzex wacn 'a eyatut. Toto 'ixta', wach' 'oj eyutc e b'eyb'al, yic tzeyamn e b'a ta'. Ax Dios, ma'oj ya' cot yailal 'a eyib'an̈. Ax jun tzo'n̈ xo tas tzat yac' palta 'ayex, 'ojt in b'oyaji, yic 'oj in c'och 'ayx ta'.

1 Co 11:20

Yuj cha, a yic tzeyamn e b'a, man̈ yico'oc Cajlil jun Cena chi tzex wa yet' cha.

Pr 27:5

Yel xo wach' tzex stench wan junc e wach'c'ojol, 'a yib'n̈ to tzex cob' sc'ultac chamc'ojloc.

Ro 13:3

Yujto a eb' yajl cha, 'ay yopiso eb', sec tzxiw eb' maysch'olnil sb'eyb'al. Man̈ yujoc xiw eb' wach' sb'eyb'al 'ay yopiso eb'. Yuj cha, toto tzqui nib'jec matz on̈ xiwc yuj eb', yowlal wach' tzcutjec qui b'eyb'al yil eb'. Toto 'ixta', 'oj tzaljoc eb' quet'ec.