1 Co 10:18 - Chuj San Sebastian Bible

¹⁸ Tze na cot tas tzyutj sb'a eb' wit israelal cha. A yic tzchin eb' jun tzo'n̈ no noc' tzyac' xajmb'alil, junxn̈ej yaj eb' yet' Dios, atn jun tzchan xajmb'al eb' cha.

Chuj San Mateo Bible

¹⁸ Tze na jab'oc ved'oc tas yutejnac sb'a eb' vetisraelal. A eb' schi'an juntzan̈ silab' sn̈usji d'a yib'an̈ altar, ay yalan yic eb' yed' Dios, yujto a' ay yic jun altar chi'.

1 Co 10:18 Referans Kwoze

Gl 6:16

Jantc eb' tzb'eylb'an jun tzo'n̈ cuynb'il tic, atn eb' yel israel 'a sat Dios, yujto schon̈b' yaj eb'. Ya' cab' Dios sjunc'ojlal 'a eb', tz'o'ch pax sc'ojl 'a eb'.

Lv 7:6

Smasnil ewin yin̈tl eb' ya'mal 'och sti eb' 'anma', tztac' schin eb' no xajmb'al cha, palta cojn 'a yamq'uil Mantiado, yujto a jun xajmb'al cha, niwn yel'chi.

Lv 3:11

Ax win ya'mal 'och sti eb' 'anma cha, a tz'a'n tz'a smasnil 'a yib'n̈ yet'l xajmb'al, jun xajmb'al tzc'uxx tz'ajx tz'a 'a wojltac an Jehová in.

1 Co 9:13

Eyojc xoni, a eb' tzmunlj 'a yatut Dios, ata tzchaj eb' tas tzc'uxu. Yujto a eb' 'ay yopiso ya'n xajmb'al, 'ay yaln eb' yic schin schib'jal no noc' chi tzyac' eb' xajmb'al-l cha.

Ro 4:12

An̈jtona', mamb'il yaj pax win 'a eb' 'ac'b'il circuncidar. Tzyal 'el'chi, atn eb' matz ya'ch jun senya chi yipc sc'ojol, atn eb' tzya'ch sc'ojl 'a Dios, 'icha ya'jnac Abraham cha yic mantzac 'ajx circuncidar.

Ro 4:1

A qui mam quichmec Abraham, ¿tas 'ajnc 'a sat Dios tze na'a?

Ro 1:3

A jun wach' 'ab'x tic, atn yab'xil Cajlil Jesucristo, Yunnal Dios. A yic yalj Jesucristo, yin̈tl win rey David x'ajcni. Yuj cha, chequel to 'ochnc 'anma'il.

Lv 7:7

A no xajmb'al yic stojl mul, lajnn̈ej yel'ch yet' no xajmb'al yic tz'ajx lajwc mul. A no chib'j yic jun tzo'n̈ xajmb'al cha, yic win ya'mal 'och sti eb' 'anma chi yaji.

Dt 12:17

A 'a yol e chon̈b' cha, matz tac' eyi'n can sdiesmoal e trigo, sdiesmoal eyal uva, mto eyaceite, matz tac' e chin sb'ab'l 'une e wacax, mto e calnelu, matz tac' eyi'n can 'el jac eyic 'a tas ta'wb'il eyu'uj, yet' 'a jun tzo'n̈ ton̈j tz'el 'a e c'ojl eya'n 'a Jehová.

A Ch'an̈ Carta D'a Eb' Hebreo 13:10

Palta an̈ec xo tic, chuc jun qui xajmb'alec. Ax eb' ya'mal 'och sti eb' quit israelal 'a Dios, eb' 'a'jnac servil 'a jun scajnub', may yaln eb' yic schin jun xajmb'al tic.