A Ch'an̈ B'ab'el Libro Samuel 6:6 - Chuj San Sebastian Bible

⁶ Man̈ tzatzc tzeyutj e nab'en, 'icha yutjnac sb'a eb' 'aj Egipto yet' win faraón. 'Ix stzatzb' 'el snab'en eb' masnto 'ix yac' Dios syailal eb', 'ixta to b'i'an 'ix ya'n 'elt win eb' israel cha.

Chuj San Mateo Bible

⁶ Mocab' pitoc scutej co b'a icha yutejnac sb'a eb' vin̈ sreyal Egipto yed' masanil eb' anima ay ta'. Masanto ix och nivac yaelal d'a yib'an̈ eb', ichato chi' ix yactanel chon̈ab' Israel eb'.

A Ch'an̈ B'ab'el Libro Samuel 6:6 Referans Kwoze

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.

Ex 8:15

Cojn wal yic 'ix yiln win rey chajtlto man̈x 'a jun yailal cha, 'ix ya'n win pitb'oc pax 'el snab'en jun 'ejm xo, 'icha wal xyutj Jehová yalni. Ma'ix schaj win yab' tas xyal Moisés yet' Aarón.

Ex 7:13

Palta ma'ix schaj xon win rey chi yab' tas xyal eb' chawn̈ cha, 'icha 'ix yutj Jehová yalni. 'Ix yac' pitb'oc 'el snab'en win rey cha.

Ex 9:34

Ax yic 'ix yiln win rey to man̈x 'a n̈ab', man̈x 'a pax q'uen sacb'at, man̈x 'a c'u tzc'an̈i, yuj cha, 'ix 'ochx smul win jun 'ejm xo. Xpitb' pax 'el snab'en win yet' eb' 'aych yajlil chi yet'oc.

A Ch'an̈ Carta D'a Eb' Hebreo 3:13

Ya' sb'a 'ayt jab'x tiempo, caw tzlaj e jucb'tzoc e b'a 'a junjn c'u, sec wach' may ex tzex 'ixtx yuj maysch'olnil, may ex tzex pitb' 'el yu'uj.

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Salmos 95:8

to 'ixta', man̈ eyac' pitb'oc e b'a, 'icha ya'jnac eb' e mam eyichm 'a Meriba, 'icha pax yutjnac sb'a eb' 'a Masah yic 'ayc' 'eb' 'a lum cusltac lu'um.

Job 9:4

A Dios caw wal 'ay sjelnal, caw niwn yel'ch yet' tas tztac' yu'uj. Q'uinloc tzqui te'wtzej qui b'a 'a yojltac, ¿tom tztechj cujec 'a 'a?

Ex 14:23

Ax eb' soldado 'et'jnac scaruaje win rey yet' jun tzo'n̈ xo eb' 'anma ajun yet' eb', 'ix cot eb' 'a spatc eb' israel 'a yojl a mar cha, masnto xjaw eb' 'a spacl snan̈l a'.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Ex 8:32

Palta 'ix pitb' 'el pax snab'en win rey chi jun 'ejm xo, ma'ix schaj 'elt win eb' israel cha.

Ex 4:21

Xyaln pax Jehová 'ixtc 'a Moisés: —A yic 'oj a c'och 'a Egipto cha, nann̈ej cab' jun tzo'n̈ tic o'oj, yic 'oj a c'och 'a yojltac win rey, chajtlto 'oj a ch'ox yil win jun tzo'n̈ milagro to satjub'tac yilx xwac' a b'o'. Palta an 'oj wac' pitb'oc 'el snab'en win rey cha, yic ma'oj e chax 'elt yu'uj.

Ex 7:14

Xlajw cha, 'ix yaln Jehová 'a Moisés 'ixtic: —'Ix pitb' 'el snab'en win rey cha, matz yal sc'ojl win tzex ya'l 'a libre.