A Ch'an̈ B'ab'el Libro Samuel 30:8 - Chuj San Sebastian Bible

⁸ 'Ix sc'anb'n David 'a Jehová 'ixtic: —¿Smoj am in 'at 'a spatquil nan̈l eb' 'elc'm cha? ¿'Oj yamchjoc am eb' wu'uj? xchi David cha. —'Ixc 'a spatquil eb', 'oj yamchjc eb' o'oj, ax 'e'n can 'ec' smasnil eb' x'ijx 'at cha, xchi Jehová 'a David.

Chuj San Mateo Bible

⁸ Ix sc'anb'an vin̈aj David chi' d'a Jehová icha tic: —¿Smoj am val in b'at d'a spatic juntzan̈ eb' vin̈ elc'um chi'? ¿Ol am val yamchaj eb' vin̈ vuuj? xchi vin̈. Ix tac'vi Jehová chi' d'a vin̈: —Ixic, ol yamchaj eb' vin̈ uuj, ol ic'anxicanec' masanil eb' ix yic'b'at eb' vin̈ chi', xchi d'a vin̈.

A Ch'an̈ B'ab'el Libro Samuel 30:8 Referans Kwoze

A Ch'an̈ B'ab'el Libro Samuel 30:18

'Ix yi'n can 'ec' eb' smasnil tas 'ix yel'j eb' amalecita cha, xyi'n can pax 'ec' David eb' 'ix yistzil schawn̈il.

A Ch'an̈ B'ab'el Libro Samuel 23:2

'ix 'at sc'anb'noc yab' 'a Jehová, 'ix yaln 'ixtic: —¿Tzam 'ac' in permiso tz'at wac' owl yet' jun tzo'n̈ filisteo cha? xchi. —Ixquec, 'a'c owl yet' eb' filisteo cha, tze coln can 'el jun chon̈b' Keila cha, xchi Dios.

A Ch'an̈ Schab'l Libro Samuel 5:19

Yuj cha, sc'anb'n David 'a Jehová 'ixtic: —¿Tztac' am 'at wa'nc owl yet' eb' filisteo? ¿Tzac' am wal eb' 'a yol in c'ab'? xchi. —'Ixic, 'at 'ac' owl yet' eb', an 'oj wac' eb' 'a yol a c'ab', xchi Jehová.

A Ch'an̈ Schab'l Libro Samuel 5:23

Xlajw cha, sc'anb'n pax David 'a Jehová, yuj cha, xta'w 'a 'a, xyaln 'ixtic: —Man̈oc 'a sat eb' tzach 'at ac' owal, palta tzoycn eb' b'ab'el, ax 'a spatquil eb' tzach coti. Ata tzach c'och 'a 'aj 'ay eb' te te bálsamo sb'i.

A Ch'an̈ B'ab'el Libro Samuel 23:4

Yuj cha, sc'anb'n pax David jun 'ejm xo 'a Jehová. 'Ix ta'w pax 'a 'ixtic: —'Ixquec 'a chon̈b' Keila, an 'oj wa'ch eb' filisteo 'a yol e cab', xchi.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.

A Ch'an̈ B'ab'el Libro Samuel 14:37

Yuj cha, sc'anb'n Saúl 'a Dios 'ixtic: Mamin, ¿tom tz'at wac' owl yet' eb' filisteo? ¿'Oj ac' am eb' 'a yol qui c'ab' on̈? xchi. Palta ax Jehová ma'ix ta'w 'a Saúl 'a jun c'u cha.

Gn 14:16

'Ix yi'n 'ec' Abram smasnil tas yet' eb'. 'Ixta 'ix yutj scoln can 'el Lot yet' smasnil tastc 'ay 'a 'a. 'Ix colchj can pax eb' 'ix 'ix, yet' jun tzo'n̈ xo eb' 'aj Sodoma 'ix 'ijx 'at cha.

Ex 15:9

'Ix yaln eb' 'ajc'ojl chi 'ixtic: 'Oj cochc tza'n yuj eb' israel cha, masnto 'oj yamchjoc eb' cujec. 'Oj qui'c 'ec' smasnil tas 'ay 'a eb', ax qui pojnec 'eq'ui. 'Oj qui'cq'uet qui espada 'a yol yatut, ax qui tzu'nec cham can eb'. 'Ixta to b'i'an, ax sb'o wal qui c'ojlec, xchi eb'.

A Ch'an̈ B'ab'el Libro Samuel 30:19

May junc 'anma 'ix yij 'at eb' amalecita to ma'ix 'e'cn yuj eb'; atn eb' 'ichm 'anma', eb' 'ix 'ix, eb' 'unin, eb' 'ix 'islab'il, yet' smasnil tas 'ix yij 'at eb', 'ix yijcan pax 'ec' eb' smasnil.

Jueces 8:4

Ax Gedeón yet' eb' 'oxe ciente soldado chi ajun yet'oc, caw wal c'unb'nacx eb' yic xc'och eb' 'a sti a Jordán. 'Ix 'ec' eb' 'a yojl a', palta an̈j 'ijnoc tza'n 'och eb' yuj eb' 'ajc'ojl cha.

A Ch'an̈ B'ab'el Libro Samuel 10:22

Yuj cha, 'ix sc'anb'n eb' jun 'ejm xo 'a Jehová, toto mantzac c'och Saúl chi 'aj 'ayc' eb' cha. Palta 'ix yaln Jehová chajtlto 'ayx 'ec' win ta', cojnto 'ix sc'ub'j 'el sb'a 'a scal jun tzo'n̈ maleta.