1 Co 10:31 - Chuj San Sebastian Bible

³¹ Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

Chuj San Mateo Bible

³¹ Palta svalb'at d'ayex, vach'chom tzon̈ va'i, ma scuq'uej junoc tasi, yaln̈ejocab' tas sco c'ulej, co c'ulejocab'i yic squic'anchaan̈ Dios.

1 Co 10:31 Referans Kwoze

A Scarta San Pablo D'a Eb' Aj Colosas 3:17

Tzann̈j tas tze b'o'o, yet' tas tzeyala, 'icha wal tznib'j Cajlil Jesús, 'ixta tzeyutj e b'a. An̈jtona yu'uj, tzlaj eyac' yuj diosal 'a qui Mam Dios.

A Scarta San Pablo D'a Eb' Aj Colosas 3:23

Jantcn̈ej tas tze b'o'o, tze b'o wal 'a smasnil e c'ojol. 'Icha cab' to a 'a Cajlilec tzex munlji, man̈ocn̈ej 'a junc 'anma cha.

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 12:7

Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

Dt 12:12

Tzlajw cha, tze nan sq'uin̈l jun tzo'n̈ chi 'a yojltac Jehová qui Diosalec, yet' eb' eyunnal, eb' eyisil, ewin e checab', eb' 'ix e checab', yet' pax eb' levita cajn 'a e cal, yujto a eb' levita cha, may smacl lum eb' 'oj scha eyet' 'a lum lum cha.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

1 Co 7:34

Yuj cha, chab' tz'el snab'en eb'. An̈jtona', man̈ lajnoc eb' 'ix 'ayx yichmil yet' eb' may yichmil. A eb' may yichmil cha, tzna eb' tas 'oj yutc eb' ya'n servil Cajlilec, yujto tzyac' eb' sniwnal yet' spixn yico'oc Dios. Ax eb' 'ayx yichmil, a wal tas 'ay 'a yolyib'n̈q'uinl tic tzna eb'. Yujto tzna eb' tas 'oj yutc eb' ya'n servil sb'a yet' yichmil cha.

Zacarías 14:21

Smasnil chen 'a Jerusalén yet' 'a Judá, yicn̈ej Jehová 'oj 'ajoc, atn jun tztac' yuj smasnil. Smasnil mach tz'at yac' junc xajmb'al ta', tztac' sc'ann jun tzo'n̈ cha, sec ata tz'an̈ eb' schib'jal no xajmb'al cha. A 'a yic jun c'ul cha, man̈x 'a eb' chon̈wjum 'oj chon̈wjoc 'a yatut Jehová tztac' yuj smasnil.