A Ch'an̈ B'ab'el Libro Samuel 26:5 - Chuj San Sebastian Bible

⁵ Xlajw cha, 'ix 'at David 'a 'aj 'ayc' Saúl cha, 'ix smaclni yil 'aj tzwaycn yet' Abner win yunnal Ner, syajlil eb' soldado cha. Ax x'aji a 'a spacl snan̈l camplamento cha, ata waync Saúl, oyn 'och eb' soldado 'a stz'ey stan̈wni.

Chuj San Mateo Bible

⁵ Ayic ix lajvi yab'an vin̈aj David chi', ix b'at vin̈ b'aj ayec' vin̈aj Saúl chi' d'ac'valil, ix cham val yilan vin̈ b'aj svay vin̈ yed' vin̈aj Abner yuninal vin̈aj Ner, aton vin̈ yajal yaj d'a eb' soldado. Axo ix yilan vin̈ to a d'a snan̈al yol campamento chi', ata' svay vin̈, oyanoch eb' soldado d'a spatictac vin̈.

A Ch'an̈ B'ab'el Libro Samuel 26:5 Referans Kwoze

A Ch'an̈ B'ab'el Libro Samuel 17:55

A yic xyiln Saúl s'at David yac' owl yet' win Goliat, 'ix sc'anb'n 'ixtc 'a Abner, win scapitan̈il eb' soldado cha: —Abner, ¿mach smam jun win quelm winc tic? xchi.

A Ch'an̈ B'ab'el Libro Samuel 17:20

Ax 'a yic caw sq'uin̈b'ilto 'a junx c'u, 'ix ya'n can David 'ab'enal no calnelu chi 'a junx mach. Xlajw cha, 'ix 'ati, xyi'n 'at jun tzo'n̈ tas xya't Isaí chi 'a 'a. Ax yic xc'och 'a scamplamento eb' soldado cha, wan s'at eb' 'a owal, tzya'n 'el eb' yaw s'at 'a owl cha.

1 Cr 9:39

A Ner, a 'ay yunnal Cis, ax Cis a 'ay yunnal Saúl, ax Saúl a 'ay yunnal Jonatán, Malquisúa, Abinadab yet' Es-baal.

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

A Ch'an̈ B'ab'el Libro Samuel 9:1

A 'a scal eb' yin̈tl Benjamín, ata 'ay jun winc tzcuch Cis, caw wal b'inab'il, atn win yunnal win Abiel, yixchicn win Zeror, schab'l 'ixchicn win Becorat, win yunnal Afía.

A Ch'an̈ B'ab'el Libro Samuel 26:4

yuj cha, xchecn 'at yilmal, 'ix yaln eb' to 'ayx ec' win ta'.