A Ch'an̈ B'ab'el Libro Samuel 5:3 - Chuj San Sebastian Bible

³ Ax 'a junx c'u, 'ix seb' c'och eb' 'aj chon̈b' Asdod 'a 'aj 'ay sdiosal eb' cha, ax xyiln eb', n̈ojn 'ec' Dagón chi stelw 'a yojltac te scaxail strato Jehová cha. 'Ix si'n chan̈ eb', 'ix ya'n pax 'och eb' 'a yet'l 'aj 'ay.

Chuj San Mateo Bible

³ Axo d'a q'uin̈ib'alil d'a junxo c'u, ix pet c'och eb' aj lugar chi' d'a stemplo sdiosal chi', ix yilan eb' to ix telvi sdiosal eb' chi', n̈ojan yajcan d'a sat luum d'a yichan̈ te' scaxail strato Jehová. Ix yic'anchaan̈ eb', ix yac'anxiq'ue eb' d'a yed'tal.

A Ch'an̈ B'ab'el Libro Samuel 5:3 Referans Kwoze

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Mr 3:11

Ax jun tzo'n̈ eb' demonio, yic xyiln ewin Jesús, x'em cumn ewin 'a yojltac, x'awj chan̈ ewin 'ixtic: —Ach tic Yunnal ach Dios, xchi ewinac.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Is 41:7

Ax eb' tzb'on junc yechel, a eb' tzjucb'tzan eb' tzsucn 'och q'uen plata 'a jun yechl cha, ax eb' tzsucn 'och q'uen plata chi 'a jun yechl cha, a eb' tzjucb'tzan eb' tzma'n 'och slawxil jun yechl cha, tzyaln eb': Caw wach' jun qui n̈uslab' q'uen tic, xchi eb'. Wal 'a yajn̈ej tzma'n san̈b'oc eb' junc yechl chi yet' lawux, sec man̈xtzac 'ib'xi.

Is 40:20

A eb' may stumn smann jun tzo'n̈ q'uen cha, a te te tzatz sc'a'i, a te tzsay eb'. Tzsayn pax eb' junc win josmte to caw jelan, yic tzb'on junc yechl comn dios cha, tzma'n can 'ejm slawxil sec matz telwi.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

A Ch'an̈ B'ab'el Libro Samuel 6:5

Yuj cha, b'oc yechl jun tzo'n̈ malel yab'il cha, tze b'on pax yechl no ch'ow tz'ixtn 'el sat qui lu'um, tzeyi'n chan̈ sb'i sDiosal Israel. Lemb'il tz'och wan qui yailal yu'uj, yet' 'a eb' qui diosal. Comnoc tz'och pax wan yixtx sat qui lumec.

A Ch'an̈ B'ab'el Libro Samuel 6:1

A te scaxail strato Jehová, uque 'uj 'ix 'ec' te 'a scal eb' filisteo cha.

A Ch'an̈ B'ab'el Libro Yic Yab'ixal Eb' Rey 18:26

Xlajw cha, 'ix smiln cham eb' no quelm wacx cha, 'ix sb'on eb' no'. 'Ix syamn 'och eb' yawtn sb'i sdiosal cha, syamch xon eb' 'a sq'uin̈b'ial masnto x'och chimc'ual. Ta'wan̈ 'ayn̈ ach Baal, xchi eb'. Xlaj b'atj chan̈ eb' yic tzoyy 'ec' eb' 'a spatquil 'el jun yet'l xajmb'al sb'o cha, palta may xon mach xta'w 'a eb'.

Salmos 115:7

'ay sc'ab', palta matz tac' syamn junc tas; 'ay yoc, palta matz tac' sb'eyi; may wal junc paxti'al tztac' yalni.