A Ch'an̈ B'ab'el Libro Samuel 27:12 - Chuj San Sebastian Bible

¹² 'Ix ya'ch win Aquis David yipc sc'ojol, 'ix snan win 'ixtic: A eb' yit israelal, tox x'och eb' 'ajc'ojlal 'a 'a, yuj cha, caw 'oj cann̈j in yac' servil, xchi winac.

Chuj San Mateo Bible

¹² A vin̈aj Aquis chi', ix yac'och vin̈aj David chi' vin̈ yipoc sc'ool, ix snaan vin̈: A eb' yetisraelal vin̈aj David tic van smeltzajoch eb' ajc'olal d'a vin̈, yuj chi' ol canxon̈ej vin̈ in yac' servil, xchi vin̈.

A Ch'an̈ B'ab'el Libro Samuel 27:12 Referans Kwoze

A Ch'an̈ B'ab'el Libro Samuel 13:4

Smasnil eb' israel 'ix yab' eb', chajtlto 'ix satx 'el jun c'aj eb' soldado filisteo yuj win Saúl. Yuj cha caw 'ix cot yowl eb' filisteo 'a eb' israel. Ax eb' israel cha, 'ix syamn sb'a eb' yet' win Saúl 'a Gilgal.

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Ex 5:21

'Ix yaln eb' 'a eb' 'ixtic: —'Ojxam yil Jehová tas 'oj ex yutoc, yujto ax ab' 'ay e mul, yuj cha, a win rey yet' eb' 'aych yajlil yet'oc, caw wal tzon̈ yixtj eb' ticnec on̈; 'icha to ax xeyac' q'uen espada 'a eb', yic tzon̈ smiln cham eb' on̈, xchi eb'.

A Ch'an̈ B'ab'el Libro Samuel 27:11

Man̈x 'a junc winac, man̈x 'a pax junc 'ix xcan 'a spitznal yuj David, sec man̈x 'a mach tz'at alnoc 'a chon̈b' Gat, tas 'ix 'el sb'oni. A 'a yol jun tiempoal yic cajn 'ec' 'a slum eb' filisteo cha, an̈j chi sb'o'o.

A Ch'an̈ B'ab'el Libro Samuel 28:1

A 'a yic jun tiempoal cha, 'ix yac' eb' filisteo syam sb'a eb' soldado, yic tzya'n eb' owl yet' eb' israel. 'Ix yaln win Aquis 'a David 'ixtic: —Ach tic, yowlal tzach 'at wet' 'a owal, yet' eb' soldado ajun et'oc, xchi.

A Ch'an̈ Schab'l Libro Samuel 10:6

Ax eb' amonita, 'ix nachj 'el yuj eb' to tu tas sb'o eb' 'a sat David, yuj cha, 'ix 'at stojnc eb' junc'l mil eb' soldado sirio xcot 'a chon̈b' Bet-rehob, yet' 'a chon̈b' Soba, yet' jun mil eb' soldado xyac' win sreyl Maaca, yet' lajchwe mil pax eb' xcot 'a chon̈b' Is-tob.