1 Co 10:14 - Chuj San Sebastian Bible

¹⁴ Yuj cha, ex chamc'ojlb'il wu'uj, caw man̈ eyal e b'a 'a jun tzo'n̈ tzalx 'och diosal.

Chuj San Mateo Bible

¹⁴ Yuj chi', ex xajanab'il vuuj, man̈ eyal e b'a d'a juntzan̈ comon dios.

1 Co 10:14 Referans Kwoze

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

1 Jn 5:21

Ex chamc'ojlb'il wu'uj, caw man̈ eya'ch e nab'en 'a jun tzo'n̈ tzalx 'och diosal. [Ya' cab'i'.]

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

2 Co 7:1

Ex chamc'ojlb'il wu'uj, atn jun tzo'n̈ tic yaljnac can Dios, yic ya'n can sti 'ayn̈ec. Yuj cha, caw qui wach' 'actquec can jantcn̈ej tas tz'i'n 'at qui niwnal yet' qui nab'enec 'a maysch'olnil. Yowlal tzqui wach' tojlb'tzejc qui nab'en si'mb'il, yuj qui xiwc'ojlalec 'a 'a.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 2:14

Palta 'ayt wal jun tzo'n̈ e paltail tzwila. Yujto 'ayx tzeya'ch e nab'en 'a scuynb'il can win Balaam. A win 'a'jnac sc'ojloc win Balac, yic ya'n win juwc 'el eb' israel. Yuj win Balac cha, schin eb' jun tzo'n̈ xajmb'al tz'ajx 'a jun tzo'n̈ tzalx 'och diosal, sb'on pax eb' 'ajmulal.

1 Co 10:7

Yuj cha, matz tac' calnec qui b'a 'a jun tzo'n̈ tzalx 'och diosal, 'icha yutjnac sb'a jun tzo'n̈ eb' 'a scal eb' cha. A Ch'an̈ Un̈ tz'ib'b'il cani, a Ch'an̈ tzaln yuj eb' 'ixtic: 'Ix laj 'em wocn eb' swa'i, 'ix laj yu'nc eb' tas tzyuq'uej. Xlajw cha, 'ix q'ue b'uynjoc eb' sb'on maysch'olnil, xlaj ya'n eb' chan̈al, xchi 'a Ch'an̈.

2 Co 11:11

¿Tas yuj tzwalb't jun tzo'n̈ tic 'ayx tze na'a? ¿Yuj am may in chamc'ojlal 'ayx ta tze na'a? A Dios 'ojtnac, jantc wal in chamc'ojlal 'ayex.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

A Scarta San Pablo D'a Eb' Aj Filipos 4:1

Ex wu'tac, ex wanab', chamc'ojlb'ilx wu'uj. Caw tzin nib'j tz'at ex wila', yujto eyu'uj, 'ay in tzaljc'ojlal. Eyu'uj, ax in chan spac wico'. Yuj cha, ex chamc'ojlb'il wu'uj, caw te'n tzeyutj e b'a eya'n 'och e c'ojl 'a Cajlilec.

2 Co 12:15

An tic, caw tzin nib'j tzin lajl tastc 'ay 'ayin, sec 'oj wach' b'o e nab'en. Wach'xam 'oj lajwc in niwnal tic yuj 'ex wa'n servil, palta 'oj in tzaljn̈ej, wach'xam jab'xoj e chamc'ojlal 'ayin, palta yel xo wal tzex in chamc'ojlej.

Filemón 1:1

An Pablo in tic preso waji, yujto tzwa'ch in nab'en 'a Cristo Jesús. An yet' cu'tac Timoteo, tzwa't jun in carta tic 'aych Filemón. Chamc'ojlb'ilch cuj on̈, yujto quitb'eymec qui b'a 'a smunljel Dios.

2 Co 12:19

Tecn tze na'a, to ton̈j tzqui col qui b'a 'a eyojltac on̈. Palta man̈ 'ichcta tzcutj qui b'a on̈, yujto a 'a sat Dios, wan caln 'at jun tzo'n̈ tic 'ayx on̈ 'icha tznib'j Cristo, sec 'oj laj 'och e te'nal.

A Tas Sc'ulejnac Eb' Schecab' Jesús Hechos 15:20

Cojn cab' tzca'c 'at qui carta 'a eb', tzcalnec 'at 'a eb', to man̈xtzac sc'ux eb' jun tzo'n̈ tas tz'ajx xajmb'al-l 'a jun tzo'n̈ tzalx 'och diosal. Man̈xtzac sb'o eb' 'ajmulal, man̈xtzac schi eb' schic'l no noc', man̈xtzac schi eb' no noc' tzjalx tup yic' yujto 'ayt 'och schic'l no'.

1 Co 5:11

Palta a jun waljnacx 'at 'ayex, tzyal 'el'chi, toto 'ay eb' tzalni, to creyente eb', palta maysch'olnil sb'eyb'al eb', man̈xtzac stac' jun tzon̈ 'e'c yet' eb'. Atn eb' tic tzwala: Eb' 'ajmul, eb' tznib'n 'och tas 'ay 'a junc xo mach, eb' tzyal sb'a 'a jun tzo'n̈ tzalx 'och diosal, eb' b'ajwjum, eb' 'u'm 'an̈, yet' pax eb' 'elc'um. A eb' 'ixta sb'eyb'al cha, toto tzyal eb', to creyente eb', wach'xam ton̈j tzon̈ wac jac yet' eb', caw wal matz tac'a.

1 Co 10:15

Tzwal't jun tzo'n̈ tic 'ayex, yujto 'ayx e jelnal. Tztac' tze na si'mb'il, toto yel tzwala.

1 Co 10:19

Man̈toc tzwala, to 'ay yel'ch jun tzo'n̈ tzalx 'och diosal cha. An̈jtona', 'ixta pax jun tzo'n̈ xajmb'al cha, man̈toc tzwala, to 'ay yel'chi.

A Ch'an̈ Carta D'a Eb' Hebreo 6:9

Palta ex chamc'ojlb'il cuj on̈, wach'xam xcalb't jun tzo'n̈ tic 'ayx on̈, tzca'ch yipc qui c'ojl on̈, to wan e chan swach'c'ojlal Dios. Yuj cha, cojc on̈, to 'ayx e colnb'il.