A Ch'an̈ B'ab'el Libro Samuel 8:15 - Chuj San Sebastian Bible

¹⁵ 'Oj yi'l win sdiesmoal smasnil tas tzeyawej yet' yic sat e uva, ax ya'n win 'a eb' 'aych yajlil yet' cha, yet' 'a jun tzo'n̈ xo eb' schecab'.

Chuj San Mateo Bible

¹⁵ A tas tzeyavej, ol yiq'uel sdiezmoal vin̈ yed' e vino, ol yac'an vin̈ d'a eb' ayoch yajalil yed'oc yed' d'a eb' schecab' chi'.

A Ch'an̈ B'ab'el Libro Samuel 8:15 Referans Kwoze

Dn 1:18

A yic stz'acw c'och stiempoal tas yaljnac can win rey, 'ix yi'n 'at win Aspenaz smasnil eb' quelmtac chi 'a yojltac win rey Nabucodonosor.

Dn 1:3

A yic 'ix jaw eb', 'ix yaln win rey chi 'a win Aspenaz, atn win syajlil eb' tzmunlj 'a sdespacho winac, to tzsic' 'elt win jaywn̈oc eb' quelmtac winc 'a scal eb' israel 'ix 'ijx cot 'icha presoal cha, eb' to yin̈tl can eb' rey, mto eb' niwc yopiso.

Is 39:7

An̈jtona', 'oj 'ijxoc pax 'at eb' en̈til, ax yijx 'el yitb'eym swincal eb'. 'Oj 'och eb' ya'malc servil win sreyl Babilonia cha, xchi Dios 'ayin, xchi Isaías.

Gn 37:36

Ax yic xc'och ewin madianita 'a Egipto, xchon̈n can ewin José 'a win Potifar, win syajlil eb' soldado win sreyl Egipto cha.

A Ch'an̈ B'ab'el Libro Samuel 8:14

An̈jtona', 'oj sto'cc win swach'l e lu'um, ax yi'n 'ec' win eyawb'en uva yet' te eyawb'en olivo, ax ya'n win 'a eb' 'aych yajlil yet'oc.

A Ch'an̈ B'ab'el Libro Samuel 8:16

An̈jtona', 'oj yi'cc win ewin e moso, yet' eb' 'ix eya'mal servil, yet' e no e quelm wacx caw wach', yet' e b'uru, ax yoch eb' munljoc 'a winac.