A Ch'an̈ B'ab'el Libro Samuel 7:5 - Chuj San Sebastian Bible

⁵ Xlajw cha, xyaln Samuel 'a eb' 'ixtic: Yamnc e b'a e masnil 'a Mizpa, an xo 'oj in leslwi 'a Jehová eyuj ta', xchi 'a eb'.

Chuj San Mateo Bible

⁵ Ix yalan vin̈aj Samuel chi' to smolb'ej sb'a masanil eb' chon̈ab' israel d'a Mizpa, yic stevi vin̈ d'a Jehová yuj eb'.

A Ch'an̈ B'ab'el Libro Samuel 7:5 Referans Kwoze

Jueces 20:1

Yuj cha, 'ix syamn sb'a eb' israel 'a yojltac Jehová 'a Mizpa. 'Ix cot eb' 'a smasnil yol yic Israel, a chon̈b' Dan 'ay a stojlal norte masnto 'a Beerseb'a 'ay 'a stojlal sur yet' 'a Galaad 'a stojlal 'a 'aj tzq'uel c'u. Junxn̈ej xyutj sb'a eb'.

Jl 2:16

Smolb'tzoc cot cab' sb'a smasnil eb' schon̈b' Dios, sacb'tzoc cab' sb'a eb'. Smolb'tzoc cot cab' sb'a eb' 'ichmtac 'anma', eb' 'unin, yet' eb' tz'ulc 'unn tzat chuwi. An̈jtona eb' tot xlajw snupni, 'elt cab' eb' 'a yol yatut.

Nehemías 9:1

A 'a yic 24 yoch yucl 'uj cha, 'ix syamn sb'a eb' israel yic tz'och eb' 'a c'ajb'c'ojlal, xya'n 'och eb' spichl n̈achtac sat yuj scusc'ojlal, sjopnq'ue eb' lum 'a sjolom.

A Ch'an̈ Schab'il Libro Yic Yab'ixal Eb' Rey 25:23

A yic 'ix yab'n eb' syajlil eb' soldado sc'ub'jnac can 'el sb'a cha, yet' eb' xcan to cha, chajtlto a sreyl Babilonia 'ix 'a'n 'och Gedalías gobernadoral, yuj cha, 'ix 'at eb' 'a Mispa yet' eb' soldado paxtinc yet' winac. A eb' cha, atn Ismael yunnal Netanías, Johanán yunnal Carea, Seraías yunnal Tanhumet, 'aj Netofa yet' Jaazanías yunnal jun win 'aj Maaca.

A Ch'an̈ B'ab'el Libro Samuel 12:23

Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol.

A Ch'an̈ B'ab'el Libro Samuel 10:17

Xlajw cha, 'ix yawtn cot Samuel smasnil eb' yit israelal 'a yojltac Jehová 'a Mizpa.

A Ch'an̈ B'ab'el Libro Samuel 7:16

'A junjn ab'il, tzxitc' sb'oyaj eb' 'anma chi 'a Betel, 'a Gilgal yet' 'a Mizpa. 'Ixta tzyutj sb'onyaj eb' 'anma chi 'a jun tzo'n̈ lugar cha.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

Gn 31:49

Sb'in pax Mizpa, yujto xyal win Labán 'ixtic: —A Jehová tzon̈ 'iln qui chawn̈il, yic tzqui pojn can qui b'a, yujto man̈x b'a'n̈ 'oj qui cha 'el'ch qui b'a.

Jueces 10:17

Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa.

A Ch'an̈ B'ab'el Libro Samuel 7:4

Yuj cha, xlaj yi'nc 'el eb' israel jun tzo'n̈ yechl Baal chi 'a scal yet' jun tzo'n̈ sch'oxnb'il Astarté cha. Cojxn 'a Jehová 'ix yac' 'ejm sb'a eb'.

A Ch'an̈ B'ab'el Libro Samuel 8:6

Palta caw wal ma'ix schaj sc'ojl Samuel jun tzo'n̈ paxti xyal eb' cha, yujto tzc'an eb' junc sreyl tz'a'n cuenta. Yuj cha, 'ix leslwi win yuj eb'.

A Ch'an̈ B'ab'el Libro Samuel 12:17

A ticnec stiempoal spolx 'ixm trigo, man̈ stiempoalc ya'n n̈ab'. Palta 'oj in c'an 'a Jehová, ax 'oj 'a'nc c'an̈ c'u, ax ya'n cot jun niwquil n̈ab' sec 'oj nachjoc 'el eyu'uj, chajtlto caw tu tas xe b'o 'a sat Jehová yic xe c'ann jun e reyl tic, xchi.

Jeremías 40:6

'Ixta in 'aj in 'atcn 'a win Gedalías 'a chon̈b' Mizpa. Ata in can yet' winac, yet' pax jantcto eb' 'anma xcan 'a jun nacion̈ cha.

Os 5:1

Ex 'aj chon̈b' Israel, yet' ex ya'mal 'och sti eb' 'anma 'ayin, 'ab'tec wal tas 'oj wala', tze maclni eyab' ex yin̈tl eb' rey: A 'a eyib'n̈ ax tic, ata 'oj jawc jun yailal cha, yujto ax tic, 'icha wal junc ch'an̈ ya'al, 'ixta eyaj 'a chon̈b' Mizpa yet' pax 'a lum jolm witz Tabor.