1 Co 1:10 - Chuj San Sebastian Bible

¹⁰ Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

Chuj San Mateo Bible

¹⁰ Ex vuc'tac ex vanab', tzin tevi d'ayex d'a sb'i Cajal Jesucristo chi' to junxon̈ej tzeyutej e pensar e masanil ta'. Man̈ e comon pojej e b'a. Jun lajann̈ej tzeyutej e pensar, jun lajann̈ej tzeyutej pax e naan masanil tastac.

1 Co 1:10 Referans Kwoze

1 Co 12:25

Yuj cha, matz tac' spojn sb'a qui niwnalec tic. Yujto tzmol coltj sb'a junjn tas 'ay 'a 'a.

Ro 12:16

Junc'ojlal tzlaj cutquec qui b'a qui masnil. Matz tac' qui b'an̈nec qui b'a. Jun tzon̈ 'e'c cab' yet' eb' may yel'ch 'a sat eb' 'anma'. Matz tac' qui nanec, to caw jeln on̈ec.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

1 Co 11:18

Yuj cha, a jun tic 'oj in b'ab'l alc 'at 'ayex. Tzwab'i, a 'ajtc tzeyam e b'a 'a culto, 'ayx ab' tze nib'j tze pojl e b'a ta'. Palta tzin na'a, tecn yel jun tzo'n̈ chi tzwab' cha.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

Ro 16:17

Ex wu'tac, ex wanab', 'ay eb' 'a e cal, wan ya'lni eb' laj e pojl e b'a, tzya'lni eb' ya'n somchjc 'el e nab'en, palta caw man̈ 'ichcta tzyal jun tzo'n̈ cuynb'il 'aj cuywnac ex, yuj cha, caw tzeyil wal e b'a 'a eb'. Yowlal tzeyij 'el e b'a 'a scal eb'.

2 Co 5:20

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

1 Co 4:16

Yuj cha, tzin tew 'ayex, caw tze b'eylb'ej in b'eyb'al tic.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Jn 17:23

An 'ayn 'och 'a eb', ach xo 'aych 'och 'ayin, sec wach' caw junxn̈ej 'oj 'aj snab'en eb'. Yuj cha, ax eb' 'anma 'a yolyib'n̈q'uinl tic, 'oj nachjc 'el yuj eb', to ach checjnacn coti. 'Oj yil eb', 'icha tzotj in a chamc'ojlani, 'ixta tzotj a chamc'ojlan pax eb' tic jun xo.

1 Ts 5:13

Yowlal niwn yel'ch eb' 'a e sat, tze chamc'ojlan pax eb', yujto tzmunlj eb' 'a Cajlilec. Caw junc'ojlal tzlaj eyutc e b'a e masnil ta'.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Jn 10:19

Yic 'ix yaln jun tzo'n̈ tic, 'ix laj spojnc 'el sb'a eb' 'aj Judea chi yuj tas 'ix yal cha.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

A Scarta San Pablo D'a Eb' Aj Filipos 3:16

Yowlal tzqui b'eylb'ejc jantc tas tz'ajx nachjc 'el cujec yuj Dios.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.

Jn 7:43

Yuj cha, 'ix laj spojnc 'el sb'a eb' 'anma yuj Jesús cha.

Mr 2:21

Q'uinloc 'ay junc 'ichm pichl tzolchji. ¿Tom 'ay junc mach tz'a'n 'och jun 'a't nip sniploc? Yujto a junc 'a't nip cha, caw tzpotzi, tzwach' to'n jat jun 'ichm cha. Caw tzjuw can jun 'ichm pichl chi yu'uj.

Mt 9:16

Q'uinloc 'ay junc 'ichm pichl tzolchji, ¿tom 'ay junc mach tz'a'n 'och junc 'a't nip sniploc? Yujto a jun 'a't nip cha, caw tzpotzi, tzwach' to'n jat jun 'ichm pichl cha.

1 Ti 5:21

A 'a sat Dios, yet' 'a sat Cajlil Jesucristo, yet' 'a sat eb' ángel sic'b'il can 'el yu'uj, tzcham wal waln 'at 'ayach, caw tza yiclj jun tzo'n̈ checnb'il tic. Wach' cab' junc a wach'c'ojol, mto junc 'ajc'ojl yajch 'ayach, palta caw jun lajnn̈ej tzotj a nab'en 'a eb'.

2 Ts 2:1

A ticnec ex wu'tac, ex wanab', 'oj calb't eyab' on̈, chajtl 'oj 'aj sjaw Cajlil Jesucristo, ax on̈ smolb'tzanc yet'oc. Tzon̈ tew 'at 'ayx on̈,

Gl 4:12

Ex wu'tac, ex wanab', tzin tew 'at 'ayex, caw lajn tzeyutj e nab'en wet'oc. Yujto an tic, lajn wutjnac in nab'en eyet'oc, yic mantzac eya'ch jun ley chi yipc e c'ojol. A yic wec' 'ayx ta', wach'n̈j eyutjnac e b'a 'ayin.

2 Co 6:1

An̈ tic on̈, quit munljumal qui b'a yet' Dios on̈. Yuj cha, tzon̈ tew 'at 'ayx on̈, caw man̈ e patquilc can 'el swach'c'ojlal Dios ya'jnac 'ayex.

Ro 15:30

Ex wu'tac, ex wanab', a Yespíritu Dios, a tz'a'n qui chamc'ojloquec qui b'a. Yu'uj, tzin tew 'at 'ayex, caw tzeyac' eyip eyoch wet' 'a lesal. Caw tzex leslwi 'a Dios wu'uj, yujto 'ixta tznib'j Cajlil Jesucristo.

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.

Ro 1:13

Ex wu'tac, ex wanab', tzin nib'j tzeyojquej 'eli, to niwn 'ejm xo in nib'jnac 'at in b'a 'ayex, palta mantzac stac' in 'ati. Tzin nib'j tzin c'och eyet' ta', sec wach' 'oj in munlj 'a e cal ta', 'icha in munlj 'a scal eb' 'a jun tzo'n̈ xo chon̈ab'.

1 Co 1:11

Tzwal't jun tzo'n̈ tic 'ayx ex wu'tac, ex wanab', yujto a eb' yic Cloé xaln cot 'ayin, to wan spitzw ab' owl 'a e cal ta'.

1 Co 3:3

yujto an̈ja a e nab'en tzex 'a'n mandar. 'In an̈ja 'ay e chichnc'ojlal, an̈ja tze nib'j tze pojl e b'a. Yuj cha, tzyal 'el'chi, an̈ja e nab'en tzex 'a'n mandar. Lajnn̈ej tzeyutj e b'a yet' eb' mant 'ojtnacoc Dios.

2 Co 13:9

Yuj cha, wach'xam may wal quel'ch on̈, palta tzon̈ tzaljn̈ej on̈, sec tzwach' 'och e te'nal. An̈jtona', 'oj qui leslwi pax eyuj on̈, sec 'oj swach' b'oc e nab'en.

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

Josué 22:15

Smasnil jun tzo'n̈ eb' tic, x'at eb' 'a Galaad, 'a 'aj 'ayc' eb' meltzjnacx cha, xyaln eb' 'a eb' 'ixtic:

Mr 3:24

Q'uinloc 'ay junc niwc chon̈b' 'aj tzlaj spoj sb'a eb' yajal, tzlaj ya'nc eb' owal; toto 'ixta', yajn̈ej tzjuw 'el jun yic eb' cha.