A Ch'an̈ B'ab'el Libro Samuel 26:6 - Chuj San Sebastian Bible

⁶ Xlajw cha, 'ix yaln David 'a Ahimelec win hitita, yet' 'a Abisai, yune 'ix Sarvia, yu'tac sb'a yet' win Joab, 'ix yaln 'a eb' 'ixtic: —¿Mach junc ex tzchaj e c'ojl e 'at wet' 'a 'aj 'ayc' Saúl 'a scamplamento? xchi. —An tzin 'at et'oc, xchi win Abisai cha.

Chuj San Mateo Bible

⁶ Yuj chi' ix yal vin̈ d'a vin̈aj Ahimelec hitita yed' d'a vin̈aj Abisai yuc'tac vin̈aj Joab, eb' vin̈ yune' ix Sarvia icha tic: —¿Mach b'ecan sc'ol sb'at ved'oc b'aj ayec' vin̈aj Saúl d'a yol scampamento chi'? xchi vin̈. —A in tic ol in b'at ed'oc, xchi vin̈aj Abisai chi'.

A Ch'an̈ B'ab'el Libro Samuel 26:6 Referans Kwoze

A Ch'an̈ Schab'l Libro Samuel 2:18

Ata 'ayc' 'oxwn̈ ewin yune 'ix Sarvia: atn ewin tic, win Joab, win Abisai yet' win Asael. A win Asael tic, caw jeln sb'ey win 'icha no c'ultquil chej.

A Ch'an̈ Schab'l Libro Samuel 23:18

Ax win Abisai, yu'tac win Joab, win yune 'ix Sarvia, 'aych syajlilc eb' lajn̈schawinc soldado caw jelan. A 'a jun 'el, 'ix smil cham 'oxe ciente winc yet' slanza. 'Ixtnta 'ix yutj ya'n ganar sq'ue'ch 'a yopiso, palta ma'ix q'ue'ch 'icha ewin 'oxwn̈ cha.

A Ch'an̈ Schab'l Libro Samuel 18:5

'Ix yaln win rey chi 'ixtc 'a Joab, 'a Abisai yet' 'a win Itai: Yuj e chamc'ojlal 'ayin tzwaln 'ayex, to tzeya'ilj win quelm Absalón, xchi. Ax smasnil eb' soldado cha, c'uxn xyab' eb' tas xyal win rey chi 'a eb' syajlil eb' yuj win Absalón cha.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

A Ch'an̈ Schab'l Libro Samuel 11:24

Ax eb' soldado 'ay q'ue 'a yib'n̈ smuroal jun chon̈b' cha, sjuln cot eb' sjul-lab' 'a yib'n̈ eb' a soldado. Ax x'aji, 'ay jaywn̈ eb' xchami, locn win Urías hitita 'ix cham yet' eb', xchi win 'a David.

A Ch'an̈ Schab'l Libro Samuel 11:21

¿Mach miljnac win Abimelec tzeyab'i, win yunnal Gedeón, man̈oc am jun 'ix 'ix 'ay q'ue 'a yib'n̈ muro 'ix juln 'emt q'uen sc'ab' cha 'a sjolm win 'a chon̈b' Tebes? ¿Tas yuj ex 'ochch 'a stz'ey smuroal jun chon̈b' cha? toto xchi, tza pacn 'a 'ixtic: An̈jtona', 'ix cham pax win a checb' Urías win hitita, xa chi, xchi Joab chi 'a winac.

A Ch'an̈ Schab'l Libro Samuel 11:6

Yuj cha, 'ix yaln 'at David 'a win Joab, to tzpaxt win Urías hitita. Yajn̈j cha, 'ix ya'n cot win Joab win Urías chi 'a David.

Gn 10:15

A win sb'ab'l 'unnal Canaán, atn Sidón. An̈jtona jun tzo'n̈xo eb' tic yin̈tl win Canaán chi eb': eb' hitita, eb' jebuseo, eb' amorreo, eb' gergeseo, eb' heveo, eb' araceo, eb' sineo, eb' arvadeo, eb' zemareo, yet' eb' hamateo. Jab'jnal 'ix pucb't eb'. Xlaj smacnc 'ec' eb' yico'oc jun tzo'n̈ lum lum tic, tzcot lum 'a smon̈jon Sidón, x'emch lum 'a stojlal Gerar, masnto tzc'och 'a Gaza. Tz'atx lum ta', masnto 'a yol yic Sodoma, Gomorra, Adma, yet' Zeboim, tzmeltzj pax lum ta', masnto tzc'och lum 'a chon̈b' Lasa.

Gn 23:3

'Ix yactj can win sniwnal 'ix yistzil cha, 'ix 'at win 'a eb' hitita cajn 'a jun lugar cha. Ata 'ix yal 'a eb' 'ixtic:

Gn 26:34

Chawinc ab'il sq'uinl Esaú yic xyi'n sb'a yet' 'ix Judit, 'ix yisl win Beeri hitita, xyi'n pax win 'ix Basemat, yisl pax junx win hitita win Elón sb'i.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

A Ch'an̈ B'ab'el Libro Samuel 26:7

'A jun 'ac'wl cha, 'ix 'at David yet' Abisai 'a jun camplamento cha. Ax Saúl caw chamnc swayi, ax 'a sjolmtac ata pajb'il can 'ejm slanza 'a sat lu'um. Ax win Abner yet' smasnil eb' soldado wayn̈c eb' 'a stzey.

A Ch'an̈ B'ab'el Libro Yic Yab'ixal Eb' Rey 10:29

A junc caruaje tzmanx cot 'a Egipto, 600 tumn plata tz'ajx stojloc, ax no chej 150 tumn plata tz'ajx stojloc no'. A eb' sreyl eb' hitita yet' eb' sreyl eb' sirio a eb' tzcha mann pax e no 'a eb' schon̈wjum win rey Salomón.

A Ch'an̈ Schab'il Libro Yic Yab'ixal Eb' Rey 7:6

Yujto a Jehová 'ix 'a'n yab' eb' sirio 'a scamplamento, 'icha to xc'an̈ yec' jun tzo'n̈ caruaje yic owal, no chej yet' nan̈l soldado. Yuj cha, 'ix laj yal-lanc eb' 'a jun jun, to a sreyl chon̈b' Israel 'ix tojn win sreyl eb' hitita yet' win sreyl Egipto yic tzya'n eb' owl yet' eb' yalni.

A Ch'an̈ Schab'l Libro Samuel 2:13

Ax pax Joab win yune 'ix Sarvia, x'el yet' eb' soldado David 'a chon̈b' Hebrón, axta schaj sb'a yet' Abner 'a 'aj tzyam sb'a a a yic Gabaón. A chamacn̈ eb' soldado cha, 'ix 'och wan eb' 'aj tzyam sb'a a a cha, junjn macn̈ eb' 'a junjn sc'axpil 'ec' a'.