A Ch'an̈ B'ab'el Libro Samuel 31:4 - Chuj San Sebastian Bible

⁴ Yuj cha, 'ix yaln 'ixtc 'a win schecb' 'et'jnac syamc'ab' tzmacn sat jul-lab': —'Ij q'uet espada, tzin a tecn cham yet'oc, sec a jun tzo'n̈ chuc chon̈b'al tic, ma'oj tzaljoc eb' in smilni, xchi Saúl. Palta ax win 'et'jnac syamc'ab' cha, ma'ix syiclj tas xyala, yujto caw tzxiw winac. Yuj cha, xyi'n q'uet Saúl chi yespada, sjuln 'ejm lachn̈joc sb'a 'a yib'n̈ q'uen espada cha.

Chuj San Mateo Bible

⁴ Ix yalan vin̈ d'a vin̈ ed'jinac syamc'ab': —Ic'q'ueta q'uen espada chi' tzin a tecanchamoc, yic vach' a juntzan̈ ch'oc chon̈ab'il tic, man̈ ol in sb'uch eb' ayic ol in smilancham eb', xchi vin̈aj Saúl chi'. Palta ix te xiv vin̈ ed'jinac syamc'ab' vin̈ chi', maj stac'laj vin̈ stecancham vin̈. Yuj chi' ix syumb'at n̈ojnaj sb'a vin̈ d'a yib'an̈ q'uen yespada, ix cham vin̈.

A Ch'an̈ B'ab'el Libro Samuel 31:4 Referans Kwoze

A Ch'an̈ Schab'l Libro Samuel 1:20

Man̈ eyal yab' eb' 'ay 'a chon̈b' Gat, man̈ eyal-l jun 'ab'x chi 'a yoltc scayeal chon̈b' Ascalón, sec wach' ma'oj tzaljoc chan̈ eb' 'ix filistea, sec wach' ma'oj b'atjoc chan̈ eb' 'ix chuc chon̈b'al chi yuj tzaljc'ojlal.

A Ch'an̈ Schab'l Libro Samuel 1:6

'Ix ta'w win quelm cha, xyaln 'ixtic: —C'uxn wal 'ayn 'ec' 'a lum jolm witz tzcuch Gilboa, ax xwilni n̈ojn xo q'ue Saúl chi 'a yib'n̈ slanza, tza'n pax sjaw eb' 'ajc'ojl chi yet' scaruaje yic owal, yet' eb' 'ay q'ue 'a yib'n̈ chej.

Jueces 9:54

Yajn̈j wal cha, 'ix yawtn cot Abimelec jun win quelm soldado tztan̈wni 'a owal, xyaln 'a win 'ixtic: 'Ij q'uet a espada chi 'a yol yatut cha, tzin a tzu'n cham muc'uc. Matz in nib'j to 'oj alxoc, to 'ix tzin milni, xchi winac. 'Ix stecn 'och win quelm chi yespada 'a sn̈i sc'ojl winac, 'ix chami.

A Ch'an̈ B'ab'el Libro Yic Yab'ixal Eb' Rey 16:27

A jancto yab'xil win Omri yet' smasnil tas xlaj sb'o', yet' jantc tas ya'jnac ganar yi'n cani, ata tz'ib'b'il 'a ch'an̈ libro yic yab'xil eb' sreyl Israel.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

A Ch'an̈ Schab'l Libro Samuel 1:14

—¿Tas yuj 'ix a te'wtzej a b'a a miln cham win rey sic'b'il 'och yuj Jehová? xchi David.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.

Jueces 14:3

Xyaln smam snun 'a 'ixtic: —¿Tas yuj a 'a scal eb' chuc chon̈b'al cha, ata tz'at a nib'c cot estzil? ¿Tom may eb' 'ix cob's 'ix 'a scal eb' quit chon̈ab'? xchi eb' 'a 'a. —'At c'anc 'ix cob's chi wic', yujto a 'a 'ix tzcan in nab'en, xchi Sansón.

1 Cr 10:4

Yuj cha, 'ix yaln 'ixtc 'a win soldado 'et'jnac syamc'ab' yic owal: 'Ij q'uet espada, tzlajw cha, tza tecn 'och 'ayin, sec wach' man̈oc jun tzo'n̈ chuc chon̈b'al tic 'oj tzaljoc in smilni, xchi. Palta ax win soldado ajun yet' cha, ma'ix yal sc'ojl win sb'on tas xyal Saúl cha, yujto caw tzxiw winac. Yuj cha, 'ix yi'n q'uet win Saúl chi yespada, 'ix sjuln at n̈ojnjoc sb'a 'a yib'n̈ sjayl sn̈i q'ue'en.

A Ch'an̈ B'ab'el Libro Samuel 31:5

Ax yic xyiln win ajun yet' cha, to xcham Saúl, yuj cha, 'ix sjuln pax 'ejm lachn̈joc sb'a win 'a yib'n̈ yespada chi jun xo, 'ix cham pax win yet' win rey cha.

A Ch'an̈ Schab'l Libro Samuel 21:12

Yuj cha, 'ix ya'n David 'ijxoc cot sb'acl Saúl, yet' yic win yunnal, atn Jonatán. A eb' 'aj Jabes 'a yol yic Galaad, a eb' xit' 'el'jnac cot 'a sla'nil plas yic Bet-sán, 'a 'aj t'un̈n q'ue eb' yuj eb' filisteo, yic xlajw smiln cham eb' 'a owl 'a Gilboa.

A Ch'an̈ B'ab'el Libro Yic Yab'ixal Eb' Rey 16:18

Palta ax xyiln sb'a win Zimri, to oyn xo 'och eb' soldado chi 'a jun chon̈b' cha, 'ix 'och 'a yol sdespacho win rey cha, 'ix ya'n 'och sc'a'l jun n̈a chi 'a yib'an̈, 'ixta 'ix 'aj schami.

A Ch'an̈ B'ab'el Libro Samuel 26:10

Caw wojtac to a Jehová 'oj milnc chamoc, mto a sq'uinl 'oj c'ochoc, mto 'a scal owl 'oj chamoc.

A Ch'an̈ Schab'l Libro Samuel 1:1

Chamnc xo Saúl yic 'ix ya'n ganar David eb' amalecita 'a owal. Xlajw cha, 'ix meltzj David, axta 'ix jaw 'a Siclag.