1 Co 10:22 - Chuj San Sebastian Bible

²² ¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Chuj San Mateo Bible

²² ¿Tom co gana sco tzuntzejcot yoval sc'ool Cajal Jesús chi' d'a quib'an̈? ¿Tom a e naani to ec'al co poder d'a yichan̈?

1 Co 10:22 Referans Kwoze

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Dt 32:16

Caw 'oj e tzuntzc cot yowl sc'ojl Dios, yujto 'oj eyac' 'ejm e b'a 'a jun tzo'n̈ yechl comn dios to yajb'il 'el yuj Jehová.

A Ch'an̈ Carta D'a Eb' Hebreo 10:31

Caw wal 'ay smay qui b'eyc'ojlaxec yuj Dios pitzan.

Ez 22:14

Tom 'oj stac' ste'wtzan sb'a eb' 'a wojltac yic 'oj in b'eyc'ojlanc eb'. A tas tox xwala, yowlal 'oj 'el'choc.

Ec 6:10

A tas 'ayc' ticnec, toxn tzalx xon 'a pecti'. An̈ 'anman̈ec tic, cojc xon tas cajec. Matz tac' qui tenec qui b'a yet' qui Mam Dios yujto 'ec'b'al yip 'a quib'n̈ec.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Salmos 78:58

'Ix stzuntzj cot eb' yowl sc'ojl Dios yuj jun tzo'n̈ smacsej eb' 'ayc' 'a jolmctac witz, xyaln sb'a eb' 'a jun tzo'n̈ yechel.

Job 9:4

A Dios caw wal 'ay sjelnal, caw niwn yel'ch yet' tas tztac' yu'uj. Q'uinloc tzqui te'wtzej qui b'a 'a yojltac, ¿tom tztechj cujec 'a 'a?

Josué 24:19

Yuj cha, xyaln Josué 'a eb' chon̈b' chi 'ixtic: —Ax tic, ma'oj stac' eya'n servil Jehová, yujto caw matz techj yu'uj yic tzyiln 'och tas man̈ wach'oc. Caw wal ow toto tzex 'och 'emmquilal 'a jun tzo'n̈ comn dios, matz yac' niwnc'ojlal jun tzo'n̈ mul cha.

Dt 6:15

A Jehová qui Diosalec 'ayc' wal 'a qui calec, 'ay smay tzcot yowl 'ayex. Toto tzeyal e b'a 'a jun tzo'n̈ comn dios cha, ax ex satn 'el 'a jun 'ejmn̈ej 'a sat lum lum cha.

Dt 4:24

A Jehová Dios, caw wal ow 'a junc mach tzyac' 'ejm sb'a 'a junc yechel. A yowl sc'ojl cha, lajn wal 'icha junc c'ac' tz'a smasnil tas yu'uj.

Ex 34:14

Man̈ ex leslwoc 'a jun tzo'n̈ comn dios, yujto an Jehová in, caw wal own yuj jun tzo'n̈ cha.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

A Ch'an̈ B'ab'el Libro Yic Yab'ixal Eb' Rey 14:22

A Roboam yet' eb' 'anma 'aj Judá, caw wal tu tas sb'o eb' 'a sat Jehová, yel xo wal stzuntzj cot eb' yowl sc'ojl Jehová 'a yib'an̈, 'icha 'ajnc yoch smul eb' smam yichm eb'.

Jeremías 7:19

An Jehová in, an tzwala to man̈ cojnoc in tzin yixtj eb', palta mun tzyixtj 'el sb'a eb', mun tzyij 'el eb' sq'uixwel.

Jeremías 44:8

¿Tas yuj tzin e tzuntzej, yuj eya'n incienso xajmb'al-l 'a e diosal, yet' 'a jun tzo'n̈ xo sdiosal Egipto tic, atn jun 'aj ex jaw cajn tic? Yuj wal jun tzo'n̈ tic, ax e lajw 'eli. 'Oj jawc catb' 'a eyib'an̈, 'oj e b'uchx yuj smasnil eb' nacion̈ 'ay 'a yolyib'n̈q'uinl tic.