A Ch'an̈ B'ab'el Libro Samuel 9:9 - Chuj San Sebastian Bible

⁹ (A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)

Chuj San Mateo Bible

⁹ (A d'a peca' chi', tato ay junoc israel sgana sc'anb'ej yab' srazón d'a Dios syalan icha tic: B'at quil jun vin̈ syal yilan chi', xchi eb'. A vin̈ tz'alji schecab'oc Dios chi' ticnaic, a d'a peca', a vin̈ syal yilan junoc tas ol ujoc, sb'i vin̈ yuj eb'.)

A Ch'an̈ B'ab'el Libro Samuel 9:9 Referans Kwoze

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

Am 7:12

Xlajw cha, xya'n win Amasías alxoc 'a Amós 'ixtic: —'Eln̈ 'a tic ach schecb' Dios, 'ixc 'a Judá. Ata 'oj 'ilchjoc tas tza c'ux yuj a paxti tzal-l cha,

1 Cr 29:29

A yab'xil tas sb'ojnac rey David cha, yictax 'ix 'el yich masnto 'a slajub', ata tz'ib'b'il can 'a eb' ch'an̈ libro tz'ib'b'il can yuj eb' schecb' Dios, atn Samuel, Natán, yet' pax Gad.

1 Cr 26:28

An̈jtona', ata 'ayc' pax smasnil tas 'ix ya'cn eb' tic: Samuel atn schecb' Dios, Saúl yunnal Cis, Abner yunnal Ner, yet' Joab yune 'ix Sarvia. Smasnil jun tzo'n̈ tas sic'b'il 'el yico'oc Dios cha, a Selomit yet' eb' yu'tac, a eb' 'ajcuenta yilni.

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

A Ch'an̈ Schab'l Libro Samuel 24:11

Ax 'a yic sacb'el 'a junx c'u, 'a yic mantzac q'ue wan David, 'ix yaln Jehová 'a Gad atn jun schecab', 'a'm nab'en pax yaj 'a win rey David cha, 'ix yaln 'a 'ixtic:

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Gn 25:22

Ax eb' 'unn cha, tiyx eb', caw tzyac' eb' owl 'a yol sc'ojl snun cha. Yuj cha, 'ix snan 'ix 'ixtic: Toto 'ixtc jun tic tzjaw 'a wib'an̈, ¿tasto wal yuj pitzn in? xchi 'ix. Yuj cha, x'at 'ix 'at yal syailal 'a Jehová.

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

2 Cr 16:7

A 'a yic jun tiempoal cha, 'ix jaw jun schecb' Dios Hanani sb'i 'a win Asa sreyl Judá, 'ix yaln 'a win 'ixtic: Yujn̈ej to a sreyl Siria 'ix a'ch yipc a c'ojol, man̈oc Jehová qui Diosal, yuj cha, 'ix 'el eb' soldado sreyl Siria 'a yol a c'ab'.

1 Cr 9:22

A sb'isl eb' tztan̈wni puerta sic'b'il 'eli, 'ay 212 eb' 'a smasnil, tz'ib'b'il can eb', a tzyal yin̈tl junjn macn̈ 'aj cajan. A rey David yet' Samuel atn schecb' Dios, a eb' x'a'n 'och eb' 'a yopiso to niwn yel'ch tic.

Jueces 1:1

A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

A Ch'an̈ B'ab'el Libro Samuel 9:10

'Ix ta'w Saúl 'ixtc 'a win smoso cha: Wach' cab' 'icha tzal cha, con̈ 'at qui say quil winac, xchi. 'Ix 'at eb' schawn̈il 'a jun chon̈b' cha, 'a 'aj cajn win schecb' Dios.

1 Cr 21:9

Yuj cha, 'ix yaln Jehová 'a Gad, atn jun schecab', win tz'a'n snab'enoc David cha:

Jueces 18:5

Xlajw cha, 'ix yaln eb' 'ixtc 'a 'a: —C'anb'j 'a Dios cuj on̈ 'an, yic tzcojquej 'eli toto wach' 'oj 'aj yel'ch jun qui checnb'il tz'ec' qui b'o tic on̈, xchi eb'.

1 Co 12:17

Q'uinloc a jun in niwnal tic, nab'a yol satn̈ej sb'a. To 'ixta', ¿tas wal tzwutj wab'ni? Q'uinloc nab'a schicnn̈ej sb'a. To 'ixta', ¿tas wal tzwutj in su'lni junc tas?