Biblia Todo Logo
Bib sou entènèt

- Piblisite -




A Ch'an̈ B'ab'el Libro Samuel 30:6 - Chuj San Sebastian Bible

6 Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.

Gade chapit la Kopi

Chuj San Mateo Bible

6 Ix te och vin̈aj David chi' d'a ilc'olal, yujto ijan sjulq'uenajcham vin̈ yuj eb' soldado chi'. Masanil eb' te chab'xo sc'ol yuj tas ix utaj eb' yuninal eb' chi', palta axo vin̈aj David chi', ix yac'val och spensar vin̈ d'a Jehová sDiosal.

Gade chapit la Kopi




A Ch'an̈ B'ab'el Libro Samuel 30:6
51 Referans Kwoze  

Tzach wa'ch yipc in c'ojol, yuj cha, caw matz in xiwi. ¿Toc 'ayt wal 'oj in yutc eb' 'anma'?


Cojn 'a Dios 'aj tz'ilchj junc'ojlal wu'uj, cojn yipc'ojlal yaj wu'uj.


A yic 'ayn 'ec' 'a scal in somc'ojlal, xwaln in b'a 'a 'aych Jehová, xin c'ann a colwal ach in Diosal. 'Ix ab'n yel waw yic 'aych 'ec' 'a yol atut, 'ix c'och waw 'a a chiquin.


Caw 'ix niwtj in yailal, coln 'el 'a in somc'ojlal tic.


Yuj cha, caw matz on̈ xiwc caln 'ixtic: A Cajlil, a tzcolwj wet'oc. Yuj cha, caw matz in xiw yuj tas 'oj in yutc eb' wit 'anma'il, xqui chi.


A 'a jun 'el, may junc tas wach' ya'n 'och Abraham yipc sc'ojol, palta ya'jnac 'och sc'ojl 'a Dios. A wal tas yaljnac Dios 'a 'a, a ya'jnac yipc sc'ojol. Yuj cha, niwn nacion̈ 'aj 'ochnc can mam 'ichmab'ilal, 'icha yaj yaln can Dios 'a winac, yic yaln can 'ixtic: 'Ixta 'oj 'aj sb'isl eb' en̈til, xchi.


'Ix wa'ch Jehová yipc in c'ojol, 'ix wal 'a 'ixtic: Caw 'ayn 'och 'a somc'ojlal, xin chi.


Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?


Caw 'ix tac sc'ojl Moisés yuj eb', 'ix tew pax 'a Jehová, xyaln 'ixtic: —¿Tas tzwutj eb' 'anma tic? Caw 'ijn tzin sjulq'uenej eb', xchi Moisés.


¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.


Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.


'Icha to caw oyn 'och yailal 'ayn̈ on̈, palta matz on̈ can 'a yaln̈ yuj on̈. 'Ayn̈ 'och 'a somc'ojlal on̈, palta matz qui wach' 'a'j somchjc 'el qui b'a on̈.


Ax yic xc'och 'ix ta', caw wal ji'jmtac yoc' 'ix, syamn 'och 'ix sleslwi.


Xlajw cha, 'ix laj si'nc chan̈ ewin q'ue'en, snib'n ewin sjul chamoc. Ax Jesús 'ix sc'ub'j 'el sb'a 'a ewinac. 'Ix 'elt 'a yamq'uil yatut Dios cha.


Wach'xam 'ixta xyutj eb' yalni, palta ax eb' 'anma cha, snib'j eb' sjulq'uenoc eb'. Yuj cha, sch'oxn sb'a stzictznil Jehová 'a sti Mantiado 'aj tzchaj sb'a yet' eb' 'anma'. Smasnil eb' israel cha, 'ix yil eb'.


Yic on̈ jaw 'a Macedonia tic on̈, ma'ix 'ilj xon jac qui niwnal tic on̈, yujto caw oynn̈ej 'och yailal 'ayn̈ on̈, owln̈ej x'ajx 'och 'a quib'n̈ on̈. 'ay pax qui xiwc'ojlal on̈.


A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.


Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.


Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.


Yuj cha, a yic tzcab'n syal on̈, 'ixta tzon̈ 'aj on̈, sec wach' tztac' ca'n sniwnal e c'ojl on̈, sec 'oj e colchji. An̈jtona', a yic tzya'n Dios sniwnal qui c'ojl on̈, 'ixta tzon̈ 'aj pax on̈, sec wach' tztac' ca'n pax sniwnal e c'ojl on̈. Yuj cha, 'oj stac' e te'wtzan e b'a eya'n techjoc jun tzo'n̈ tas 'oj 'ajxc 'och 'a eyib'n̈ 'icha tz'aj yajx 'och 'a quib'n̈ on̈.


A yic ya'n can Dios sti 'a winac, man̈ chab'c'ojlalc yutjnac win yab'ni. Caw ya'jnac 'och win 'a sc'ojol. Caw te'n yutjnac win snab'en. Yaljnac win wach' paxti 'a Dios,


—Palta ¿tas 'oj wutc Jesús, atn jun tzalx Cristoal? xchi winac. —'Och cab' win 'a spenc culus, xchi eb' smasnil.


