1 Co 10:25 - Chuj San Sebastian Bible

²⁵ Al ticnec, tzann̈j cab' chib'jal tzchon̈x 'a plas, tzta'n̈j e mann e chi'. Matz e c'anb'ej, 'aj tzcoti, sec wach' ax jun e nab'en tzex 'a'n cuenta, matz juw 'el yu'uj.

Chuj San Mateo Bible

²⁵ Axo ticnaic, yaln̈ej tas chib'ejal schon̈ji b'aj schon̈ji noc' chib'ej, syaln̈ej e manan noc' e chi'a. Man̈ e c'anb'ej b'aj scot noc', yic vach' axo jun tz'ac'an mandar e pensar, max ixtax el yuuj.

1 Co 10:25 Referans Kwoze

1 Co 8:7

Palta man̈ smasnilc eb' creyente tznachj 'el jun tzo'n̈ tic yu'uj. 'Ay eb' caw ya'jnac 'och sc'ojl 'a jun tzo'n̈ tzalx 'och diosal cha. Yuj cha, a jun tzo'n̈ tas tz'ajx xajmb'al-l cha, yicn̈ej jun tzo'n̈ tzalx 'och diosal chi snan eb'. A jun snab'en eb' tz'a'n cuenta cha, mant 'a ste'nal. Yuj cha, tzjuw 'el snab'en eb' yic tzchin eb' jun tzo'n̈ xajmb'al cha.

1 Ti 4:4

Smasnil tas b'ob'il yuj Dios, caw wach'. Yuj cha, matz tac' calni to maysch'olnil 'a sat Dios. Tzta'n̈j qui c'uxn smasnil, tzca'n yuj diosal 'a Dios yu'uj.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

Ro 14:14

An tic, yujto 'aych in c'ojl 'a Cajlil Jesús, caw wojc si'mb'il, may junc tas 'ay yowlal yu'uj. Palta toto 'ay mach tznani, to 'ay yowlal junc tas yuj Dios, caw matz tac' sb'oni, yujto 'ay ton yowlal yuj Dios 'a 'a.

Ro 13:5

Yuj cha, yowlal tzqui yicljec tas tzyal eb' yajal. Man̈ yujocn̈ej to tzon̈ xiwc ya'n 'och eb' qui yailal, tzqui yiclniec. Palta tzqui yicljec, yujto cojquec, 'ixta tznib'j Dios.

A Tas Sc'ulejnac Eb' Schecab' Jesús Hechos 10:15

Yuj cha, xyaln pax jun chi 'ixtc jun 'ejm xo: A jun tzo'n̈ tas tzyal Dios to may yowlal, ach xo tic, man̈ ala', to 'ay yowlal, xchi 'a Pedro cha.