1 Co 10:9 - Chuj San Sebastian Bible

⁹ Matz tac' ca'nec prowal Cajlil yic tzquilni, toto tzyac' niwnc'ojlal 'ayn̈ec. Yujto 'ixta yutjnac sb'a jun tzo'n̈ eb' 'a scal eb' cha. Yujn̈ej cha, slajw 'el eb' yuj jun tzo'n̈ no chan.

Chuj San Mateo Bible

⁹ Max yal cac'an proval Cajal Jesús yic squila' tato syac' nivanc'olal. Yujto icha chi' yutejnac sb'a juntzan̈ eb' d'a scal eb' chi', yuj chi' lajvinac el eb' yuj juntzan̈ noc' chan.

1 Co 10:9 Referans Kwoze

Salmos 78:18

'Ix ya'lj prowal eb' Dios, sc'ann eb' sc'ux tas caw wach' 'a 'a.

Ex 17:7

Meriba xya'cn scuch jun lugar cha, yujto ata tu 'ix yal eb' 'anma 'a Moisés. Xya'n pax scuch Masah, yujto xyac' prowal eb' Jehová, yic xyaln eb' 'ixtic: ¿Yel am wali 'ayc' Jehová 'a qui calc tic, mto ma'ay? xchi eb'.

Ex 17:2

'Ix cotx yowl eb' 'anma chi 'a Moisés, xyaln pax eb' 'ixtic: —A ticnec b'i'an, 'a' cot cal tzcuq'uej, xchi eb'. —¿Tas yuj tzex 'awj 'och 'ayin? ¿Tas yuj tzeyac' prowal Jehová? xchi Moisés chi 'a eb'.

Salmos 78:56

Palta a eb' qui mam quichmec cha, 'ix spitj sb'a eb 'a qui Diosalec to caw niwn yel'chi. Xmeltzj 'och eb' 'a 'a, man̈xtoc syiclj eb' schecnb'il.

Dt 6:16

Man̈ eyac' prowal Jehová qui Diosalec, 'icha wal eyutjnac 'a Masah.

Salmos 106:14

A 'a lum cusltac lu'um, ata 'ix ach yac' prowal eb', 'ix sc'an eb' tas tznib'j sc'ux 'ayach.

Salmos 95:9

Atnta ya'jnacn prowal eb' e mam eyicham, wach'xam yiljnac eb' tas satjub'tac yilx b'ob'il wu'uj.