Ax eb' b'ab'el yet' eb' tzac'an, 'ix laj yalnc eb' 'ixtic: —Yuj wal dios 'a jun yin̈tl David tic. Calc wach' paxti 'a jun checb'il cot yuj Cajlilec. Ca'c yuj diosal 'a Dios 'aj satcha'an̈, xchi eb'.


Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.


Cojn 'a Dios 'aj tz'ilchj junc'ojlal wu'uj, a 'a tzcot in colnb'il.


'Icha wal a niwc pajew tz'elt 'a sat pac'an, 'ixta wal jun tzo'n̈ niwc yailal 'ix 'ec' 'a wib'n̈ o'oj.


'Ix yaln eb' yin̈tl Dan 'a 'ixtic: —Matz qui nib'j niwquil tzotj yol a jaj 'ayon̈, ax to laj tz'aji, 'ay eb' may sniwnc'ojlal 'a qui cal tic on̈, tzach ya'n can lajwc eb' yet' onnal, xchi eb'.


Ax yic xyab'n Jacob jun tzo'n̈ cha, caw xiw cha'an̈, caw x'och 'a niwquil somc'ojlal. Xlajw cha, spojn 'ec' eb' 'anma ajun yet'oc, chab' monto x'aj eb' yet' no wacax, no calnelu, yet' no cameyo ajun yet'oc.


¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol. A 'aych 'oj wal wach' paxti'. In Colmal aji, in Diosal ach paxi.


Ach tic, ojc wal si'mb'il to caw jeln win a mam chi yet' eb' 'anma ajun yet' cha. Ax ticnec, caw wal 'ayx cot yowl win 'icha junc no snun oso tz'ijx 'ec' yune 'a 'a. An̈jtona', a pax win a mam cha, caw wal c'aync win ya'n owal, may junc 'ac'wl ton̈j 'ayc' win 'a scal eb' 'anma'.


Yajn̈ej 'ix c'och 'ix mu'c 'a 'aj 'ayc' Eliseo win schecb' Dios 'a lum jolm witz cha, 'ix 'och la'njoc 'ix 'a yoc winac. 'Ix 'och yamn Giezi 'a 'ix yic tzyi'n 'eli, palta ax win schecb' Dios cha, 'ix yaln win 'ixtic: —Yilx 'ix, yujto cusc'ojlal yaj 'ix, mantzac yal Jehová 'ayin tas yuj 'ix cot 'ix, xchi winac.


'Ay jun c'ual, 'ix xit' 'ilxc David yuj Jonatán win yunnal Saúl 'a Hores. Xit' ya'nc win ste'nal snab'en yic tzya'n 'och Dios yipc sc'ojol.


'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.


Ex to 'aych Jehová yipc e c'ojl wet'oc, tzlaj eya'lac e nab'enoc.


Ach in Diosal, coln 'el 'a yol sc'ab' eb' maysch'olnil sb'eyb'al, atn eb' milm cham 'anma', yet' eb' maysch'olnil snab'en.


Mamin Jehová, yictax in cot'ch quelmal, toxn yipc'ojlal aj wu'uj.


'Ix yaln 'ixtic: A wal 'a scal in yailal in 'awj 'aych Mamin Jehová. Ach ta'w 'ayin, yic 'ayn 'ec' wal 'a xab'l yich yet'l chamel. Ata in 'awj 'ayach, 'ix ab'n tas xwala.


Yuj cha, 'ix 'at eb' israel 'a Bet-el, yic tz'oc' eb' yuj cusc'ojlal 'a yojltac Jehová masnto xq'uic'b'i. 'Ix sc'anb'n eb' 'ixtc 'a Jehová: —¿Tzam on̈ 'at cac' owl yet' eb' quit israelal, atn eb' yin̈tl Benjamín? xchi eb'. 'Ix yaln Jehová: —'Ixquec, xchi. Yuj cha, xyi'n pax eb' sniwnal sc'ojol. Ax 'a junx c'u 'ix 'atx eb' yac' owl yet' eb' yin̈tl Benjamín cha. An̈j 'ijnoc a 'aj 'ix 'och owl yuj eb' 'a b'ab'el, ata xcan eb' jun 'ejm xo.


'Ix yaln Samuel 'a Saúl chi 'ixtic: —¿Tas yuj tzin extej, tzin awtn coti? xchi. —Xiwc'ojlal waji, yujto tzyac' eb' filisteo owl wet'oc, 'ix yij 'el sb'a Dios 'a in tz'ey. Man̈xtoc xta'w 'a tas tzwala, man̈xtzac ta'w 'a eb' schecab', yic tzin c'anb'n 'a eb', yet' pax 'a waychil. Yuj cha, tzach wawtni, yic tzaln 'ayin, tas yowlal 'oj in b'o', xchi Saúl 'a Samuel.


A yic xwaln in b'a 'ayach, in a ta'wej, 'ix a'n in te'nal yic x'ochx wip.


Swiv nou:

Piblisite


Piblisite